ନୂଆଦିଲ୍ଲୀ: କାନାଡାରେ ଫୁଣି ଗର୍ଜିଲା ବନ୍ଧୁକ। ପୂର୍ବ ଟରୋଣ୍ଟୋରେ ଏକ ପବରେ ଗୁଳିମାଡ ହୋଇଥିବା ନେଇ ମିଳିଲା ଖବର। ଏହି ଗୁଳିମାଡ ଘଟଣାରେ ୧୨ ଜଣ ଲୋକ ଗୁରୁତର ଆହତ ହୋଇଥିବା ନେଇ ଖବର ମିଳିଛି। ମିଳିଥିବା ଖବର ମୁତାବକ ଗତ ଶୁକ୍ରବାର ଟରୋଣ୍ଟୋରେ ଥିବା ସ୍କାରବ୍ରୋ ଟାଉନ ସେଣ୍ଟର ମଲ ନିକଟସ୍ଥ ଏକ ପବରେ ରାତି ପ୍ରାୟ ୧୦ଟା ୪୦ ମିନିଟରେ ଗୁଳିମାଡ ହୋଇଥିବା ଜଣାପଡିଛି। ତେବେ ଏହି ଗୁଳିକାଣ୍ଡ ଭିଆଇଥିବା ଅତାତାୟି ଜଣଙ୍କ ଘଟଣାସ୍ଥଳରୁ ଫେରାର ହୋଇଯାଇଛି।
ପ୍ରଥମିକ ସ୍ତରରେ ୧୧ ଜଣ ଲୋକ ଆହତ ହୋଇଥିବା ନେଇ ଖବର ମିଲିଥିଲା। କିନ୍ତୁ ପରେ କାନାଡା ପୋଲିସ ଏହି ଧଟଣାରେ ୧୨ ଜଣ ଲୋକ ଆହତ ହୋଇଥିବା ନେଇ ସ୍ପଷ୍ଟ କରିଥିଲା। ଆହତ ହୋଇଥିବା ସମସ୍ତ ଲୋକମାନଙ୍କ ମଧ୍ୟରେ ୬ ଜଣଙ୍କ ଅବସ୍ଥା ସଙ୍କଟାପନ୍ନ ହୋଇଥିବା ନେଇ ଖବର ମିଳିଛି। ତେବେ ଗୁଳିମାଡ କରିଥିବା ବ୍ୟକ୍ତି ଜଣଙ୍କ ଏକ କଳା ରଙ୍ଗର ଜ୍ୟାକେଟ ପିନ୍ଧିବା ସହ ସିଲଭର ରଙ୍ଗର କାର ଚଳାଇ ଗଟଣାସ୍ଥଳରୁ ଫେରାର ହୋଇଯାଇଥିଲା ବୋଲି ପୋଲିସ ସୂଚନା ପ୍ରଦାନ କରିଛି।
ଏହି ଦୁର୍ଘଟମା ପରେ କାନାଡା ପୋଲିସ ହାଇ ଆଲର୍ଟରେ ରହିଛି। ଲୋକମାନଙ୍କୁ ଘର ଭିତରେ ସୁରକ୍ଷିତ ରହିବା ପାଇଁ ପୋଲିସ ପକ୍ଷରୁ ସୂଚନା ଜାରି କରାଯାଇଛି। ତେବେ ଏହି ଘଟଣାରେ ମୋଟ ତିନିଜଣ ଲୋକ ସାମିଲ ଥିଲେ ବୋଲି ପୋଲିସ ଆଶଙ୍କା ପ୍ରକାଶ କରିଛି। ତେବେ ବର୍ତ୍ତମାନ ପୋଲିସ ସନ୍ଧିଗ୍ଧ ମାନଙ୍କୁ ହେପାଜତକୁ ନେବା ପାଇଁ ଛାନଭିନ ଚଳାଇଛି।
ଆପଣଙ୍କୁ ଜମାଇରଖୁ ଯେ ଗତ ୨୦୨୨ ମସିହାରେ କାନାଡାର ନୋବହା ସ୍କୋଟିଆ ସହରରେ ଅନୁରୂପ ଶୈଳିରେ ଗୁଳିମାଡ ହୋଇଥିଲା। ଏହି ଘଟଣାରେ ୨୨ ଜଣ ଲୋକଙ୍କ ମୃତ୍ୟୁ ହୋଇଥିଲା। ଯାହାକୁ କାନାଡା ଇତିହାସରେ ସବୁଠୁ ଭୟଙ୍କର ଗୁଳିମାଡ ଘଟଣା ଭାବେ ଅଭିହିତ କରାଯାଏ।
