ଭୁବନେଶ୍ୱର,୨୭/୦୪: ସୁନା ଅଳଙ୍କାର ଦୋକାନ ମାଲିକଙ୍କୁ ଠେଙ୍ଗାରେ ପିଟି ଛଡ଼ାଇନେଲେ ସୁନା ଭର୍ତ୍ତି ବ୍ୟାଗ୍ । ଲୁଟିନେଲେ ଲକ୍ଷାଧିକ ଟଙ୍କାର ସୁନା ଗହଣା । ଗୁରୁତର ଅବସ୍ଥାରେ ବାରିପଦା ସ୍ଥିତ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି ହେଲେ ମାଲିକ । ମୟୂରଭଞ୍ଜ ଜିଲ୍ଲା ସୁନଗାଡ଼ିଆ ଯିବା ରାସ୍ତର ପଛପଟ ଅଞ୍ଚଳରେ ଘଟଣାଟି ଘଟିଛି ।
ସୂଚନା ମୁତାବକ, ବାରିପଦା ସହରର ବାଲେଶ୍ଵର ଉଦଳା ବସ୍ ଷ୍ଟପ୍ ନିକଟରେ ରାଜେଶ କମିଲା ଓରଫ ବାବୁ ନାମକ ବ୍ୟକ୍ତି ଏକ ସୁନା ଦୋକାନ କରିଛନ୍ତି । ଶନିବାର ରାତି ୯ଟା ୩୦ବେଳେ ବାବୁ ଥିବା ଦୋକାନ ବନ୍ଦ କରିଥିଲେ । ସେ ବାଇକରେ ଅଳଙ୍କାର ଭର୍ତି ସୁନାଗହଣା ରଖି ଘରକୁ ଯାଉଥିବା ବେଳେ ଶୂନ ଗାଡ଼ିଆ ନିକଟ ପୁରୁଣା ସରାଳି ବ୍ରିଜ ନିକଟରେ ୨ଟି ବାଇକରେ ୪ଜଣ ଯୁବକ ଆସି ତାଙ୍କୁ ଅଟକାଇଥିଲେ । ତାଙ୍କୁ ମାଡ଼ ମାରିବା ସହ ସୁନା ଗହଣା ଭର୍ତ୍ତି ବ୍ୟାଗ୍ ନେଇ ଚମ୍ପଟ ମାରିଥିଲେ । ଏନେଇ ଟାଉନ ଥାନାରେ ଏକ ଲିଖିତ ଅଭିଯୋଗ ହୋଇଛି । ଅଭିଯୋଗକୁ ଭିତ୍ତି କରି ପୋଲିସ ମାମଲା ରୁଜୁ କରି ଅଧିକ ତଦନ୍ତ ଆରମ୍ଭ କରିଛି।
