ନୂଆଦିଲ୍ଲୀ: ମୈସୁର ଅରବାନ ଡେଭଲୋପମେଣ୍ଟ ଅଥୋରିଟି(ଏମୟୁଡିଏ) ମାମଲାରେ ଫସିଥିବା ମୁଖ୍ୟମନ୍ତ୍ରୀ ସିଦ୍ଦରମେୟାଙ୍କୁ କ୍ଲିନଚିଟ୍ ପ୍ରଦାନ କଲେ କର୍ଣ୍ଣାଟକ ଲୋକାୟୁକ୍ତ। କେବଳ ସିଦ୍ଦରମେୟା ନୁହେଁ ଏହି ମାମଲାରେ ଜଡିତ ଥିବା ତାଙ୍କ ପତ୍ନୀ ଓ ଅନ୍ୟ ଦୁଇଜଣଙ୍କୁ ବି କ୍ଲିନଚିଟ୍ ଦିଆଯାଇଛି। ତେବେ ଏମୟୁଡିଏରେ ଜମି ଆବଣ୍ଟନ ମାମଲାରେ ସିଦ୍ଦରମେୟାଙ୍କ ଉପରେ ମାମଲା ଚାଲୁ ରହିଥିଲା। କିନ୍ତୁ ପ୍ରମାଣ ଅଭାବରୁ ତାଙ୍କୁ କର୍ଣ୍ଣାଟକ ଲୋକାୟୁକ୍ତ ନିର୍ଦୋଷ ବୋଲି ଘୋଷଣା କରିଛନ୍ତି।
ସ୍ନେହମୟୀ କ୍ରିଷ୍ଣା ନାମକ ଜଣେ ସାମ୍ୱାଦିକ ତଥା ସାମାଜିକ କର୍ମୀ ଏମୟୁଡିଏରେ ହୋଇଥିବା ଜାଗା ଆବଣ୍ଟନରେ ମୁଖ୍ୟମନ୍ତ୍ରୀଙ୍କ ହାତଥିବା ନେଇ ଏକ ମାମଲା ଦାଖଲ କରିଥିଲେ। ତେବେ ସିଦ୍ଦରମୈୟାହଙ୍କୁ ଲୋକାୟୁକ୍ତଙ୍କ କ୍ଲିନଚିଟ ନିର୍ଦ୍ଦେଶ ଦେବା ପରେ ତାଙ୍କ ନିକଟକୁ ଏକ ନୋଟିସ ଜାରି କରାଯାଇଛି। ଏହି ମାମଲାରେ ପର୍ଯ୍ୟପ୍ତ ପ୍ରମାଣର ଅଭାବ ରହିଛି ଓ ଆଇନଗତ ଭୁଲ ବୁଝାମଣାରୁ ଏପରି ଅଭିଯୋଗ ହୋଇଥାଇପାରେ ତେଣୁ ଏହି ମାମଲାକୁ ରଦ୍ଧ କରାଯାଇଛି। କିନ୍ତୁ ସେ ଚାହିଁଲେ ଏକ ସପ୍ତାହ ମଧ୍ୟରେ ମାଜିଷ୍ଟ୍ରେଟଙ୍କ ଆଗରେ ଏହି ରାୟ ବିରୁଦ୍ଧରେ ଚ୍ୟାଲେଞ୍ଚ କରିପାରିବେ ବୋଲି ନୋଟିସରେ ସୂଚନା ଦିଆଯାଇଛି।
ଜମି ଆବଣ୍ଟନ ଦୁର୍ନିତିରେ ମୁଖ୍ୟମନ୍ତ୍ରୀ ସିଦ୍ଦରମେୟାଙ୍କ ସମେତ ଅନ୍ୟମାନଙ୍କ ନାଁରେ ଭାରତୀୟ ପିଙ୍ଗଳ କୋର୍ଟ, ଦୁର୍ନୀତି ନିରୋଧି ଅଧିନିୟମ, ବେନାମୀ କାରବାର ଅଧିନିୟମ ଓ କର୍ଣ୍ଣାଟକ ଜମି ଅଧିଗ୍ରହଣ ଅଧିନିୟମ ଆଧାରରେ ବିଭିନ୍ନ ମାମଲା ରୁଜୁ କରାଯାଇଥିଲା। ତେବେ ଲୋକାୟୁକ୍ତ ଏହି ମାମଲାର ଯାଞ୍ଚ କରିବା ପରେ ଏଥିରେ କୌଣସି ଆପରାଧିକ ସମ୍ୱନ୍ଧରେ ପ୍ରମାଣ ମିଳି ନଥିଲା। ତେଣୁ ସେ ଏହି ମାମଲାରେ ଜଡିତ ଥିବା ଅଭିଯୁକ୍ତମାନଙ୍କୁ କ୍ଷମା କରି ଏକ ଚୂଡାନ୍ତ ରିପୋର୍ଟ ତଲବ କରିଥିଲେ।
ଏମୟୁଡିଏରେ ୨୦୧୬ରୁ ୨୦୨୪ ମଧ୍ୟରେ ହୋଇଥିବା ଜମି ଆବଣ୍ଟନର ଛାନଭିନ କରିବା ପରେ ଏଥିରେ କୈଣସି ଭ୍ରଷ୍ଟାଚାର ହୋଇନାହିଁ ବୋଲି ଲୋକାୟୁକ୍ତ ସୂଚନା ପ୍ରଦାନ କରିଛନ୍ତି। ତେବେ ଏବେବି ସପ୍ଲିମେଣ୍ଟାରି ଯାଞ୍ଚ ଜାରି ରହିଛି। ଏହି ଯାଞ୍ଚ ପ୍ରକ୍ରିୟା ସଂପୂର୍ଣ୍ଣ ହେବାପରେ ସିଆରପିସିର ଧାରା ୧୭୩(୮) ଅଧିନରେ ଏହି ରିପୋର୍ଟକୁ କୋର୍ଟକୁ ହସ୍ତାନ୍ତର କରାଯିବ ବୋଲି ଲୋକାୟୁକ୍ତ କହିଛନ୍ତି।
