ନୂଆଦିଲ୍ଲୀ,୨୯।୫; ସିଏରା ଲିୟୋନ ସଂସଦରେ ଅସାଧରଣ ପଦକ୍ଷେପ। ୨୨ ଏପ୍ରିଲରେ ଜମ୍ମୁ-କଶ୍ମୀରର ପହଲଗାମ୍ରେ ହୋଇଥିବା ଆତଙ୍କୀ ହମଲାରେ ୨୬ ପୀଡିତଙ୍କ ସମ୍ମାନରେ ଏକ ମିନିଟ୍ରେ ରଖାଯାଇଥିଲା ଶୋକସଭା। ଏହି ଶ୍ରଦ୍ଧାଞ୍ଜଳି ଗୁରୁବାର ଭାରତୀୟ ସର୍ବଦଳୀୟ ସଂସଦୀୟ ପ୍ରତିନିଧି ମଣ୍ଡଳୀଙ୍କ ଉପସ୍ଥିତିରେ ଦିଆଯାଇଥିଲା। ଯାହାକି ଏହି ଭୟଙ୍କର ଅଘଟଣ ପ୍ରତି ବିଶ୍ବର ଏକଜୁଟତାର ପ୍ରତୀକ। ପହଲଗାମ୍ ଆକ୍ରମଣରେ ୨୫ ପର୍ଯ୍ୟଟକ ଓ ଜଣେ ସ୍ଥାନୀୟ ନିବାସୀଙ୍କ ଜୀବନ ଯାଇଥିଲା। ଶିବସେନା ସାଂସଦ ଶ୍ରୀକାନ୍ତ ଶିନ୍ଦେଙ୍କ ନେତୃତ୍ବରେ ଭାରତର ପ୍ରତିନିଧି ମଣ୍ଡଳୀ ସିଏରା ଲିଓନରେ ପହଁଞ୍ଚିଥିଲେ। ସାରା ଦୁନିଆର ବହୁ ଦେଶ ଏହି ଘାତକ ଆତଙ୍କୀ ଆକ୍ରମଣ ଉପରେ ନିଜର ସମବେଦନା ବ୍ୟକ୍ତ କରିଛନ୍ତି।
ଭାରତ ଓ ପଶ୍ଚିମ ଆଫ୍ରିକା ଦେଶ ସିଏରା ଲିଓନରେ ମଧ୍ୟରେ ଖୁବ୍ ଭଲ ସମ୍ପର୍କ ରହିଛି।ଯାହାକି ଐତିହାସିକ,ସାଂସ୍କୃତିକ ଓ ବିକାଶତ୍ମକ ସହଯୋଗ ଉପରେ ଆଧାରିତ। ଦୁଇ ଦେଶ ରାଜ୍ୟଗୋଷ୍ଠୀ ଓ ଅଣ-ଆନ୍ଦୋଳନ (ଏନ୍ଏଏମ୍)ର ସଦସ୍ୟ। ଏହାଛଡା ସିଏରା ଲିଓନର ଶିକ୍ଷା, ସ୍ବାସ୍ଥ୍ୟ ଓ ମୌଳିକ ଢାଞ୍ଚା କ୍ଷେତ୍ରରେ ସହାୟତା ପ୍ରଦାନ କରିଛି ଭାରତ । ଯେଉଁଥିରେ ଭାରତୀୟ ଟେକ୍ନୋଲୋଜି ଓ ଆର୍ଥିକ ସହଯୋଗ କାର୍ଯ୍ୟକ୍ରମ ଅନୁସାରେ ପ୍ରଶିକ୍ଷଣ ଓ ଛାତ୍ରବୃତ୍ତି ସାମିଲ ରହିଛି।
ସିଏରା ଲିୟୋନ ବର୍ତ୍ତମାନ ୨୦୨୪-୨୫ ପାଇଁ ଜାତିସଂଘର ସୁରକ୍ଷା ପରିଷଦର ଅସ୍ଥାୟୀ ସଦସ୍ୟ ରହିଛି, ଯାହାକି ୫୪ ବର୍ଷ ପରେ ଏହି ଭୂମିକାରେ ଫେରିବା ନେଇ ଦର୍ଶାଉଛି। ଏହା ପୂର୍ବରୁ ସିଏରା ଲିଓନ ୧୯୭୦-୭୧ ରେ ୟୁଏନ୍ଏସ୍ସିର ସଦସ୍ୟ ଥିଲା। ଏହା ଆଫ୍ରିକୀୟ ସଂଘ ସି-୧୦ ଗୋଷ୍ଠୀର ଅଧ୍ୟକ୍ଷ ମଧ୍ୟ ରହିଛି, ଯାହାକି ୟୁଏନ୍ଏସ୍ସିକୁ ସୁଧାରିବାର ପକ୍ଷ ରଖେ। ସିଏରା ଲିୟୋନର ୟୁଏନ୍ଏସ୍ସିରେ ଉପସ୍ଥିତି ଭାରତ ପାଇଁ ଗୁରୁତ୍ବପୂର୍ଣ୍ଣ। କାରଣ ଏହା ଇସଲାମିକ୍ ସହଯୋଗ ସଂଗଠନ(ଓଆଇସି)ର ସଦସ୍ୟ ମଧ୍ୟ ରହିଛି। ଭାରତ ଆତଙ୍କବାଦ ବିରୋଧରେ ନିଜର ସ୍ଥିତିକୁ ମଜବୁତ କରିବା ପାଇଁ ଏହାର ସମର୍ଥନ ମାଗିଛି।
