ହାଇଦ୍ରାବାଦ, ୨୭/୧୧ : ବିଶାଖାପାଟଣା ବିମାନ ବନ୍ଦରରୁ ୬ଟି ନୀଳ ଜିଭ ଥିବା ସରିସୃପ ଉଦ୍ଧାର। ଏହି ସରିସୃପ ଗୁଡ଼ିକୁ ଥାଇଲାଣ୍ଡ ଚାଲାଣ କରାଯାଉଥିବା ବେଳେ ବିମାନବନ୍ଦରରୁ ଡିଆରଆଇ ଉଦ୍ଧାର କରିଛି। ସରିସୃପ ଚାଲାଣ କରିବା ଅଭିଯୋଗରେ ୨ ଜଣ ଯାତ୍ରୀଙ୍କୁ ଗିରଫ କରାଯାଇଛି।
ସୂଚନାନୁଯାୟୀ, ନଭେମ୍ଵର ୨୩ ତାରିଖ ଦିନ ୨ ଜଣ ଯାତ୍ରୀ ବିଶାଖାପାଟଣାରୁ ଥାଇଲାଣ୍ଡ ନୀଳ ଜିଭ ବିଶିଷ୍ଟ ସରିସୃପ ବେଆଇନ ଭାବେ ଚାଲାଣ କରୁଥିବା ନେଇ ଡିଆରଆଇ ବିଶେଷ ସୂତ୍ରରୁ ଖବର ପାଇଥିଲା। ଏହାପରେ ଡିଆରଆଇ ବିମାନ ବନ୍ଦରରେ ଚଢାଉ କରିଥିଲା। ଚଢାଉ ବେଳେ ୨ ଜଣ ଯାତ୍ରୀଙ୍କ ବ୍ୟାଗ୍ ଯାଞ୍ଚ କରାଯାଇଥିଲା। ସେମାନଙ୍କ ବ୍ୟାଗ୍ରୁ ୬ଟି କେକ୍ ପ୍ୟାକେଟ୍ରୁ ୬ଟି ଜୀବନ୍ତ ନୀଳ ଜିଭ ଥିବା ସରିସୃପ ମିଳିଥିଲା। ଏହି ସରିସୃପ ଗୁଡ଼ିକୁ ଡିଆରଆଇ ଉଦ୍ଧାର କରିଛି। ଏହା ସହ ବେଆଇନ ଜନ୍ତୁ ଚାଲାଣ ଅଭିଯୋଗରେ ଏହି ଦୁଇ ଯାତ୍ରୀଙ୍କୁ ଗିରଫ କରିଛି। ଏନେଇ ଡିଆରଆଇ ଅଧିକ ତଦନ୍ତ ଜାରି ରଖିଛି।
