ଭୁବନେଶ୍ୱର,୦୭/୧୧: ସ୍କୋଡା ଅଟୋ ଇଣ୍ଡିଆ ପକ୍ଷରୁ ବହୁ ପ୍ରତିକ୍ଷୀତ ଏସ୍ୟୁଭି କାଇଲାକର ବଜାର ପ୍ରବେଶ ହୋଇଛି । କମ୍ପାନିର ଏହି ଏସ୍ୟୁଭି ସବ୍ ୪ ମିଟର ବର୍ଗର ଆସିଛି । ୨୦୨୫ରେ ଲଞ୍ଚ ପୂର୍ବରୁ ଏହାକୁ ବିଶ୍ୱ ସାମ୍ନାକୁ ଆଣିଛି କମ୍ପାନି । ଏହାର ବଜାର ଦର ୭.୮୯ ଲକ୍ଷ ଟଙ୍କାରୁ ଆରମ୍ଭ ହେଉଛି । ଯାନଟିରେ ଆରାମଦାୟକ ଯାତ୍ରା ଲାଗି କମ୍ପାନି ସର୍ବୋତ୍ତମ ଡ୍ରାଇଭିଂ ଡାଇନାମିକ୍ସ, ଲୋଭନୀୟ ଇଣ୍ଟେରିୟର, ୪୪୬ ଲିଟରର ବୁଟ୍ ସ୍ପେଶ ରହିଛି । ନିରାପତ୍ତା ଲାଗି ରହିଛି ୬ଟି ଏୟାରବ୍ୟାଗ । ସ୍କୋଡାର ନୂଆ ଡିଜାଇନ ଲାଙ୍ଗୁଏଜ ସହ ଏହାକୁ ପ୍ରସ୍ତୁତ କରାଯାଇଛି ।
ଏଥିରେ ରହିଛି ୧.୦ ଟିଏସ୍ଆଇ ଶକ୍ତିଶାଳୀ ଇଞ୍ଜିନ । ଏହା ସହ ଗ୍ରାହକ ୬ ସ୍ପିଡ ମାନୁଆଲ ଏବଂ ଅଟୋମେଟିକ ଟ୍ରାନ୍ସମିଶନ ସୁବିଧା ପାଇବେ । ଯାନଟିର ପଞ୍ଜୀକରଣ ଆରମ୍ଭ ହୋଇଯାଇଛି । ଏହି ମଡେଲ ଦ୍ୱାରା ଭାରତରେ କମ୍ପାନି ଏହାର ଉପସ୍ଥିତିକୁ ଆହୁରି ଦୃଢ଼ କରିପାରିବ ।
ଏହି ଅବସରରେ ସ୍କୋଡା ଅଟୋ ଇଣ୍ଡିଆର ସିଇଓ କ୍ଲାୟସ ଜେଲିମର କହିଛନ୍ତି, ୪ ମିଟର ମଧ୍ୟରେ ଘରୋଇ ବଜାରରେ ଓ ଭାରତ ବଜାର ପାଇଁ ଏହି ମଡେଲଟିକୁ ଡିଜାଇନ କରାଯାଇଛି । ଅନ୍ତର୍ଜାତୀୟ ବଜାରକୁ ନଜରରେ ମଧ୍ୟ ଏହି ମଡେଲରେ ସ୍ୱତନ୍ତ୍ର ଫିଚର ଯୋଡ଼ାଯାଇଛି ।
