ନୂଆଦିଲ୍ଲୀ,୨୫/୦୪: ପହଲଗାମ ଆତଙ୍କୀ ଆକ୍ରମଣରେ ସାରା ଦେଶରେ କ୍ରୋଧର ନିଆଁ । ପହଲଗାମରେ ବହିଥିବା ଲହୁ ଓ ଦେଶବାସୀଙ୍କ ଆଖିରୁ ଝରିଥିବା ଲୁହର ଜବାବ୍ ଦେବାକୁ ଦାବି ହୋଇଛି । ଏହାରି ଭିତରେ ପୁଣି ପାକିସ୍ତାନ ସେନା ଏଲଓସିରେ ଫାୟାରିଂ କରିଛି । ଗୁରୁବାର ରାତିତମାମ ପାକ୍ ସେନା ଫାୟାରିଂ କରିଥିବା ସୂଚନା ମିଳିଛି । ପାକ୍ ସେନାକୁ ଜବାବ୍ ଦେଇଛି ଭାରତୀୟ ସେନା । ଉଭୟ ପକ୍ଷରୁ ଗୁଳି ବିନିମୟ ଜାରି ରହିଛି । ସେପଟେ ବନ୍ଦିପୋରାରେ ସୁରକ୍ଷାକର୍ମୀ ଓ ଆତଙ୍କବାଦୀଙ୍କ ମଧ୍ୟରେ ଗୁଳି ବିିନିମୟ ହୋଇଛି । ଦୁଇ ସୁରକ୍ଷାକର୍ମୀ ଆହତ ହୋଇଛନ୍ତି । ଦୁଇ ଆତଙ୍କୀ ବି ଆହତ ହୋଇଥିବା ସୂଚନା ମିଳିଛି ।
ଜଣେ ଅଧିକାରୀ କହିଛନ୍ତି,'ପାକିସ୍ତାନ ସେନା ସୀମାରେ ଛୋଟ ଅସ୍ତ୍ରଶସ୍ତ୍ରରେ ଆକ୍ରମଣ କରିଛି । ଆମ ସେନା ତାଙ୍କୁ ଜବାବ ଦେଇଛି । ବର୍ତ୍ତମାନ କିଛି କ୍ଷୟକ୍ଷତିର ସୂଚନା ନାହିଁ ।'
ପହଲଗାମ ଯିବେ ସେନାମୁଖ୍ୟ- ଜମ୍ମୁ କାଶ୍ମୀର ପହଲଗାମରେ ହୋଇଥିବା ଭୟଙ୍କର ଆତଙ୍କୀ ଆକ୍ରମଣର ହିସାବ ନେବ ଭାରତୀୟ ସେନା । ଆଜି ପହଲଗାମ ଗସ୍ତ କରିବେ ସେନାମୁଖ୍ୟ ଉପେନ୍ଦ୍ର ଦ୍ୱିବେଦୀ । ଏଲଓସି ମଧ୍ୟ ଗସ୍ତ କରିବାର କାର୍ଯ୍ୟକ୍ରମ ରହିଛି ।
ରାହୁଲ ଗାନ୍ଧୀଙ୍କ କାଶ୍ମୀର ଗସ୍ତ- ଦେଶକୁ ଦୋହଲାଇ ଦେଇଛି ପହଲଗାମ ଆତଙ୍କୀ ଆକ୍ରମଣ । ଆଜି ଲୋକସଭା ସାଂସଦ ତଥା ବିରୋଧୀ ଦଳ ନେତା ରାହୁଲ ଗାନ୍ଧୀ ଜମ୍ମୁ କାଶ୍ମୀର ଗସ୍ତ କରିବେ । ସେଠାରେ ଅନନ୍ତନାଗ ସରକାରୀ ମେଡ଼ିକାଲ କଲେଜରେ ଆହତଙ୍କୁ ଭେଟିବେ ।
ପହଲଗାମ ପ୍ରତିଶୋଧ ପ୍ରସ୍ତୁତି- ପହଲଗାମରେ ହୋଇଥିବା ବଡ଼ ଆତଙ୍କୀ ଆକ୍ରମଣର ପ୍ରତିଶୋଧ ନେବାକୁ ପ୍ରସ୍ତୁତି ଆରମ୍ଭ କରିଛି ଭାରତ । ପାକ୍କୁ ଜବାବ ଦେବାକୁ ତୟାରି ଆରମ୍ଭ ହୋଇଛି । ଯୁଦ୍ଧାଭ୍ୟାସ, କ୍ଷେପଣାସ୍ତ୍ର ପରୀକ୍ଷା ହୋଇଛି । ଭାରତୀୟ ବାୟୁସେନା ଓ ନୌସେନା ଆଲର୍ଟରେ ରହିଛି । ବାୟୁସେନା 'ଆକ୍ରମଣ' ଯୁଦ୍ଧାଭ୍ୟାସ କରିଛି । ସେହିପରି ନୌସେନା ପକ୍ଷରୁ ସ୍ୱଦେଶୀ ଜ୍ଞାନକୌଶଳରେ ନିର୍ମିତ ଦୂରଗାମୀ କ୍ଷେପଣାସ୍ତ୍ରର ସଫଳ ପରୀକ୍ଷଣ କରାଯାଇଛି ।
Small arms firing at some places on the Line of Control were initiated by the Pakistan Army. Effectively responded to by the Indian Army. No casualties. Further details are being ascertained: Indian Army officials pic.twitter.com/SlBSDPSJHA
— ANI (@ANI) April 25, 2025
କହ ରଖୁଛୁ କି, ଗତ ୨୨ ତାରିଖରେ ଭାରତର ଭୂସ୍ୱର୍ଗ ଜମ୍ମୁ କାଶ୍ମୀରର ପହଗାମରେ ଭୟଙ୍କର ଆତଙ୍କୀ ଆକ୍ରମଣ ହୋଇଥିଲା । ଏଥିରେ ୨୭ ପର୍ଯ୍ୟଟକଙ୍କର ମୃତ୍ୟୁ ହୋଇଥିଲା । ୧୭ ଜଣ ଆହତ ହୋଇଥିଲେ । ଏହାପରେ ଭାରତ ହାଇ ଆଲର୍ଟରେ ରହିଛି । ଆତଙ୍କୀଙ୍କୁ କଡ଼ା ଜବାବ୍ ଦେବାକୁ ପ୍ରସ୍ତୁତି କରୁଛି ।
