ନୂଆଦିଲ୍ଲୀ,୧୫/୦୫: ପିଓକେରେ ଚାଲିଥିବା ହିଂସାତ୍ମକ ବିରୋଧ ମଧ୍ୟରେ କାଶ୍ମୀରର ଯୁବକମାନେ ପାକିସ୍ତାନକୁ ଖୋଲା ଚ୍ୟାଲେଞ୍ଜ ଦେଇଛନ୍ତି। ମୁଜାଫରବାଦର କିଛି ଯୁବକ କହିଛନ୍ତି ଯେ ଏହା 'ସ୍ବାଧିନ କାଶ୍ମୀର' ନୁହେଁ ବରଂ 'ପାକିସ୍ତାନ ଏହାକୁ ଦଖଲ କରିଛି'। ଯୁବକମାନେ ଅଭିଯୋଗ କରିଛନ୍ତି ଯେ, ପାକିସ୍ତାନ ସର୍ବଦା ଆଜାଦ କାଶ୍ମୀରର ଚିତ୍ର ଦେଖାଇବାକୁ ଚେଷ୍ଟା କରେ, କିନ୍ତୁ ମୌଳିକ ଆବଶ୍ୟକତା ପୂରା କରିବାରେ ଅକ୍ଷମ।
କହିରଖୁଛୁ ଯେ, ପାକିସ୍ତାନ ପିଓକେକୁ ଆଜାଦ କାଶ୍ମୀର ବୋଲି କହିଆସୁଛି ଏବଂ କାଶ୍ମୀର ଦିବସ ଫେବୃଆରୀ ୫ ରେ ପାଳନ କରାଯାଉଛି। ପିଓକେର ଯୁବକମାନେ ପାକିସ୍ତାନୀ ୟୁଟ୍ୟୁବର ଶୋଏବ ଚୌଧରୀଙ୍କ ସହ ବାର୍ତ୍ତାଳାପରେ ସ୍ୱର ଉତ୍ତୋଳନ କରିଛନ୍ତି। କାଶ୍ମୀରବାସୀ କହିଛନ୍ତି ଯେ ପାକିସ୍ତାନ କେବଳ ଆମକୁ ଶୋଷଣ କରୁଛି। ପିଓକେରେ କୌଣସି ପ୍ରକାରର ବିକାଶ ନାହିଁ। ଏଠାରେ ସ୍ୱାସ୍ଥ୍ୟ ଏବଂ ଶିକ୍ଷା ବ୍ୟବସ୍ଥା ଖରାପ ଅବସ୍ଥାରେ ଅଛି, ପିଲାମାନଙ୍କ ପାଇଁ ଭଲ ବିଦ୍ୟାଳୟ ନାହିଁ।
ପିଓକେ ଲୋକଙ୍କ ବିରୋଧରେ ପାକିସ୍ତାନ ଅତ୍ୟାଚାର କରିଛି ବୋଲି କହିଛନ୍ତି ପିଓକେ ବାସୀ। କାଶ୍ମୀରର ଯୁବକମାନେ କହିଛନ୍ତି ଯେ, ପାକିସ୍ତାନ ଆମ ପାଇଁ କୌଣସି ପ୍ରକାରର କ୍ଷତି ସହିବାକୁ ଚାହୁଁ ନାହୁଁ। ଆମେ ମଧ୍ୟ ଚାହୁଁନାହୁଁ ଯେ ଭାରତ ଆମ ପାଇଁ କୌଣସି କ୍ଷତି ସହୁ। କାଶ୍ମୀରର ଯୁବକମାନେ ମଧ୍ୟ ବିଶ୍ବାସ କରିଛନ୍ତି ଯେ, ଭାରତର ଅଂଶ ଥିବା କାଶ୍ମୀରରେ ବିକାଶର ଛାପ ପଡ଼ିସାରିଛି।