ପୁରୀ,୧୧/୦୫: ଆଜି ବଡ଼ଦେଉଳରେ ପାଳନ ହେବ ଶ୍ରୀନୃସିଂହ ଦେବଙ୍କ ଜନ୍ମ ନୀତି । ଏହି ଅବସରରେ ପୂଜାପଣ୍ଡା ସେବକ ଠାକୁରଙ୍କ ଆଜ୍ଞାମାଳ ନେଇ ଚକ୍ରତୀର୍ଥ ରୋଡ଼ସ୍ଥିତ ଚକ୍ର ନାରାୟଣଙ୍କୁ ପ୍ରଦାନ କରିବେ । ଶ୍ରୀମନ୍ଦିରରେ ନୃସିଂହ ଦେବ ମହାପ୍ରଭୁଙ୍କ ଆଜ୍ଞାମାଳ ପାଇ ମୁକ୍ତିମଣ୍ଡପସ୍ଥ ଖଟୁଲିରେ ବିଜେ ହେବେ । ଶ୍ରୀନୃସିଂହଙ୍କ ମନ୍ଦିରରେ ପତିମହାପାତ୍ରେ ପୂଜାରେ ବସିବେ । ଉଭୟ ଠାକୁରଙ୍କୁ ପଞ୍ଚ ଉପଚାରରେ ଶୀତଳ ଭୋଗ ଅର୍ପଣ କରାଯିବ । ପରେ ଶ୍ରୀନୃସିଂହ ଠାକୁର ବିମାନରେ ବିଜେ ହୋଇ ଜଗନ୍ନାଥ ବଲ୍ଲଭ ମଠ ଯାତ୍ରା କରିବେ। ସେଠାରେ ଭୋଗ ଓ ବନ୍ଦାପନା ନୀତି ବଢ଼ି ନୃସିଂହ ଦେବ ଶ୍ରୀମନ୍ଦିରକୁ ଫେରିବେ । ଏହି ଅବସରରେ ମାର୍କଣ୍ଡେଶ୍ୱର ସାହିଆ ମାନେ ଠାକୁରଙ୍କ ନୀତିରେ ସାମିଲ ହେବାର ପରମ୍ପରା ରହିଛି ।
