ନୂଆଦିଲ୍ଲୀ: ବୁଲା କୁକୁର ମାନେ ସେମାନଙ୍କୁ ଆକ୍ରମଣ କରନ୍ତି, ଯେଉଁ ମାନେ ତାଙ୍କୁ ଭୟ କରନ୍ତି । ଆଜି (ଗୁରୁବାର) ବୁଲା କୁକୁର ସମ୍ପର୍କିତ ଏକ ମାମଲାର ଶୁଣାଣି ସମୟରେ ଏଭଳି କିଛି କହିଛନ୍ତି ସୁପ୍ରିମକୋର୍ଟ । ବିଚାରପତି କହିଛନ୍ତି ଯେ, ସେ ବ୍ୟକ୍ତିଗତ ଅଭିଜ୍ଞତାରୁ ଏହା କହୁଛନ୍ତି। ତେବେ ଶୁଣାଣି ସମୟରେ କୋର୍ଟରେ ଉପସ୍ଥିତ ଥିବା କୁକୁର ପ୍ରେମୀ ମାନେ ଏହା ଶୁଣି ସହମତିରେ ମୁଣ୍ଡ ହଲାଇଥିଲେ।
ବିଚାରପତି ବିକ୍ରମ ନାଥ, ସନ୍ଦୀପ ମେହେଟ୍ଟା ଏବଂ ଏନ.ଭି. ଅଞ୍ଜାରିଆଙ୍କ ଖଣ୍ଡପୀଠ ମାମଲାର ଶୁଣାଣି କରୁଛନ୍ତି। କୋର୍ଟ କୁକୁର ପ୍ରେମୀ ଏବଂ ନିର୍ଦ୍ଦେଶର କଠୋର ଅନୁପାଳନ ଦାବି କରୁଥିବା ଲୋକଙ୍କ ଦ୍ୱାରା ଦାଖଲ କରାଯାଇଥିବା ପୂର୍ବ ନିର୍ଦ୍ଦେଶରେ ସଂଶୋଧନ ପାଇଁ ଆବେଦନ ଗୁଡ଼ିକର ଶୁଣାଣି କରୁଛନ୍ତି।
କୋର୍ଟ କହିଛନ୍ତି, " କୁକୁର ମାନେ ସର୍ବଦା ସେମାନଙ୍କୁ ଚିହ୍ନିଥାନ୍ତି, ଯେଉଁମାନେ ତାଙ୍କୁ ଭୟ କରନ୍ତି। ଆଉ ଯେତେବେଳେ କୁକୁର ମଣିଷ ବିଷୟରେ ଏପରି ଅନୁଭବ କରେ, ସେତେବେଳେ କୁକୁର ପ୍ରଥମେ ସେମାନଙ୍କୁ ଆକ୍ରମଣ କରେ। ଆମେ ବ୍ୟକ୍ତିଗତ ଅଭିଜ୍ଞତାରୁ ଏହା କହୁଛୁ।" ଏହା ଶୁଣି କୁକୁର ପ୍ରେମୀ ମାନେ ମୁଣ୍ଡ ହଲାଇଥିଲେ, ଖଣ୍ଡପୀଠ ସେମାନଙ୍କୁ ମୁଣ୍ଡ ନହଲାଇବା କହିଥିଲେ। ସେମାନେ ଆହୁରି ମଧ୍ୟ କହିଛନ୍ତି ଯେ, ଯଦି କୁକୁର ମାନେ ଆପଣଙ୍କୁ ଭୟ କରୁଥିବା ଭାବରେ ଦେଖନ୍ତି, ତେବେ ସେମାନେ ଆକ୍ରମଣ କରିବାର ସମ୍ଭାବନା ଅଧିକ। ଆପଣଙ୍କ ପୋଷା କୁକୁର ମଧ୍ୟ ଏହା କରିପାରିବ।
କୋର୍ଟ ଏହି ମନ୍ତବ୍ୟ ଜଣେ ଓକିଲଙ୍କ କହିବା ପରେ ଦେଇଥିଲେ ଯେ, ଥରେ କୁକୁର କାମୁଡ଼ି ଦେଲା ପରେ ତାକୁ ବାହାରେ ଛାଡିବା ଉଚିତ୍ ନୁହେଁ। କୋର୍ଟ କହିଥିଲେ ଯେ, ଯେ RWA ହେଲ୍ପଲାଇନ୍ କୁ କୁକୁର କାମୁଡ଼ାର ୨୦ ହଜାର ଅଭିଯୋଗ ମିଳିଛି। ସେ କହିଥିଲେ ଯେ, ପୋଷା କୁକୁର ଏବଂ ବୁଲା କୁକୁର ମଧ୍ୟରେ ପାର୍ଥକ୍ୟ ବୁଝିବା ଆବଶ୍ୟକ। ବୁଲା କୁକୁର ମାନଙ୍କୁ ପୋଷା କୁକୁର ଭାବରେ ରଖାଯାଇପାରିବ, କିନ୍ତୁ ଏହା କୁକୁର ପ୍ରେମୀଙ୍କ ପାଇଁ ଏକ ସମସ୍ୟା।
ସେ କହିଥିଲେ ଯେ ମୁଖ୍ୟ ସମସ୍ୟା ହେଉଛି କୁକୁର ମାନେ ସେମାନଙ୍କ ଅଞ୍ଚଳ ପ୍ରତି ବହୁତ ସମ୍ବେଦନଶୀଳ ଏବଂ ପ୍ରତି ୨ଶହ-୩ଶହ ମିଟରରେ ସେମାନଙ୍କର ଅଞ୍ଚଳ ପରିବର୍ତ୍ତନ ହୁଏ।
