ଯାଜପୁର, ୧୮।୧ : ଯାଜପୁର ଜିଲ୍ଲା ଦାନଗଦି ବ୍ଲକ ଅନ୍ତର୍ଗତ ଏକ ପ୍ରାଥମିକ ବିଦ୍ୟାଳୟରେ ଅଘଟଣ। ଖସଡ଼ା ଦୋଳିରେ ଖେଳୁଥିବା ସମୟରେ ତଳକୁ ଖସିପଡି ଜଣେ ୪ର୍ଥ ଶ୍ରେଣୀ ଛାତ୍ରର ମୃତ୍ୟୁ ହୋଇଛି। ମୃତ ଛାତ୍ର ଜଣକ ନବଘନ ସାହୁଙ୍କ ପୁଅ ସୌମ୍ୟରଞ୍ଜନ ସାହୁ ।
ଛାତ୍ର ଜଣକ ବିଦ୍ୟାଳୟ ପରିସରରେ ଥିବା ଏକ ସିମେଣ୍ଟ କଂକ୍ରିଟ ନିର୍ମିତ ଖସଡ଼ା ଦୋଳିରେ ଖେଳୁଥିଲେ। ଏହି ସମୟରେ ଖସଡ଼ା ଦୋଳିର ସାଇଡ଼ ଓ୍ବାଲ ଭାଙ୍ଗି ଯିବାରୁ ସେ ତଳେ ପଡ଼ିଯାଇଥିଲେ। ଗୁରୁତର ଅବସ୍ଥାରେ ତାଙ୍କୁ ଦାନଗଦି ମେଡ଼ିକାଲକୁ ନିଆଯାଇଥିଲା। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ଶିକ୍ଷକଙ୍କ ଅବହେଳାରୁ ଏପରି ହୋଇଥିବା ଦର୍ଶାଇ ଗ୍ରାମବାସୀ ଶିକ୍ଷକଙ୍କୁ ସ୍କୁଲରେ ଅଟକ ରଖିଛନ୍ତି। । ସେପଟେ ଦାନଗଦି ମେଡ଼ିକାଲରେ ପୋଲିସ ପହଞ୍ଚି ଛାତ୍ରଙ୍କ ମୃତଦେହ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଇବା ସହ ଘଟଣାର ତଦନ୍ତ ଆରମ୍ଭ କରିଛି।