ନୂଆଦିଲ୍ଲୀ,୨୩/୦୬: ଇରାନ୍-ଇସ୍ରାଏଲ ଯୁଦ୍ଧ ଭିତରେ ମଧ୍ୟପ୍ରାଚ୍ୟର ଆଉ ଏକ ଦେଶରେ ଆତ୍ମଘାତୀ ବିସ୍ଫୋରଣ ହୋଇଛି । ସିରିଆ ରାଜଧାନୀ ଦମିସ୍କସର ଏକ ଚର୍ଚ୍ଚରେ ଆତ୍ମଘାତୀ ବିସ୍ଫୋରଣ ହୋଇଛି । ଶିଶୁଙ୍କ ସମେତ ୨୦ ଜଣଙ୍କର ମୃତ୍ୟୁ ହୋଇଛି । ଅନେକ ଆହତ ହୋଇଛନ୍ତି । ମୃତ୍ୟୁସଂଖ୍ୟା ଆହୁରି ବଢିବା ଆଶଙ୍କା କରାଯାଉଛି । ଚର୍ଚ୍ଚ ଭିଡ଼ ଭିତରେ ପଶି ଜଣେ ବ୍ୟକ୍ତି ବିସ୍ଫୋରଣ ଘଟାଇଥିଲା । ସେହି ସମୟରେ ଚର୍ଚ୍ଚରେ ଲୋକ ପ୍ରାର୍ଥନା କରୁଥିଲେ । ବିସ୍ଫୋରଣକୁ ନେଇ ଆଇଏସଆଇଏସକୁ ଦାୟୀ କରିଛି ସିରିୟା ।
ସିରିଆ ରାଜଧାନୀ ଦମିସ୍କସର ସେଣ୍ଟ ଇଲିଆସ୍ ଚର୍ଚ୍ଚରେ ଆତ୍ମଘାତୀ ବିସ୍ଫୋରଣ ହୋଇଥିରା ସିରିଆ ସ୍ୱାସ୍ଥ୍ୟମନ୍ତ୍ରଣାଳୟ ପକ୍ଷରୁ କୁହାଯାଇଛି । ଅଧିକାରୀଙ୍କ ସୂଚନା ଅନୁସାରେ ବିସ୍ଫୋରଣ ଘଟାଇଥିବା ଜଣକ ଆତଙ୍କବାଦୀ ସଂଗଠନ ଇସଲାମିକ ଷ୍ଟେଟ ସହ ଜଡ଼ିତ ଥିଲା । ଆଇଏସ୍ଆଇ ଗ୍ରୁପର ଜଣେ ସଦସ୍ୟ ଏହି ଆକ୍ରମଣ କରିଥିବା ସିରିଆ ଆଭ୍ୟନ୍ତରୀଣ ବ୍ୟାପାର ମନ୍ତ୍ରଣାଳୟ ପକ୍ଷରୁ କୁହାଯାଇଛି । ଚର୍ଚ୍ଚରେ ଲୋକ ପ୍ରାର୍ଥନା କରୁଥିବା ସମୟରେ ଏହି ଅଘଟଣ ଘଟିଛି । ବିସ୍ଫୋରଣ ପରର ଦୃଶ୍ୟ ଭୟାନକ ଥିଲା ।
ଅଧିକ ପଢନ୍ତୁ...ଇରାନ ଉପରେ ଆମେରିକାର ଆକ୍ରମଣ ପରେ ଗଲ୍ଫ ଅଞ୍ଚଳରେ ବିକିରଣର ପ୍ରଭାବ ନାହିଁ; ରିପୋର୍ଟ
ଦାଏସ୍ (ଆଇଏସ୍) ଆତଙ୍କୀ ଗୋଷ୍ଠୀର ଆତ୍ମଘାତୀ ଆକ୍ରମଣକାରୀ ପ୍ରଥମେ ଚର୍ଚ୍ଚ ଭିତରେ ପଶି ନିଜକୁ ଗୁଳି ଚଳାଇବା ପରେ ଆତ୍ମଘାତୀ ବିସ୍ଫୋରଣ ଘଟାଇଥିଲା । ଗୁଳି କରିବା ସମୟରେ ସେଠାରେ ଉପସ୍ଥିତ ଲୋକ ତାଙ୍କୁ ଅଟକାଉଥିବା ବେଳେ ସେ ନିଜକୁ ଉଡ଼ାଇ ଦେଇଥିବା ପ୍ରତ୍ୟକ୍ଷଦର୍ଶୀ କହିଛନ୍ତି ।
୨୦୧୧ରେ ସିରିଆରେ ଗୃହଯୁଦ୍ଧ ଆରମ୍ଭ ହେବା ପରଠୁ ଚର୍ଚ୍ଚରେ ଏହା ପ୍ରଥମ ହମଲା । ଏହା ପୂର୍ବରୁ ସିରିଆରେ ସଂଖ୍ୟାଲଘୁଙ୍କ ସୁରକ୍ଷା ନୂଆ ସରକାର ପାଇଁ ସବୁଠୁ ବଡ଼ ଚ୍ୟାଲେଞ୍ଜ ଥିଲା । ସିରିଆ ଗୃହଯୁଦ୍ଧ ମଧ୍ୟରେ ଅନେକ ଲୋକ ଦେଶ ଛାଡିଛନ୍ତି । ଏବେ ଦେଶରେ ଇସାଇଙ୍କ ସଂଖ୍ୟା ପ୍ରାୟ ୩ ଲକ୍ଷ ରହିଛି ।
