ମୁମ୍ୱାଇ : ସନି ଦେଓଲଙ୍କ ଅଭିନୀତ ଫିଲ୍ମ ‘ବର୍ଡର’ରେ ସୁନୀଲ ଶେଟ୍ଟୀ ଅଭୁଲନୀୟ ଭୈରବ ସିଂହର ଚରିତ୍ର କରି ଥିଲେ। ଏହି ଫିଲ୍ମ ତାଙ୍କର ଚରିତ୍ରର ଦେଶଭକ୍ତି ଓ ଧରତି ମେରୀ ମାଁ ଭଳି ଡାୟଲଗ୍ ପ୍ରସିଦ୍ଧ ହୋଇ ଥିଲା। କିନ୍ତୁ ଆପଣ କଣ ଜାଣନ୍ତି ଯେ, ସୁନୀଲ ଶେଟ୍ଟି ପ୍ରଥମେ ଫିଲ୍ମ ବର୍ଡରକୁ କରିବାକୁ ଚାହିଁ ନଥିଲେ। ତାଙ୍କୁ ଫିଲ୍ମର ଡାଇରେକ୍ଟର ଜେପି ଦତ୍ତାଙ୍କ ରାଗ ବିଷୟରେ ଜଣା ନଥିଲା। ଏହାପରେ ସେ ଫିଲ୍ମର ପାର୍ଟ ହେବାକୁ ଚାହୁଁ ନଥିଲେ। କିନ୍ତୁ କିଛି ଏମିତି ହୋଇଛି ଯେ ସୁନୀଲ ଏହି ଫିଲ୍ମର ସଦସ୍ୟ ବି ହେଲେ ଏବଂ ସେ ସୁନ୍ଦର ଭୂମିକାରେ ମଧ୍ୟ ନଜର ଆସିଲେ।
ରେଡିଓ ନଶା ସହ କଥାବାର୍ତ୍ତାରେ ସୁନୀଲ ଶେଟ୍ଟୀ କହିଛନ୍ତି , ମୁଁ ଶୁଣି ଥିଲି ଯେ, ଜେପି ଦତ୍ତା ଖୁବ୍ କଡ଼ା ଟାସ୍କ ମାଷ୍ଟର ଏବଂ ରାଗରେ ଗାଳି ଦେବାକୁ ବି ପଛାନ୍ତି ନାହିଁ। ମୋର ବି ସ୍ୱଭାବ ସମାନ ଥିଲା। ମୋର ବି ଫ୍ୟୁଜ୍ ଛୋଟ ଥିଲା। ଯେବେ ଜେପି ଜୀ ମୋତେ ଭେଟିବାକୁ ଆସିଲେ, ମୁଁ କହିଲି ଯେ,ମୁଁ ଭାବି କହିବି। ପରେ ମୁଁ ନିଜର ସେକ୍ରେଟାରୀଙ୍କୁ ସଫା ସଫା କହି ଦେଇ ଥିଲି ,ମୁଁ ଏହି ଫିଲ୍ମ କରି ପାରିବି ନାହିଁ। ଯଦି ସେ ଗାଳି ଦେବେ ମୁଁ ହାତ ଉଠାଇ ଦେବି।
ସୁନୀଲ ଶେଟ୍ଟୀ ଆହୁରି କହିଛନ୍ତି ,ଜେପି ଜୀ ହାର ମାନି ନଥିଲେ। ସେ ପ୍ରଡ୍ୟୁସର ଭାରତ ଶାହଙ୍କ ମାଧ୍ୟମରେ ମୋ ଶାଶୂମାଆଙ୍କ ପାଖରେ କଥା ପକାଇଲେ। ସେ ମୋତେ ଡାକିଲେ, ବସାଇ ବୁଝାଇଲେ ଏବଂ ଶେଷରେ ମୋତେ ମନାଇଲେ। ମୁଁ ତାଙ୍କୁ ସଫା କହିଥିଲି ଯେ, ଯଦି ସୁଟିଂ ସେଟ୍ରେ କିଛି ସେମିତି ଭୁଲ କାର୍ଯ୍ୟ ହୁଏ ତ ମୁଁ ସୁଟିଂ ଅଧାରୁ ଛାଡ଼ି ଦେବି। ଏହା ହିଁ ସର୍ତ୍ତ ଥିଲା। ସୁନୀଲ କହିଲେ, ପ୍ରଥମ ଦିନରୁ ଜେପି ଓ ମୁଁ ଏମିତି ମିଶି ଗଲୁ ଯେ, ଏମିତି ନିଆଁ ଓ ପଙ୍ଖା। ଯାହା ଭୟ ଥିଲା , ତାହା କୁଆଡ଼େ ଚାଲି ଗଲା। ଆମର ଟ୍ୟୁନିଂ ଖୁବ୍ ସୁନ୍ଦର ହୋଇଗଲା। ସବୁଠୁ ବଡ଼ କଥା ଯେବେ ମୋର କ୍ୟାରିୟରର ଖରାପ ସମୟ ଆସି ଥିଲା , ସେତେବେଳେ ମଧ୍ୟ ଜେପି ଜୀ ବିନା କୌଣସି ସଙ୍କୋଚରେ ମୋତେ କାମ ଦେଇ ଥିଲେ।
କହି ରଖୁଛୁ କି , ୧୯୯୭ରେ ରିଲିଜ ହୋଇଥିଲା ଫିଲ୍ମ ‘ବର୍ଡର’ , ଯାହା ଭାରତ-ପାକିସ୍ତାନ ମଧ୍ୟରେ ୧୯୭୧ର ୱାର ଉପରେ ଆଧାରିତ ଥିଲା। ଏହି ଫିଲ୍ମ ବ୍ଲକବଷ୍ଟର ସାବ୍ୟସ୍ତ ହେଲା। ଫିଲ୍ମରେ ସନି ଦେଓଲ , ଜ୍ୟାକି ଶ୍ରଫ୍ , ଅକ୍ଷୟ ଖାନ୍ନା ଓ ତବୁଙ୍କ ଭଳି ଷ୍ଟାର ସାମିଲ ଥିଲେ। ଆଜି ବି ଦେଶଭକ୍ତି ଫିଲ୍ମର ତାଲିକାରେ ବର୍ଡର ଟପ୍ରେ ରହିଛି। ଏବେ ସେ ସନି ଦେଓଲ , ବରୁଣ ଧୱନଙ୍କ ସହ ବର୍ଡର-୨ରେ କାମ କରୁଛନ୍ତି।
