ନୂଆଦିଲ୍ଲୀ: ଏସିଆ କପ୍ ୨୦୨୫ର ପ୍ରଥମ ମ୍ୟାଚ୍ ଆଜି (ରବିବାର) ଭାରତ ଏବଂ ପାକିସ୍ତାନ ମଧ୍ୟରେ ହେବାକୁ ଯାଉଛି। ଏହି ମ୍ୟାଚକୁ ନେଇ ସାରା ଦେଶରେ ଆଲୋଚନା ଚାଲିଛି । ଲୋକମାନେ ଭାରତ-ପାକିସ୍ତାନ ମ୍ୟାଚ୍ ବର୍ଜନ କରୁଛନ୍ତି। ପାକିସ୍ତାନ ସହିତ ମ୍ୟାଚକୁ ନେଇ ସାରା ଦେଶରେ ବିରୋଧ ପ୍ରଦର୍ଶନ ଚାଲିଛି । ସୋସିଆଲ ମିଡିଆରେ ମଧ୍ୟ ଲୋକମାନେ ଏହି ମ୍ୟାଚ୍ ବିରୋଧରେ ଅସନ୍ତୋଷ ପ୍ରକାଶ କରୁଛନ୍ତି । ସେପଟେ ଭାରତୀୟ କ୍ରିକେଟ କିମ୍ବଦନ୍ତୀ ସୁନିଲ ଗାଭାସ୍କର ମଧ୍ୟ ଏହି ମ୍ୟାଚକୁ ନେଇ ପ୍ରତିକ୍ରିୟା ଦେଇଛନ୍ତି ।
ପୂର୍ବତନ ଭାରତୀୟ କ୍ରିକେଟର ସୁନୀଲ ଗାଭାସ୍କର କହିଛନ୍ତି ଯେ, ‘ଶେଷରେ, କୌଣସି ଦେଶ ବିପକ୍ଷରେ ଖେଳିବା କି ନାହିଁ ତାହା ସରକାରଙ୍କ ନିଷ୍ପତ୍ତି। ଏହି ମାମଲାରେ ସରକାର ଯାହା ନିଷ୍ପତ୍ତି ନିଅନ୍ତି, ଭାରତୀୟ କ୍ରିକେଟ୍ ନିୟନ୍ତ୍ରଣ ବୋର୍ଡ (BCCI) ଏବଂ ଖେଳାଳିମାନଙ୍କୁ ଏହାକୁ ଗ୍ରହଣ କରିବାକୁ ପଡିବ। ଏହି କ୍ଷେତ୍ରରେ ମଧ୍ୟ ସମାନ ଘଟଣା ଘଟୁଛି।’ ସୁନୀଲ ଗାଭାସ୍କର ଆହୁରି କହିଛନ୍ତି ଯେ, ‘ଏହି ମାମଲାରେ ମୁଁ ବ୍ୟକ୍ତିଗତ ଭାବରେ କ'ଣ ଭାବୁଛି ତାହା ଗୁରୁତ୍ୱପୂର୍ଣ୍ଣ ନୁହେଁ। ନିଷ୍ପତ୍ତି ସରକାରଙ୍କର ଏବଂ ୨୦୨୫ ମସିହାରେ ଏସିଆ କପ୍ ଖେଳିବା ନେଇ ଟିମ୍ ଇଣ୍ଡିଆର ନିଷ୍ପତ୍ତି ମଧ୍ୟ ସରକାର ନେଇଛନ୍ତି ।’
ଆଜି ଭାରତ ଏବଂ ପାକିସ୍ତାନ ମଧ୍ୟରେ ମ୍ୟାଚ୍ ୟୁଏଇର ଦୁବାଇ ଅନ୍ତର୍ଜାତୀୟ କ୍ରିକେଟ୍ ଷ୍ଟାଡିୟମରେ ଖେଳାଯିବ। ଏହି ମ୍ୟାଚ୍ ଭାରତୀୟ ସମୟ ଅନୁସାରେ ଆଜି ରାତି ୮ଟାରେ ଆରମ୍ଭ ହେବ। କିନ୍ତୁ ଲୋକମାନେ ଏହି ମ୍ୟାଚ୍ ବର୍ଜନ କରୁଛନ୍ତି ଏବଂ ପାକିସ୍ତାନ ସହିତ ସମସ୍ତ ସମ୍ପର୍କ ଶେଷ କରିବା ବିଷୟରେ କହୁଛନ୍ତି । ସୋସିଆଲ ମିଡିଆରେ ଜଣେ ୟୁଜର ଲେଖିଛନ୍ତି ଯେ, ‘ଯାହା ବି ହେଉ, ଏବେ ଆମେ କୌଣସି ପରିସ୍ଥିତିରେ ଭାରତ-ପାକିସ୍ତାନ ମ୍ୟାଚ୍ ଦେଖିବୁ ନାହିଁ।’
