ଫିରିଙ୍ଗିଆ,୧୫/୬ : ଭାରତୀୟ ଷ୍ଟେଟ ବ୍ୟାଙ୍କର ଜିଏମ ଭାବେ ପଦୋନ୍ନତି ପାଇ କନ୍ଧମାଳ ଜିଲ୍ଲାର ଗର୍ବ ଓ ଗୌରବ ସାଜିଛନ୍ତି ଫିରିଙ୍ଗିଆର ସୂର୍ଯ୍ୟ ନାରାୟଣ ପାଣିଗ୍ରାହୀ I କନ୍ଧମାଳ ଜିଲ୍ଲା ଫିରିଙ୍ଗିଆରେ ପିତା ବିଦ୍ୟାଧର ପାଣିଗ୍ରାହୀଙ୍କ ଔରସରୁ ଓ ମାତା ପ୍ରମିଳା ଦେବୀଙ୍କ ଗର୍ଭରୁ ସୂର୍ଯ୍ୟ ନାରାୟଣ ପାଣିଗ୍ରାହୀଙ୍କ ଜନ୍ମ I ପ୍ରଥମେ ଫିରିଙ୍ଗିଆରେ ସ୍କୁଲ ଶିକ୍ଷା ଶେଷ କରି ଉଚ୍ଚ ଶିକ୍ଷା ପାଇଁ ଅର୍ଥନୀତି ବିଭାଗରେ ବ୍ରହ୍ମପୁର ବିଶ୍ବବିଦ୍ୟାଳୟରୁ ସ୍ନାତକୋତ୍ତର ଶିକ୍ଷା ସମାପନ କରି ଅଧ୍ୟାପକ ଭାବେ ଚାକିରୀ ଜୀବନ ଆରମ୍ଭ କରିଥିଲେ ସୂର୍ଯ୍ୟନାରାୟଣ I ଦୀର୍ଘ ୬ ବର୍ଷ ଫିରିଙ୍ଗିଆ ପଞ୍ଚାୟତ ମହାବିଦ୍ୟାଳୟରେ ଅଧ୍ୟକ୍ଷ ଭାବେ କାର୍ଯ୍ୟ କରିଥିବା ସୂର୍ଯ୍ୟନାରାୟଣ ଭାରତୀୟ ଷ୍ଟେଟ ବ୍ୟାଙ୍କରେ ପିଓ ଭାବରେ ଚାକିରୀ କରିଥିଲେ I
ଆଜି ମାୟା ନଗରୀ ମୁମ୍ବାଇରେ ସୂର୍ଯ୍ୟ ନାରାୟଣ ପାଣିଗ୍ରାହୀ ଜେନେରାଲ ମ୍ୟାନେଜର ଭାବରେ କାର୍ଯ୍ୟରତ ଯାହାକି ଅଞ୍ଚଳ ପାଇଁ ଉଦାହରଣ ଅଟେ I ସୂର୍ଯ୍ୟ ନାରାୟଣ ପାଣିଗ୍ରାହୀଙ୍କୁ ଏହି ପଦବୀ ମିଳିଥିବାରୁ ଅଂଚଳବାସୀ ଓ ସାଙ୍ଗ ସାଥି ଶୁଭେଚ୍ଛା ଜଣାଇଛନ୍ତି ।
