ନୂଆଦିଲ୍ଲୀ,୦୯/୦୩; ଭାରତ ଚଳିତ ଟି-ଟ୍ୱେଣ୍ଟି ବିଶ୍ୱକପ ଫାଇନାଲରେ ନ୍ୟୁଜିଲାଣ୍ଡକୁ ୯୬ ରନରେ ହରାଇ ବିଶ୍ୱ ବିଜେତା ହୋଇଛି । ଏହା ସହିତ, ଟିମ୍ ଇଣ୍ଡିଆ ଲଗାତାର ଦ୍ୱିତୀୟ ଥର ପାଇଁ ଟାଇଟଲ୍ ଜିତିଛି ଏବଂ ଘରୋଇ ମାଟିରେ ଚାମ୍ପିଅନ୍ ହୋଇଥିବା ପ୍ରଥମ ଦଳ ହୋଇଛି । କେବଳ ଏତିକି ନୁହେଁ, ଟିମ୍ ଇଣ୍ଡିଆ ସର୍ବାଧିକ ଥର ପାଇଁ ଟି-ଟ୍ୱେଣ୍ଟି ବିଶ୍ୱକପ୍ ଜିତିବା ଦଳ ବି ହୋଇଛି। ଏହା ପୂର୍ବରୁ, ଧୋନିଙ୍କ ଅଧିନାୟକତ୍ୱରେ ଟିମ୍ ଇଣ୍ଡିଆ ପ୍ରଥମ ଥର ପାଇଁ ଚାମ୍ପିଅନ୍ ହୋଇଥିଲା। ଏହା ପରେ, ରୋହିତ ଶର୍ମାଙ୍କ ଅଧିନାୟକତ୍ୱରେ, ଦଳ ୨୦୨୪ ରେ ଟି-ଟ୍ୱେଣ୍ଟି ବିଶ୍ୱକପ୍ ଟାଇଟଲ୍ ଜିତିଥିଲା । ବର୍ତ୍ତମାନ, ସୂର୍ଯ୍ୟକୁମାର ଯାଦବଙ୍କ ଅଧିନାୟକତ୍ୱରେ, ଭାରତୀୟ ଦଳ ତୃତୀୟ ଥର ପାଇଁ ଚାମ୍ପିଅନ୍ ହୋଇ ଇତିହାସ ରଚିଛି । ବିଶ୍ୱକପ ଜିତିବା ପରେ କ୍ୟାପ୍ଟେନ ସୂର୍ଯ୍ୟକୁମାରଙ୍କ ସ୍ୱପ୍ନ ସାକାର ହୋଇନାହିଁ । ତାଙ୍କର ଆଉ ଏକ ବଡ଼ ଲକ୍ଷ୍ୟ ରହିଛି । ଯାହାର ସେ ଖୁଲାସା କରିଛନ୍ତି ।
ଅଧିନାୟକତ୍ୱରେ ପ୍ରଥମ ICC ଟାଇଟଲ- ଅଧିନାୟକ ଭାବରେ ସୂର୍ଯ୍ୟଙ୍କର ଏହା ପ୍ରଥମ ICC ଟାଇଟଲ୍ । ଟିମ୍ ଇଣ୍ଡିଆକୁ ବିଜୟୀ କରାଇବା ପରେ, ସୂର୍ଯ୍ୟକୁମାର ଯାଦବ ଏବେ ଆଉ ଏକ ପ୍ରମୁଖ ଲକ୍ଷ୍ୟ ଉପରେ ନଜର ରଖିଛନ୍ତି, ଯାହା ସେ ୨୦୨୬ ଟି୨୦ ବିଶ୍ୱକପ୍ ଜିତିବା ପରେ ପ୍ରକାଶ କହିଛନ୍ତି । ବିଶ୍ୱକପ୍ ବିଜୟର ଉତ୍ସବ ପାଳନରେ ବୁଡ଼ି ରହିଥିବା ଭାରତୀୟ ଦଳର ଅଧିନାୟକ ସ୍ପଷ୍ଟ କରିଛନ୍ତି ଯେ, ତାଙ୍କର ପରବର୍ତ୍ତୀ ଲକ୍ଷ୍ୟ ହେଉଛି ଦେଶ ପାଇଁ ଅଲିମ୍ପିକ୍ ସ୍ୱର୍ଣ୍ଣ ପଦକ ଜିତିବା । ଅହମ୍ମଦାବାଦରେ ଫାଇନାଲ୍ ପରେ ସାମ୍ବାଦିକ ସମ୍ମିଳନୀରେ ସୂର୍ଯ୍ୟକୁମାର କହିଥିଲେ ଯେ ଗତ ମାସଟି ଦଳ ପାଇଁ ଏକ ବିଶେଷ ଯାତ୍ରା ଥିଲା। ସେ ସ୍ୱୀକାର କରିଛନ୍ତି ଯେ ଟୁର୍ଣ୍ଣାମେଣ୍ଟର ଆରମ୍ଭ ଦଳ ଆଶା କରିଥିବା ପରି ହୋଇନଥିଲା, କିନ୍ତୁ କ୍ରିକେଟରେ ଏପରି ଜିନିଷ ଖେଳର ଏକ ଅଂଶ।
ଏହା ବି ପଢନ୍ତୁ...'ଆହୁରି ୧୦ ବର୍ଷ କ୍ରିକେଟ ବାକି ଅଛି,୧୦ଟି ଆଇସିସି ଟ୍ରଫି ଜିତିବାକୁ ଚାହୁଁଛି'; ହାର୍ଟ ହିଟର୍ ହାର୍ଦ୍ଦିକ ପାଣ୍ଡ୍ୟା
ଅଲିମ୍ପିକ୍ସରେ କ୍ରିକେଟର ଗୌରବ ଦେଖାଯିବ- ମ୍ୟାଚ୍ ଶେଷ ହେବା ପରେ ଅଧିନାୟକ ସୂର୍ଯ୍ୟକୁମାର କହିଥିଲେ, ‘ମୋର ପରବର୍ତ୍ତୀ ଲକ୍ଷ୍ୟ ହେଉଛି ଅଲିମ୍ପିକ୍ସରେ ସ୍ୱର୍ଣ୍ଣ ଜିତିବା । ପୁଣି ତହିଁ ପରବର୍ଷ ଟି-ଟ୍ୱେଣ୍ଟି ବିଶ୍ୱକପ୍ ଜିତିବା ।ଅନ୍ତର୍ଜାତୀୟ ଅଲିମ୍ପିକ୍ସ କମିଟି ୨୦୨୮ ଅଲିମ୍ପିକ୍ସରେ କ୍ରିକେଟକୁ ସାମିଲ କରିବାକୁ ଅନୁମୋଦନ କରିଛି । ଏହା ପୂର୍ବରୁ ୧୯୦୦ ପ୍ୟାରିସ୍ ଅଲିମ୍ପିକ୍ସରେ କେବଳ ଥରେ କ୍ରିକେଟ ଖେଳାଯାଇଥିଲା । ୨୦୨୮ ଅଲିମ୍ପିକ୍ସରେ, ୧୪ ଜୁଲାଇରୁ ୨୯ ଜୁଲାଇ ମଧ୍ୟରେ ପୁରୁଷ ଏବଂ ମହିଳା ଉଭୟ ବର୍ଗରେ ଛଅଟି ଦଳ ପଦକ ପାଇଁ ପ୍ରତିଦ୍ୱନ୍ଦ୍ୱିତା କରିବେ। ବର୍ତ୍ତମାନ ଆଇସିସି ଟି-ଟ୍ୱେଣ୍ଟି ରାଙ୍କିଂ ଆଧାରରେ, ଏସିଆରୁ ଭାରତୀୟ ପୁରୁଷ ଏବଂ ମହିଳା ଉଭୟ ଦଳର ଯୋଗ୍ୟତା ଅର୍ଜନ କରିବାର ସମ୍ଭାବନା ରହିଛି ।
