ନୂଆଦିଲ୍ଲୀ: ବଲିଉଡ୍ ଅଭିନେତା ସୁଶାନ୍ତ ସିଂ ରାଜପୁତ୍ ମୃତ୍ୟୁ ମାମଲାରେ ପୁଣିଥରେ ତଦନ୍ତ ଆରମ୍ଭ କରିବେ ମହାରାଷ୍ଟ୍ର ସରକାର। ବିଜେପି ବିଧାୟକ ରାମ କଦମ ଏହି ସୂଚନା ଦେଇଛନ୍ତି, କହିଛନ୍ତି ଯେ ମହାରାଷ୍ଟ୍ର ସରକାର ନିଷ୍ପତ୍ତି ନେଇଛନ୍ତି, ସୁଶାନ୍ତ ସିଂହ ରାଜପୁତ ମାମଲାର ପୁଣି ଥରେ ସ୍ୱତନ୍ତ୍ର ତଦନ୍ତ ଦଳ (SIT) ତଦନ୍ତ କରିବ। ନ୍ୟୁଜେ ଏଜେନ୍ସି ANI ସହ ଆଲୋଚନାରେ ସେ ଏହା କହିଛନ୍ତି। ବିଜେପି ବିଧାୟକ ଏହା ମଧ୍ୟ ଅଭିଯୋଗ କରିଛନ୍ତି ଯେ, ଉଦ୍ଧବ ଠାକରେ ସରକାର ୬୮ ଦିନ ପର୍ଯ୍ୟନ୍ତ ମାମଲାକୁ ସିବିଆଇକୁ ହସ୍ତାନ୍ତର କରି ନଥିଲେ। ଏହାକୁ କେବେ ହସ୍ତାନ୍ତର କରାଯାଇଥିଲା ? ଯେତେବେଳେ ତାଙ୍କ ଘରର ଫର୍ଣ୍ଣିଚର କାଢ଼ିଦିଆଗଲା, ଘରଟି ରଙ୍ଗ କରାଗଲା, ଆଉ ସେହି ଘରଟିକୁ ପୁରୁଣା ମାଲିକଙ୍କୁ ହସ୍ତାନ୍ତର କରାଗଲା। ବିହାରରୁ ପୋଲିସ ଆସୁଥିଲା, ହେଲେ ସେମାନଙ୍କୁ ତଦନ୍ତ କରିବାକୁ ଅନୁମତି ଦିଆଗଲା ନାହିଁ। ଯେତେବେଳେ ଆପଣ ଏହି ସମସ୍ତ ପଏଣ୍ଟ ଗୁଡ଼ିକୁ ଏକାଠି କରନ୍ତି, ଏହା ସ୍ପଷ୍ଟ ହେଉଛି କି, ଯେ ଉଦ୍ଧବ ଠାକରେଙ୍କ ସରକାର ପ୍ରମାଣ ନଷ୍ଟ କରିବାର ଦୁଃସାହସ କରିଥିଲା।

ସୂଚନାଥାଉକି ଯେ, ଏହି ମାମଲାରେ ସିବିଆଇ ନିକଟରେ ଏକ କ୍ଲୋଜର ରିପୋର୍ଟ ଦାଖଲ କରିଛି। ଏଥିରେ କୁହାଯାଇଛି ଯେ,ଅଭିନେତାଙ୍କ ମୃତ୍ୟୁର କାରଣ ଆତ୍ମହତ୍ୟା ଥିଲା ଏବଂ କେହି ତାଙ୍କୁ ଏହା କରିବାକୁ ଉସୁକାଇ ନଥିଲେ।

ବିଜେପି ବିଧାୟକ ଦାବି କରିଛନ୍ତି ଯେ,ଏହି କାରଣରୁ ସୁଶାନ୍ତ ସିଂହ ରାଜପୁତଙ୍କ ପରିବାରକୁ ନ୍ୟାୟ ମିଳିଲା ନାହିଁ। ଯଦି ସିବିଆଇ ନ୍ୟାୟ ପାଳିକା ସମ୍ମୁଖରେ କ୍ଲୋଜର ରିପୋର୍ଟ ଉପସ୍ଥାପନ କରିଛି, ତେବେ ଏହାର ଅର୍ଥ ସ୍ପଷ୍ଟ। ଏହାର ଅର୍ଥ ହେଉଛି ଯେ ଆରୁଷିଙ୍କ ମାମଲାରେ ଯେଉଁଭଳି ଭାବରେ କ୍ଲୋଜର ରିପୋର୍ଟ ଉପସ୍ଥାପନ କରାଯାଇଥିଲା, ନ୍ୟାୟପାଳିକା ଏହାକୁ ଗ୍ରହଣ କରି ନଥିଲା। ସେହିପରି, ଏହାର (ସୁଶାନ୍ତ ସିଂହ ରାଜପୁତ) ପୁଣି ଥରେ ତଦନ୍ତ କରାଯିବା ଉଚିତ ।

୧୪ ଜୁନ୍ ୨୦୨୦ରେ, ଅଭିନେତା ସୁଶାନ୍ତ ସିଂହ ରାଜପୁତ ତାଙ୍କ ରୁମରେ ମୃତ ଅବସ୍ଥାରେ ପାଇଥିଲେ। ବିହାରର ସୁଶାନ୍ତ ଖୁବ୍ କମ୍ ସମୟ ମଧ୍ୟରେ ନିଜ ଅଭିନୟ ବଳରେ ଦର୍ଶକଙ୍କ ହୃଦୟରେ ଏକ ସ୍ୱତନ୍ତ୍ର ସ୍ଥାନ ସୃଷ୍ଟି କରିଥିଲେ।