ନୂଆଦିଲ୍ଲୀ,୨୭/୦୪: ‘ତାରକ ମେହତା କା ଉଲଟା ଚଷ୍ମା’ କମେଡି ସିରିଏଲର ଅଭିନେତା ଗୁରୁଚରଣ ସିଂ(୫୦) ୪ ଦିନ ହେଲା ନିଖୋଜ ଅଛନ୍ତି । ଏହି ସିରିଏଲରେ ସେ ରୋଶନ ସିଂ ସୋଢ଼ି ଭୂମିକାରେ ଅଭିନୟ କରି ବେଶ୍ ଲୋକପ୍ରିୟ ହୋଇଥିଲେ । ଏ ନେଇ ତାଙ୍କ ବାପା ହରଜିତ୍ ସିଂ ଦିଲ୍ଲୀ ପୁଲିସରେ ଏତଲା ଦେଇଛନ୍ତି ।
ଅଭିଯୋଗରେ ଦର୍ଶାଯାଇଛି, ଗୁରୁଚରଣ ଗତ ୨୨ ତାରିଖରେ ଦିଲ୍ଲୀରୁ ମୁମ୍ବାଇ ଅଭିମୁଖେ ବାହାରି ଥିଲେ । କିନ୍ତୁ ସେ ମୁମ୍ବାଇ ପହଞ୍ଚି ନାହାନ୍ତି କିମ୍ବା ଘରକୁ ଫେରିନାହାନ୍ତି । ତେଣୁ ସେ ଦିଲ୍ଲୀ ବିମାନବନ୍ଦରରୁ ନିଖୋଜ ହୋଇଛନ୍ତି । ତାଙ୍କ ଫୋନ୍ ମଧ୍ୟ ଲାଗୁ ନ ଥିବା ଏତଲାରେ ଦର୍ଶାଯାଇଛି।