ନୂଆଦିଲ୍ଲୀ,୭।୫: କଂଗ୍ରେସର ପୂର୍ବତନ ଅଧ୍ୟକ୍ଷା ସୋନିଆ ଗାନ୍ଧୀ ତୃତୀୟ ପର୍ଯ୍ୟାୟ ଭୋଟିଂ ଭିତରେ ଏକ ଭିଡିଓ ବାର୍ତ୍ତା ଜାରି କରି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ତାଙ୍କ ଦଳ ବିଜେପି ଉପରେ ଜୋରଦାର ଆକ୍ରମଣ କରିଛନ୍ତି। ମଙ୍ଗଳବାର ଜାରି ନିଜ ବାର୍ତ୍ତାରେ ଗାନ୍ଧୀ କହିଛନ୍ତି, ପ୍ରଧାନମନ୍ତ୍ରୀ ମୋଦି ନିଜ ରାଜନୈତିକ ଲାଭ ପାଇଁ ଦେଶରେ ଘୃଣା ସୃଷ୍ଟି କରୁଛନ୍ତି ଓ ସମାଜକୁ ବହୁ ଭାଗରେ ଭାଙ୍ଗି ଦେଇଛନ୍ତି। ସେ କହିଛନ୍ତି, ସମ୍ବିଧାନ ଓ ଲୋକତନ୍ତ୍ର ବିପଦରେ ରହିବା ଓ ସମାଜକୁ ଦୁର୍ବଳ କରୁଥିବାରୁ ଦୁଃଖି ଅଛି।
My dear brothers and sisters,
— Congress (@INCIndia) May 7, 2024
Youth unemployment, crimes against women, and discrimination against Dalits, Adivasis, and minorities have reached unprecedented levels. These challenges stem from the ‘niyat’ and ‘niti’ of PM Modi and the BJP which aim for power rejecting… pic.twitter.com/4npHwd8DNW
ଭିଡିଓ ବାର୍ତ୍ତାରେ ସୋନିଆ କହିଛନ୍ତି, କଂଗ୍ରେସ ଓ ଇଣ୍ଡିଆ ମେଣ୍ଟର ସହଯୋଗୀ ଦଳ ସମ୍ବିଧାନ ଏବଂ ଲୋକତନ୍ତ୍ରର ରକ୍ଷା ପାଇଁ ପ୍ରତିଶୃତିବଦ୍ଧ। ସେ ମିଛ ଓ ଘୃଣା ସୃଷ୍ଟିକାରୀଙ୍କୁ ଚୟନ ନକରି ସମସ୍ତଙ୍କ ଉଜ୍ବଳ ଭବିଷ୍ୟତ ପାଇଁ କଂଗ୍ରେସକୁ ଭୋଟ୍ ଦେବାକୁ ଅପିଲ କରିଛନ୍ତି।
ସୋନିଆ କହିଛନ୍ତି, ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, କାର୍ଯ୍ୟକାଳରେ ବେରୋଜଗାର, ମହିଳାଙ୍କ ବିରୋଧରେ ଅପରାଧ,ଦଳିତ, ଆଦିବାସୀ ଏବଂ ସଂଖ୍ୟାଲଘୁଙ୍କ ବିରୋଧରେ ଭେଦଭାବ ଅଦ୍ଭୂତପୂର୍ବ ସ୍ତରରେ ପହଁଞ୍ଚି ଯାଇଛି। ସେ ଅଭିଯୋଗ କରିଛନ୍ତି, ପ୍ରଧାନମନ୍ତ୍ରୀ ମୋଦି ଓ ବିଜେପିର ଲକ୍ଷ୍ୟ କେବଳ ଶାସନ ହାସଲ କରିବା।