ମୁମ୍ୱାଇ :୧୯୭୫ରେ ଅମିତାଭ ବଚ୍ଚନ ଓ ଧର୍ମେନ୍ଦ୍ରଙ୍କ ବହୁ ଚର୍ଚ୍ଚିତ ଫିଲ୍ମ ‘ଶୋଲେ’ ଆସିଥିଲା। ଏହି ଫିଲ୍ମଟି ସବୁ ରେକର୍ଡ ଭାଙ୍ଗି ଦେଇବା ସହ ବକ୍ସ ଅଫିସରେ ଖୁବ୍ ଆୟ କରିଥିଲା। ଏହାର ୩୪ ବର୍ଷ ପରେ ରାମ ଗୋପାଳ ବର୍ମା ଏହାର ରିମେକ୍ କରି ଥିଲେ। ସେ ରିମେକ୍ରେ ଅମିତାଭ ବଚ୍ଚନ ଓ ଅଜୟ ଦେବଗନଙ୍କୁ କାଷ୍ଟ କରି ଥିଲେ। ପ୍ରଯୋଜକ ଭାବୁ ଥିଲେ କି ଯେଉଁ ପରି ୧୯୭୫ ରେ ‘ଶୋଲେ’ ହିଟ୍ ହୋଇ ଥିଲା , ଠିକ୍ ଏହିପରି ୨୦୦୯ ମସିହାରେ ତାଙ୍କର ଫିଲ୍ମ ବି ହିଟ୍ ସାବ୍ୟସ୍ତ ହେବ। କିନ୍ତୁ ଏମିତି ହେଲା ନାହିଁ। ଚାଲନ୍ତୁ ଏବେ ଏହି ଫିଲ୍ମର ନାଁ କଣ ଥିଲା ଜାଣିବା।
ସତ୍ୟା , ସରକାର ରାଜ ଭଳି ଫିଲ୍ମ କରୁଥିବା ରାମ ଗୋପାଳ ବର୍ମା ଶୋଲେର ରିମେକ୍ କରି ଥିଲେ। ସେ ଏହି ଫିଲ୍ମର ନାଁ ଆଗ୍ ରଖି ଥିଲେ। ଅମିତାଭ ଓ ଅଜୟଙ୍କ ବ୍ୟତୀତ ଏହି ଫିଲ୍ମରେ ମୋହନଲାଲ, ପ୍ରଶାନ୍ତ ରାଜ ସତଦେବ, ସୁସ୍ମିତା ସେନ୍, ଜେ.ଡି.ଚକ୍ରବର୍ତ୍ତୀ ଓ ସୁଚିତ୍ରା କୃଷ୍ଣମୂର୍ତ୍ତୀ ମଧ୍ୟ ଥିଲେ। ଏତେ ବଡ଼ ବଡ଼ କଳାକାରଙ୍କ ପରେ ମଧ୍ୟ ଫିଲ୍ମ ଚାଲି ନଥିଲା। Sacnilkର ରିପୋର୍ଟ ମୁତାବିକ , ୨୦ କୋଟି ଟଙ୍କାରେ ତିଆରି ଏହି ଫିଲମ ବକ୍ସ ଅଫିସରେ ମାତ୍ର ୭.୮୧ କୋଟି ଟଙ୍କାର ଆୟ କରିଥିଲା।
ହିନ୍ଦୁସ୍ତାନ ଟାଇମ୍ସ ଏହି ଫିଲ୍ମକୁ “ ଲାଇଫଟାଇମ୍ସ ୱର୍ଷ୍ଟ ଏଭର ମୁଭି ଆୱାର୍ଡ ( ବର୍ତ୍ତମାନ ସୁଦ୍ଧା ସବୁଠୁ ଖରାପ ଫିଲ୍ମର ପୁରସ୍କାର)ର ଟାଇଟେଲ ଦେଇ ଥିଲେ। ସେପଟେ ନିଜର ରିପୋର୍ଟରେ କହିଥିଲେ କି ଏହି ଫିଲ୍ମର ଫ୍ଲପ୍ ହେବାର କାରଣରୁ ମେକର୍ସଙ୍କୁ ୪୦ କୋଟି ଟଙ୍କାର କ୍ଷତି ହୋଇଛି। ଅମିତାଭ ବଚ୍ଚନ ମଧ୍ୟ ମାନିଥିଲେ କି ଆଗ୍ କରିବା ତାଙ୍କର ସବୁଠୁ ବଡ଼ ଭୁଲ୍ ଥିଲା।