ପ୍ରମୂଖ ଖବର
  • ଫୁଲବାଣୀ : ନିଖୋଜ ବ୍ୟବସାୟୀଙ୍କ ଗଳିତ ମୃତଦେହ ଉଦ୍ଧାର, ହତ୍ୟା ଅଭିଯୋଗ
  • ||
  • କୋରାପୁଟ ଜିଲ୍ଲାପାଳଙ୍କ ଅଚାନକ କୋଟିଆ ଗସ୍ତ, ଏସ୍ ଏସ୍‌ ଡି ହାଇସ୍କୁଲ ପିଲାଙ୍କ ସହ କରିଲେ ଆଲୋଚନା
  • ||
  • ଗଞ୍ଜାମ : ସ୍କୁଲ ଗେଟ୍‌ରେ ପଡିଲା ତାଲା, ଶିକ୍ଷକଙ୍କ ବଦଳି ପ୍ରତିବାଦରେ ଧାରଣା
  • ||
  • କଟକ : ଗାଁ ଲୋକଙ୍କୁ ଖଣ୍ଡାରେ ଆକ୍ରମଣ ଉଦ୍ୟମ କଲେ ଯୁବକ, ଅଭିଯୁକ୍ତ ଗିରଫ
  • ||
  • ନୟାଗଡ଼ : ସ୍ତ୍ରୀ ଚରିତ୍ରକୁ ସନ୍ଦେହ କରି ସ୍ୱାମୀ ଫୋପାଡ଼ିଲା ବୋମା, ଜଣେ ଆହତ
  • ||
  • ଜାମିନ ପାଇଁ ହାଇକୋର୍ଟଙ୍କ ଦ୍ୱାରସ୍ଥ ହେଲେ ଅନିଲ-ହଂସିକା, ପୂର୍ବରୁ ଖାରଜ ହୋଇଥିଲା ଆବେଦନ
  • ||
  • ଭୌମ ଏକାଦଶୀ ପାଇଁ ଶ୍ରୀମନ୍ଦିରରେ ରତ୍ନଭଣ୍ଡାର ମରାମତି ବନ୍ଦ,୩ ମାସରେ କାମ ସାରିବ ଏଏସ୍‌ଆଇ
  • ||
  • ‘ସୁଭଦ୍ରା’ ପ୍ରଥମ କିସ୍ତିର ଚତୁର୍ଥ ପର୍ଯ୍ୟାୟ ଟଙ୍କା, ଆଜି ଯାଜପୁରରୁ ସହାୟତା ରାଶି ବାଣ୍ଟିବେ ମୁଖ୍ୟମନ୍ତ୍ରୀ ମୋହନ ମାଝୀ
  • ||
  • କାହାର ହେବ ଦିଲ୍ଲୀ ? ଆପ୍ ମାରିବ ହ୍ୟାଟ୍ରିକ ନା ବାଜିମାରି ନେବ ବିଜେପି, ଆଜି ରେଜଲ୍ଟ
  • ||

ଋଣ ଚିନ୍ତାରେ ସିରିଏଲ ଅଭିନେତା ଗୁରୁଚରଣ ସିଂହ, କେହି ସାହାଯ୍ୟ କରୁନଥିବା କହିଲେ ଘନିଷ୍ଠ ବନ୍ଧୁ

Published By : Anindita | January 11, 2025 2:29 PM

ନୂଆଦିଲ୍ଲୀ,୧୧/୦୧:  'ତାରକ ମେହତା କା ଉଲଟା ଚଷମା' ସିରିଏଲରେ ରୋଶନ ସିଂହ ସୋଢ଼ି ଭୂମିକାରେ ଅଭିନୟ କରିଥିବା ଗୁରୁଚରଣ ସିଂହଙ୍କ ଅବସ୍ଥା ଶୋଚନୀୟ । ଗୋଟିଏ ପଟେ ସେ ସ୍ବାସ୍ଥଗତ ସମସ୍ୟା ଯୋଗୁଁ ଡ଼ାକ୍ତରଖାନାରେ ଭର୍ତ୍ତି ହୋଇଥିବା ବେଳେ ଅନ୍ୟପଟେ ଋଣ ଚିନ୍ତା । ଏନେଇ ତାଙ୍କ  ଘନିଷ୍ଠ ବନ୍ଧୁ ଭକ୍ତି ସୋନି ପ୍ରକାଶ କରିଛନ୍ତି ଯେ ଗୁରୁଚରଣଙ୍କ କୋଟି କୋଟି ଟଙ୍କାର ଋଣଭାର ଅଛି। ଆଉ ଏହି ସମୟରେ ତାଙ୍କର ପରିବାର ସମେତ କେହି ତାଙ୍କୁ ସାହାଯ୍ୟ କରୁ ନ ଥିବା ସେ କହିଛନ୍ତି  । 

ଗୁରୁଚରଣ ସିଂହଙ୍କ ଘନିଷ୍ଠ ବନ୍ଧୁ ଭକ୍ତ ସୋନି ତାଙ୍କ ଆର୍ଥିକ ଅବସ୍ଥା ବିଷୟରେ ଇଟାଇମ୍ସକୁ କହିଛନ୍ତି। ସେ ପ୍ରକାଶ କରିଛନ୍ତି ଯେ, “ତାଙ୍କର ପାଖାପାଖି ୧.୨ କୋଟି ଟଙ୍କାର ଋଣ ଭାର ଥିଲା। ଯଦିଓ ତାଙ୍କ ପିତାଙ୍କର ୫୫ କୋଟିର  ସମ୍ପତ୍ତି ରହିଛି। କିନ୍ତୁ ଦୁର୍ଭାଗ୍ୟବଶତଃ ଏକ ବିବାଦ ଚାଲିଥିବାରୁ କାରଣ ଭଡ଼ାରେଥିବା ଲୋକମାନେ ସମ୍ପତ୍ତି ଖାଲି କରୁନାହାଁନ୍ତି । ଯଦି ଏହି ସମସ୍ୟାର ସମାଧାନ ହୁଏ ଏବଂ ସମ୍ପତ୍ତି ବିକ୍ରି ହୋଇପାରିବ, ତେବେ ସେମାନେ ଋଣ ପରିଶୋଧ କରିବାକୁ ସକ୍ଷମ ହେବେ । ତେବେ ସିଂଙ୍କ ବନ୍ଧୁ ଆହୁରି ମଧ୍ୟ କହିଛନ୍ତି ଯେ, ଅଭିନେତା ତାଙ୍କର ସମସ୍ତ ସଞ୍ଚୟକୁ ଶେଷ କରି ଦେଇଛନ୍ତି । ଯେତେବେଳେ ତାଙ୍କୁ ସାହାଯ୍ୟର ଆବଶ୍ୟକ ଅଛି ସେତେବେଳେ ତାଙ୍କ ପରିବାର ସଦସ୍ୟଙ୍କ ସମେତ କେହି ତାଙ୍କୁ ସାହାଯ୍ୟ କରୁ ନାହାଁନ୍ତି। କେବଳ ମୋ ଭଳି ବନ୍ଧୁ ଏବଂ ଦିଲ୍ଲୀର ଜଣେ ବନ୍ଧୁ ହିଁ ତାଙ୍କୁ ଆର୍ଥିକ ସହାୟତା କରୁଛନ୍ତି।

ପ୍ରକାଶ ଥାଉକି, ଜୁଲାଇ ୨୦୨୪ରେ ଗୁରୁଚରଣ ସିଂହ ଆର୍ଥିକ ସମସ୍ୟାର ସମ୍ମୁଖୀନ ହେଉଥିବା ନେଇ କହିଥିଲେ ।  ବମ୍ବେ ଟାଇମ୍ସ ସହ କଥାବାର୍ତ୍ତା କରି ସେ କହିଥିଲେ ଯେ, ୨୦୨୦ ରେ କରୋନା ଭାଇରସ୍ ମହାମାରୀ ସମୟରେ ସେ ମୁମ୍ବାଇ ଛାଡି ନିଜର ବ୍ୟବସାୟ ଆରମ୍ଭ କରିବାକୁ ନିଷ୍ପତ୍ତି ନେଇଥିଲେ। ଅବଶ୍ୟ, ବିଭିନ୍ନ କାରଣରୁ ଏହା ସଫଳ ହୋଇପାରିଲା ନାହିଁ । ଯେଉଁଥିପାଇଁ ସେ ଅନେକ ଆର୍ଥିକ ସମସ୍ୟାର ସମ୍ମୁଖୀନ ହୋଇଥିଲେ ।ସେ ଆହୁରି ମଧ୍ୟ କହିଥିଲେ ଯେ , 'ମୁଁ ଇଣ୍ଡଷ୍ଟ୍ରିର ଲୋକଙ୍କୁ ମୋତେ ସହାୟତା କରିବାକୁ କହୁଛି। ମୁଁ ଫେରି ଆସିଛି ଏବଂ ବହୁତ କାମ କରିବାକୁ ଚାହୁଁଛି । ମୋର ସମସ୍ତ ଋଣ ମଧ୍ୟ ଗୋଟିଏ ପରେ ଗୋଟିଏ ପରିଶୋଧ କରିବାକୁ ଚାହୁଁଛି । ଯାହା ମୋ କାମ ମାଧ୍ୟମରେ ହୋଇପାରିବ ଏବଂ ମୁଁ କଠିନ ପରିଶ୍ରମ କରିବାକୁ ପ୍ରସ୍ତୁତ ।'  



Prameya Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.