ବାଙ୍ଗିରିପୋଷି,୧୦/୧୨: ମର୍ଣ୍ଣିଂ ୱାକ୍ କରୁଥିବା ବେଳେ ଦୁର୍ଘଟଣା। ଅଜଣା ଗାଡ଼ି ଧକ୍କାରେ ଚାଲିଗଲା ଶିକ୍ଷୟିତ୍ରୀଙ୍କ ଜୀବନ। ମଙ୍ଗଳବାର ସକାଳେ ୪୯ ନମ୍ୱର ଜାତୀୟ ରାଜପଥ ନିକଟରେ ଏଭଳି ମର୍ମନ୍ତୁଦ ଦୁର୍ଘଟଣା ଘଟିଛି। ମୃତ ଶିକ୍ଷୟିତ୍ରୀ ଜଣକ ବାଲିଆପାଳ ନିକଟସ୍ଥ ଜାମସୁଳି ଅଞ୍ଚଳର ରଶ୍ମିତା ସାହୁ ବୋଲି ଜଣାପଡ଼ିଛି।
ସୂଚନାନୁଯାୟୀ, ରଶ୍ମିତା ସାହୁ ମଙ୍ଗଳବାର ସକାଳେ ୪୯ ନମ୍ୱର ଜାତୀୟ ରାଜପଥରେ ମର୍ଣ୍ଣିଂ ୱାକ୍ କରୁଥିଲେ। ଏହି ସମୟରେ ତାଙ୍କୁ ଏକ ଅଜଣା ଗାଡି ଧକ୍କା ଦେଇ ପଳାଇଥିଲା। ସ୍ଥାନୀୟ ଲୋକେ ଶିକ୍ଷୟିତ୍ରୀଙ୍କୁ ମୁମୂର୍ଷ ଅବସ୍ଥାରେ ଉଦ୍ଧାର କରି ବାଙ୍ଗିରିପୋଷି ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ। ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି। ବାଙ୍ଗିରିପୋଷି ପୁଲିସ ଘଟଣାର ତଦନ୍ତ ଜାରି ରଖିଛି। ରଶ୍ମିତା ବାଙ୍ଗିରିପୋଷି ବଜାର ନିକଟରେ ଘର ଭଡ଼ା ନେଇ ରହୁଥିବା ବେଳେ ଚନ୍ଦନପୁର ଏମଇ ସ୍କୁଲରେ ଶିକ୍ଷୟିତ୍ରୀ ଭବେ କର୍ଯ୍ୟ କରୁଥିଲେ।
