ଉଦୟପୁର : ରାଜସ୍ଥାନର ଉଦୟପୁରରୁ ଏକ ଆଶ୍ଚର୍ଯ୍ୟକର ମାମଲା ସାମ୍ନାକୁ ଆସିଛି। ଜଣେ ସରକାରୀ ସ୍କୁଲର୍ ଶିକ୍ଷକ ପରୀକ୍ଷା ବେଳେ ୯ମ ଶ୍ରେଣୀର ଛାତ୍ରଙ୍କୁ କୁକୁଡ଼ା କାଟି ସଫା କରିବାକୁ ବାଧ୍ୟ କରିଥିଲେ। ଅଧିକାରୀମାନେ ରବିବାର ଘଟଣାର ସୂଚନା ଦେଇ କହିଛନ୍ତି ଯେ, ଏହି ମାମଲାରେ ଅଭିଯୁକ୍ତ ଶିକ୍ଷକଙ୍କୁ ନିଲମ୍ୱିତ କରି ଦିଆ ଯାଇଛି।
ସୂଚନା ଆଧାରରେ , ବିଦ୍ୟାଳୟର ଶିକ୍ଷକ ମୋହନ ଲାଲ ଡୋଡା ୯ମ ଶ୍ରେଣୀର ଛାତ୍ର ରାହୁଲ କୁମାର ପାରଗୀଙ୍କୁ ପରୀକ୍ଷା ମଧ୍ୟରେ ଉଠାଇ ଥିଲେ ଏବଂ ତା ଉପରେ ଚାପ ପକାଇ କୁକୁଡ଼ା କଟାଇ ଥିଲେ। ଘଟଣାର ସୂଚନା ଗାଁରେ ବ୍ୟାପି ଯିବା କ୍ଷଣି ଗ୍ରାମବାସୀମାନେ ରାଗି ଯାଇ ଥିଲେ। ଗ୍ରାମବାସୀ ଏହାର ଅଭିଯୋଗ ମନ୍ତ୍ରୀ ବାବୁଲାଲ ଖରାଡିଙ୍କୁ କରି ଥିଲେ। ମନ୍ତ୍ରୀ ବାବୁଲାଲ ଖରାଡି ପୂରା ମାମଲାରେ ରିପୋର୍ଟ ମାଗିଛନ୍ତି।
ଅଧିକାରୀମାନେ କହିଛନ୍ତି ଯେ , ବିଦ୍ୟାଳୟର ଅନ୍ୟ ପିଲାମାନେ ଗତ ମାସେ ହେବ ସ୍କୁଲରେ ପୁଷ୍ଟିକର ଆହାର ମିଳି ନ ଥିବାର ଅଭିଯୋଗ କରିଛନ୍ତି। ଅଭିଯୁକ୍ତ ଶିକ୍ଷକଙ୍କ ଦ୍ୱାର ସ୍କୁଲର ରୋଷେୟାଙ୍କୁ ତଡ଼ିବାର ଅଭିଯୋଗ କରାଯାଇଛି। ଯେଉଁଥିରେ ପିଲାଙ୍କୁ ବିନା ଭୋଜନରେ ରହିବାକୁ ପଡ଼ୁଛି।
ମନ୍ତ୍ରୀ ବାବୁଲାଲ ଖରାଡେ ତୁରନ୍ତ ଏହି ମାମଲାକୁ ଧ୍ୟାନକୁ ନେଇ କୋଟଡା ଉପଖଣ୍ଡ ଅଧିକାରୀଙ୍କୁ ବିସ୍ତୃତ ରିପୋର୍ଟ ପ୍ରଦାନ କରିବାକୁ ନିର୍ଦ୍ଦେଶ ଦେଇଛନ୍ତି। ଜିଲ୍ଲା ଶିକ୍ଷା ଅଧିକାରୀ ଉପଖଣ୍ଡ ଅଧିକାରୀ ହସମୁଖ କୁମାରଙ୍କର ରିପୋର୍ଟର ଆଧାର ଉପରେ ସଂପୃକ୍ତି ଶିକ୍ଷକଙ୍କୁ ଛାତ୍ରଙ୍କ ଦ୍ୱାରା କୁକୁଡା କଟାଇବା ନେଇ ଦୋଷୀ କରାଇତାଙ୍କୁ ନିଲମ୍ୱିତ କରିଦିଆ ଯାଇଛି।
