ମୁମ୍ବାଇ, ୧୮/୧ : ଭାରତୀୟ ଅଧିନାୟକ ରୋହିତ ଶର୍ମା ଏବଂ ମୁଖ୍ୟ ଚୟନକର୍ତ୍ତା ଅଜିତ ଅଗରକର ଶନିବାର ମୁମ୍ବାଇରେ ଇଂଲଣ୍ଡ ବିପକ୍ଷରେ ଆଗାମୀ ୩ମ୍ୟାଚର ଓ୍ବାନଡେ ସିରିଜ ଏବଂ ଆଗାମୀ ଚାମ୍ପିୟନ୍ସ ଟ୍ରଫି ଲାଗି ଭାରତୀୟ ଟିମର ଘୋଷଣା କରିଛନ୍ତି । ଚାମ୍ପିୟନ୍ସ ଟ୍ରଫି ଲାଗି ଶୁଭମନ ଗିଲଙ୍କୁ ଟିମ୍ ଇଣ୍ଡିଆର ଉପଅଧିନାୟକ କରାଯାଇଛି । ମୁମ୍ବାଇରେ ହୋଇଥିବା ପ୍ରେସ କନଫରେନ୍ସରେ ରୋହିତ ଶର୍ମା ଏବଂ ଅଜିତ ଅଗରକରଙ୍କ ବହୁ ଦିନ ଅପେକ୍ଷା ହୋଇଛି । ପ୍ରେସ କନଫରେନ୍ସ ଅପରାହ୍ନ ୧୨ଟା ୩୦ସମୟରେ ନିର୍ଦ୍ଧାରିତ ହୋଇଥିଲା । କିନ୍ତୁ ଟିମର ଘୋଷଣା ୩ଟା ସମୟରେ ହୋଇଥିଲା ।
ଚାମ୍ପିୟନ୍ସ ଟ୍ରଫି ଲାଗି ଯେଉଁ ଭାରତୀୟ ଟିମର ଘୋଷଣା କରାଯାଇଛି, ସେଥିରେ ମହମ୍ମଦ ଶାମୀଙ୍କୁ ପୁଣି ଫେରାଯାଇଛି । ଯାହାକି ସିରାଜ ଏବଂ ସଞ୍ଜୁ ଟିମରେ ସ୍ଥାନ ପକ୍କା କରିପାରିନାହାନ୍ତି । ଏହା ବ୍ୟତୀତ ବିଜୟ ହଜାରେ ଟ୍ରଫିରେ ଶାନଦାର ପ୍ରଦର୍ଶନ କରିଥିବା କରୁଣ ନାୟରଙ୍କୁ ସୁଯୋଗ ମିଳିନାହିଁ । ନିଜ ଡେବ୍ୟୁ ପରେ ହିଁ ଟେଷ୍ଟରେ ଧମାକାଦାର ପ୍ରଦର୍ଶନ କରିଥିବା ୟଶସ୍ବୀ ଜୟସଓ୍ବାଲଙ୍କୁ ବି ଟିମରେ ସ୍ଥାନ ମିଳିଛି ।
ଜସପ୍ରୀତ ବୁମରାହ ଯାହାଙ୍କୁ ସିଡନୀ ଟେଷ୍ଟର ଶେଷ ଦିନରେ ଆଘାତ ଲାଗିଥିଲା ତାଙ୍କୁ ଇଂଲଣ୍ଡ ବିପକ୍ଷ ଓ୍ବାନଡେ ସିରିଜର ଆରମ୍ଭ ଦୁଇ ମ୍ୟାଚରୁ ବାହାରେ ରଖାଯାଇଛି । ବୁମରାହଙ୍କ ଫିଟନେଶକୁ ନେଇ ଏବେ ବି ପ୍ରଶ୍ନବାଚୀ ସୃଷ୍ଟି ହୋଇଛି । ମୁଖ୍ୟ ଚୟନକର୍ତ୍ତା ଅଜିତ ଅଗରକର ଶନିବାର କହିଛନ୍ତି କି, ଜସପ୍ରୀତ ବୁମରାହ ଇଂଲଣ୍ଡ ବିପକ୍ଷ ପ୍ରଥମ ଦୁଇଟି ଓ୍ବାନଡେ ଲାଗି ଫିଟ୍ ହେବେ ନାହିଁ । ଯେଉଁ କାରଣରୁ ହର୍ଷିତ ରାଣାଙ୍କୁ ତାଙ୍କ ସ୍ଥାନରେ ନେବା ଲାଗି ବାଧ୍ୟ ହେବାକୁ ପଡ଼ିଲା । କାରଣ ମୁଖ୍ୟ ଦ୍ରୁତ ବୋଲର ମେଡ଼ିକାଲ ଟିମରୁ ଅପଡେଟର ଅପେକ୍ଷା କରୁଛନ୍ତି । ମାତ୍ର ଏହି ବେଜୋଡ଼ ଦ୍ରୁତ ବୋଲରଙ୍କୁ ଇଂଲଣ୍ଡ ବିପକ୍ଷରେ ୩ମ୍ୟାଚର ସିରିଜ ପରେ ହେବାକୁ ଥିବା ଚାମ୍ପିୟନ୍ସ ଟ୍ରଫି ଲାଗି ଟିମରେ ଚୟନ କରାଯାଇଛି ।
ଅଜିତ ଅଗରକର ଭାରତୀୟ ଅଧିନାୟକ ରୋହିତ ଶର୍ମାଙ୍କ ସହ ଏକ ପ୍ରେସ କନଫରେନ୍ସ ସମୟରେ କହିଛନ୍ତି କି ବୁମରାହଙ୍କୁ ୫ ସପ୍ତାହ ଲାଗି ବିଶ୍ରାମ ନେବାକୁ କୁହାଯାଇଛି ଏବଂ ସେ ଇଂଲଣ୍ଡ ବିପକ୍ଷ ପ୍ରଥମ ଦୁଇଟି ଓ୍ବାନଡେରେ ଉପଲବ୍ଧ ହେବେ ନାହିଁ । ଆମେ ତାଙ୍କ ଫିଟନେସର ଅପେକ୍ଷା କରୁଛୁ ଏବଂ ମେଡ଼ିକାଲ ଟିମରୁ ଫେବୃଆରୀର ଆରମ୍ଭରେ ତାଙ୍କ ସ୍ଥିତି ବିଷୟରେ ଜଣାପଡ଼ିବ ।
