ପ୍ରମୂଖ ଖବର
  • ଶ୍ରୀମନ୍ଦିରରେ ପୂଜା ହେଲା ଆଇପିଏଲ୍‌ ଟ୍ରଫି, ବିଜୟୀ ହେବାକୁ 'କୋଲକତା ନାଇଟ୍ ରାଇଡର୍ସ'ର ପ୍ରାର୍ଥନା
  • ||
  • ଶ୍ରୀମନ୍ଦିରରେ ମହାପ୍ରଭୁଙ୍କର ବଡ଼ ମହାସ୍ନାନ, ବେହେରଣ ଦ୍ୱାର ନିକଟରେ ପଡିଥିଲା ରକ୍ତ ଛିଟା
  • ||
  • ବାଲେଶ୍ୱର : ଘରେ ପଶି ଅଙ୍ଗନବାଡ଼ି କର୍ମୀଙ୍କୁ ହାଣିଲେ ଦୁର୍ବୃତ୍ତ, ପୋଲିସର ତଦନ୍ତ ଆରମ୍ଭ
  • ||
  • ନୂଆଦିଲ୍ଲୀ ରେଳଷ୍ଟେସନ ଦଳାଚକଟା ଘଟଣାର ଉଚ୍ଚସ୍ତରୀୟ ତଦନ୍ତ ନିର୍ଦ୍ଦେଶ ଦେଲେ ଅଶ୍ୱିନୀ
  • ||
  • ନୂଆଦିଲ୍ଲୀ ରେଳଷ୍ଟେସନ ଦଳାଚକଟା ଘଟଣା, ମୃତ୍ୟୁ ସଂଖ୍ୟା ୧୮କୁ ବୃଦ୍ଧି, ଶୋକବ୍ୟକ୍ତ କଲେ ରାଷ୍ଟ୍ରପତି, ପ୍ରଧାନମନ୍ତ୍ରୀ
  • ||
  • ଓଡ଼ିଶା ଅର୍ଥନୈତିକ ସର୍ଭେ ରିପୋର୍ଟ: ଚଳିତ ବର୍ଷ ଅଭିବୃଦ୍ଧି ୭.୨%କୁ ହ୍ରାସ, ଆଗାମୀ ବର୍ଷ ୮.୫% ହାରରେ ବଢ଼ିବ
  • ||
  • କଟକ : ଷ୍ଟ୍ରିଟ୍‌ ଲାଇଟ୍‌ ଖୁଣ୍ଟରୁ ଯୁବକଙ୍କୁ ଝୁଲନ୍ତା ମୃତଦେହ ଉଦ୍ଧାର, କାରଣ ଅସ୍ପଷ୍ଟ
  • ||
  • ଗରମରୁ ମିଳିବ ସାମାନ୍ୟ ଆଶ୍ୱସ୍ତି: ଆସନ୍ତା ୧୯ରୁ ୨୧ ଯାଏ ବର୍ଷା ସମ୍ଭାବନା, ବିଭିନ୍ନ ଜିଲ୍ଲାକୁ ଆଲର୍ଟ ଜାରି
  • ||

ରଣଜୀ ଖେଳିବେ ଟେଷ୍ଟ ଦଳ ସଦସ୍ୟ, ମୁମ୍ବାଇ ସହ ଅଭ୍ୟାସ କଲେ ରୋହିତ

Published By : Ankita S | January 15, 2025 12:03 PM

ମୁମ୍ବାଇ,୧୫/୧: ଘରୋଇ କ୍ରିକେଟକୁ ଫେରିବେ ଷ୍ଟାର କ୍ରିକେଟର । ରଣଜୀ ଖେଳିବେ ରୋହିତ ଶର୍ମା । ଖାଲି ରୋହିତ ନୁହଁନ୍ତି ବିରାଟ କୋହିଲ ଓ ଋଷବ ପନ୍ତ ମଧ୍ୟ ଆଗାମୀ ରଣଜୀ ଟ୍ରଫି ମ୍ୟାଚ ଖେଳିବା ଅନୁମାନ କରାଯାଉଛି ।  ଗତ ବର୍ଡର ଗାଭାସ୍କର ଟ୍ରଫି ଟେଷ୍ଟ ସିରିଜରେ ନୈରାଶ୍ୟଜନକ ପ୍ରଦର୍ଶନ ପରେ ତୀବ୍ର ସମାଲୋଚିତ ହୋଇଥିବା ଭାରତୀୟ ଖେଳାଳିମାନେ ଆଗାମୀ ରଣଜୀ ଟ୍ରଫିର ଦ୍ୱିତୀୟ ଭାଗ ଖେଳିବା ପାଇଁ ସମ୍ମତି ପ୍ରକାଶ କରିଛନ୍ତି । ଟିମ୍‌ ଇଣ୍ଡିଆ ଅଧିନାୟକ ରୋହିତ ଶର୍ମା ମୁମ୍ବାଇ ରଣଜୀ ଦଳ ସହ ଅଭ୍ୟାସ ଆରମ୍ଭ କରିଥିବା ଦେଖିବାକୁ ମିଳିଛି । 

ସେହିପରି ଯଶସ୍ୱୀ ଜୈସ୍ୱାଲ ମଧ୍ୟ ପରବର୍ତ୍ତୀ ମ୍ୟାଚ୍‌ ଖେଳିବାକୁ ଚାହୁଁଥିବା ମୁମ୍ବାଇ କ୍ରିକେଟ୍‌ ଆସୋସିଏସନକୁ ଜଣାଇଛନ୍ତି । ଏପଟେ ବିରାଟ କୋହଲି ଓ ରିଷଭ ପନ୍ତଙ୍କୁ ଦିଲ୍ଲୀ ସମ୍ଭାବ୍ୟ ଦଳରେ ସ୍ଥାନ ମିଳିଛି । ଅନ୍ୟ କୌଣସି ଖେଳାଳିଙ୍କ ବିଷୟରେ ଖବର ମିଳି ନଥିଲେ ହେଁ ରୋହିତ ଅଭ୍ୟାସ ଆରମ୍ଭ କରିଛନ୍ତି । ସେ ୱାଙ୍ଖଡ଼େ ଷ୍ଟାଡ଼ିୟମ୍‌ରେ ଦଳ ସହ ଦୀର୍ଘ ସମୟ ଧରି ବ୍ୟାଟିଂ ଅଭ୍ୟାସ କରିଥିଲେ । 

ଏହା ବି ପଢନ୍ତୁ...ଖୋ ଖୋ ବିଶ୍ବକପ; ବ୍ରାଜିଲକୁ ହରାଇଲା ପୁରୁଷ ଦଳ, ମହିଳା ଟିମଠୁ ହାରିଲା ଦକ୍ଷିଣ କୋରିଆ


ମୁଖ୍ୟତଃ ଥ୍ରୋ ଡାଉନ୍‌ରେ ସେ ଅଭ୍ୟାସ କରୁଥିବା ଦେଖିବାକୁ ମିଳିଥିଲା । ୨୩ତାରିଖରୁ ରଣଜୀ ଟ୍ରଫିର ଦ୍ୱିତୀୟ ଭାଗ ଆରମ୍ଭ ହେବ । ମୁମ୍ବାଇ ପରବର୍ତ୍ତୀ ମ୍ୟାଚ୍‌ରେ ଜାମ୍ମୁ ଓ କାଶ୍ମୀରକୁ ଭେଟିବ । ଏହି ମ୍ୟାଚ୍‌ ପାଇଁ ଚୂଡ଼ାନ୍ତ ମୁମ୍ବାଇ ଦଳ ଘୋଷଣା ହୋଇନାହିଁ । ରୋହିତ ସମ୍ମତି ପ୍ରକାଶ କଲେ ଦଳରେ ସ୍ଥାନ ପାଇବେ । ଦୀର୍ଘ ୯ ବର୍ଷ ପରେ ରୋହିତ ରଣଜୀ ଟ୍ରଫି ଖେଳିବାକୁ ଯାଉଛନ୍ତି । ଶେଷ ଥର ପାଇଁ ସେ ୨୦୧୫ରେ ଉତ୍ତରପ୍ରଦେଶ ବିପକ୍ଷରେ ରଣଜୀ ଟ୍ରଫି ମ୍ୟାଚ୍‌ ଖେଳିଥିଲେ । ସୂଚନାଯୋଗ୍ୟ, ବର୍ଡର-ଗାଭାସ୍କର ଟ୍ରଫିରେ ଭାରତର ପରାଜୟ ପରେ ସବୁ ସିନିୟର ଖେଳାଳିଙ୍କୁ ଘରୋଇ କ୍ରିକେଟ୍‌ ଖେଳିବାକୁ ନିର୍ଦ୍ଦେଶ ଦିଆଯାଇଛି । 

ଅଫ୍‌ ସିଜନରେ ଘରୋଇ କ୍ରିକେଟ୍‌ ଖେଳି ନିଜକୁ ପ୍ରସ୍ତୁତ ରଖିବାକୁ ଟିମ୍‌ ମ୍ୟାନେଜମେଣ୍ଟ ଓ ଚୟନ କମିଟି ନିର୍ଦ୍ଦେଶ ଦେଇଛି । ରୋହିତଙ୍କ ସମେତ ଶୁଭମନ ଗିଲ୍‌ ମଧ୍ୟ ରଣଜୀ ଟ୍ରଫି ଖେଳିବାକୁ ପ୍ରସ୍ତୁତ ହେଉଥିବା ଜଣା ପଡ଼ିଛି । ତେବେ ବିରାଟ କୋହଲିଙ୍କ ଖେଳିବା ନେଇ ଏପର୍ଯ୍ୟନ୍ତ କୌଣସି ସ୍ପଷ୍ଟ ସୂଚନା ମିଳିନାହିଁ ।

Prameya Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.