ନୂଆଦିଲ୍ଲୀ,୨୨/୧୦: ହରର-କମେଡି ଫିଲ୍ମ "ଥାମା" ଗତକାଲି ଅର୍ଥାତ ଅକ୍ଟୋବର ୨୧ ତାରିଖରେ ସିନେମା ହଲରେ ମୁକ୍ତିଲାଭ କରିଥିଲା। ଆୟୁଷ୍ମାନ ଖୁରାନା ଏବଂ ରଶ୍ମିକା ମନ୍ଦାନାଙ୍କ ଅଭିନୀତ ଫିଲ୍ମ "ଥାମା" ପ୍ରଥମ ଦିନରେ ବକ୍ସ ଅଫିସରେ ବକ୍ସ ଅଫିସରେ ଧମାକା ସୃଷ୍ଟି କରିଛି । ରିଲିଜର ପ୍ରଥମ ଦିନରେ ରେକର୍ଡ ଭାଙ୍ଗିବା ସହ ମୋଟା ଅଙ୍କର କଲେକ୍ସନ କରିଛି ।ସମସ୍ତେ ରଶ୍ମିକା ଏବଂ ଆୟୁଷ୍ମାନଙ୍କୁ ପ୍ରଶଂସା କରୁଛନ୍ତି। ସିନେମା ହଲରେ ଫିଲ୍ମ ଦେଖିବା ପାଇଁ ଭିଡ଼ ହେଉଥିବା ବେଳେ, କିଛି ପ୍ରଶଂସକ ଏହାର ଓଟିଟି ରିଲିଜ୍ ପାଇଁ ଉତ୍ସାହିତ ଅଛନ୍ତି।
ଓଟିଟି ପ୍ଲେର ଏକ ରିପୋର୍ଟ ଅନୁଯାୟୀ, ଆୟୁଷ୍ମାନ ଖୁରାନା ଏବଂ ରଶ୍ମିକା ମନ୍ଦାନାଙ୍କ "ଥାମା" ଓଟିଟି ପ୍ଲାଟଫର୍ମ ପ୍ରାଇମ୍ ଭିଡିଓରେ ରିଲିଜ୍ ହେବ। ଏକ ହିନ୍ଦୀ ଫିଲ୍ମ ସାଧାରଣତଃ ଥିଏଟର ରିଲିଜ୍ ହେବାର ୮ ସପ୍ତାହ ପରେ ଓଟିଟି ପ୍ଲାଟଫର୍ମରେ ରିଲିଜ୍ ହୁଏ। ତେଣୁ, "ଥାମା" ନୂତନ ବର୍ଷ କିମ୍ବା ଖ୍ରୀଷ୍ଟମାସ ପାଖାପାଖି ଓଟିଟି ପ୍ଲାଟଫର୍ମରେ ରିଲିଜ୍ ହୋଇପାରେ। ତଥାପି, ନିର୍ମାତା ଏପର୍ଯ୍ୟନ୍ତ ଫିଲ୍ମର ଓଟିଟି ରିଲିଜ୍ ସମ୍ପର୍କରେ କୌଣସି ଆନୁଷ୍ଠାନିକ ସୂଚନା ଜାରି କରିନାହାଁନ୍ତି।"ଥାମା" ରିଲିଜ୍ ହେବା ପରେ ଅନେକ ଫିଲ୍ମ ରେକର୍ଡ ଭାଙ୍ଗିଛି। ଫିଲ୍ମଟି ପ୍ରଥମ ଦିନରେ ବକ୍ସ ଅଫିସରେ ବିପୁଳ ପରିମାଣର ଆୟ କରିଛି। ସାକନିକର ଏକ ରିପୋର୍ଟ ଅନୁଯାୟୀ, "ଥାମା" ପ୍ରଥମ ଦିନରେ ୨୪ କୋଟି ଆୟ କରିଛି, ଯାହା ଏହାକୁ ୨୦୨୫ର ଶ୍ରେଷ୍ଠ ପାଞ୍ଚଟି ଓପନର ମଧ୍ୟରୁ ଗୋଟିଏ କରିଛି। "ଥାମା" ୨୪ କୋଟି ସହିତ ପଞ୍ଚମ ସ୍ଥାନରେ ଅଛି। "ଥାମା" ନିର୍ଦ୍ଦେଶନା ଦେଇଛନ୍ତି ଆଦିତ୍ୟ ସରପୋତଦାର। ନୱାଜୁଦ୍ଦିନ ସିଦ୍ଦିକି ମଧ୍ୟ ଏହି ଫିଲ୍ମରେ ଏକ ଗୁରୁତ୍ୱପୂର୍ଣ୍ଣ ଭୂମିକାରେ ଅଭିନୟ କରିଛନ୍ତି।
