ଟିକାବାଲି,୩୧/୧୦ : ଟିକାବାଲି ଥାନା ଅନ୍ତର୍ଗତ ପଟାବୁରୁ ଘାଟି ତଳ ଏଯାଡେ଼ଲାଠାରେ ଏକ ବୁଦା ଘେରା ପଡିଆ ଭିତରୁ ଜଣେ ଅଜଣା ମହିଳାଙ୍କ ଗଳିତ ଶବ ଉଦ୍ଧାର ହୋଇଛି । ସୂଚନା ଅନୁଯାୟୀ, ସମ୍ପୃକ୍ତ ସ୍ଥାନରେ ମୃତଦେହ ପଡିଥିବା ନେଇ ବଡ଼ିମୁଣ୍ଡା ସରପଞ୍ଚ ବଦନ ପ୍ରଧାନ କୌଣସି ସୂତ୍ରରୁ ଖବରପାଇ ଟିକାବାଲି ଥାନାକୁ ଜଣାଇଥିଲେ। ଟିକାବାଲି ପୁଲିସ ଘଟଣାସ୍ଥଳରେ ପହଞ୍ଚି ତହସିଲଦାର ନର୍ମଦା ନାୟକଙ୍କ ଉପସ୍ଥିତିରେ ଶବ ଜବତ କରିଛି ।
ଶବଟି ଆନୁମାନିକ ୪ରୁ ୫ଦିନର ହୋଇଥିବା ପୁଲିସ ଅନୁମାନ କରୁଛି। ବର୍ତ୍ତମାନ ସୁଦ୍ଧା ଶବ ଚି଼ହ୍ନଟ ହୋଇ ପାରିନାହିଁ। ହାତରେ ଶଙ୍ଖା ଥିବାରୁ ମହିଳା ଜଣକ ବିବାହିତା ବୋଲି ଜଣାପଡୁଛି । ଶବ ପାଖରେ ମଦ ବୋତଲ ଏବଂ ୟୁଜ ଏଣ୍ଡ ଥ୍ରୋ ଗ୍ଲାସ ପଡିଥିବାରୁ ଏହା ଏକ ହତ୍ୟାକାଣ୍ଡ ହୋଇଥାଇପାରେ ବୋଲି ସନ୍ଦେହ କରାଯାଉଛି। ଏ ନେଇ ପୁଲିସ ତଦନ୍ତ ଜାରି ରଖିଥିବା ଥାନା ଅଧିକାରୀ କଲ୍ୟାଣମୟୀ ଷେଣ୍ଢ କହିଛନ୍ତି।
