ଚଣ୍ଡିଖୋଲ, ୦୫/୧୧: ନଦୀ ପଠାରେ ଭାସୁଛି ଅଜଣା ମୃତ ଦେହ। ଭୟଭୀତ ସ୍ଥାନୀୟ ଲୋକେ । ଯାଜପୁର ଜିଲ୍ଲା ବାଲିଚନ୍ଦ୍ରପୁର ଥାନା ଅନ୍ତର୍ଗତ ଖଡିଅଙ୍ଗ -ପଟୁଣିଆ  ପୋଲ ତଳେ ଗେଙ୍ଗୁଟି ନଦୀ ପଠାରେ ଏକ ଅଜଣା ମୃତ ଦେହ ପଡ଼ି ରହିଥିବା ଦେଖିବାକୁ ମିଳିଛି ।  ସକାଳୁ ମାଛ ଧରାଳି ନଦୀ ମଧ୍ୟକୁ ମାଛ ଧରିବାକୁ ଆସି ମୃତ ଦେହଟିକୁ ଦେଖିବାକୁ ପାଇଥିଲେ । ପରେ ଏନେଇ ସ୍ଥାନୀୟ ଲେକେ ବାଲିଚନ୍ଦ୍ରପୁର ପୋଲିସକୁ ଖବର ଦେଇଥିଲେ । 

ଖବର ପାଇ ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି। ତେବେ ମହିଳାଙ୍କ ମୃତ ଦେହ ଏଠାକୁ କେମିତି ଆସିଲା ଓ ମୃତଦେହଟି କାହାର ବୋଲି ପ୍ରଶ୍ନବାଚୀ ସୃଷ୍ଟି କରିଛି l ବାଲିଚନ୍ଦ୍ରପୁର ପୋଲିସ ଚଣ୍ଡିଖୋଲ ଅଗ୍ନିଶମ ବାହିନୀର ସହାୟତାରେ ଶବଟିକୁ ଉଦ୍ଧାର କରି ବ୍ୟବଚ୍ଛେଦ ପାଇଁ ବଡଚଣା ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରକୁ ପଠାଇ ଅଧିକ ତଦନ୍ତ ଜାରି ରଖିଛି।