ଭୁବନେଶ୍ୱର ୧୬/୦୧: ବର୍ଷର ପ୍ରଥମ ସୂର୍ଯ୍ୟପରାଗ ଫେବୃଆରୀ ୧୭ ଫାଲଗୁଣ ଅମାବାସ୍ୟା ଦିନ ପଡୁଛି । ଏହି ଗ୍ରହଣ ଅପରାହ୍ନ ୩:୨୬ ରେ ଆରମ୍ଭ ହେବ ଏବଂ ସନ୍ଧ୍ୟା ୭:୫୭ ରେ ଶେଷ ହେବ। ଯଦିଓ ଏହି ଗ୍ରହଣ ଭାରତରେ ଦୃଶ୍ୟମାନ ନ ହୋଇପାରେ, କିନ୍ତୁ ଏହାର ପ୍ରଭାବ ସମସ୍ତ ରାଶି ଉପରେ ପଡ଼ିବ। ତେବେ ଆସନ୍ତୁ ଜାଣିବା ବର୍ଷର ପ୍ରଥମ ସୂର୍ଯ୍ୟ ଗ୍ରହଣ ଦ୍ୱାରା କେଉଁ ରାଶିର ବ୍ୟକ୍ତି ଲାଭବାନ ହେବେ।
ମେଷ ରାଶି : ବର୍ଷର ପ୍ରଥମ ସୂର୍ଯ୍ୟପରାଗ ମେଷ ରାଶି ପାଇଁ ଲାଭଦାୟକ ପ୍ରମାଣିତ ହେବ। ସେମାନଙ୍କର ଭାଗ୍ୟ ଉଜ୍ଜ୍ୱଳ ହେବ। ଆର୍ଥିକ ସ୍ଥିତି ପୂର୍ବ ଅପେକ୍ଷା ସୁଦୃଢ଼ ହେବ।ପ୍ରତ୍ୟେକ ପ୍ରୟାସରେ ସଫଳତା ହେବାର ଯୋଗ ରହିଛି। ନୂତନ କାର୍ଯ୍ୟ ଆରମ୍ଭ କରିବେ। ଭାଗ୍ୟ ଆପଣଙ୍କ ସପକ୍ଷରେ ରହିବ। ନୂତନ ଚାକିରି ପାଇବାର ମଧ୍ୟ ସମ୍ଭାବନା ରହିଛି।
ମିଥୁନ ରାଶି : ବର୍ଷର ପ୍ରଥମ ସୂର୍ଯ୍ୟପରାଗ ମିଥୁନ ରାଶି ପାଇଁ କୌଣସି ବରଦାନ ଠାରୁ କମ୍ ନୁହେଁ। ଆପଣଙ୍କର ଆର୍ଥିକ ସ୍ଥିତି ଯଥେଷ୍ଟ ମଜବୁତ ହେବ। ଧନର କୌଣସି ଅଭାବ ରହିବ ନାହିଁ। ଅଟକି ରହିଥିବା କାର୍ଯ୍ୟ ଆରମ୍ଭ ହେବ। କୌଣସି କାର୍ଯ୍ୟରେ ସଫଳତା ପାଇବାର ଯୋଗ ରହିଛି। ପିତାମାତାଙ୍କ ସମର୍ଥନ ମିଳିବ।
କର୍କଟ ରାଶି : କର୍କଟ ରାଶି ପାଇଁ, ଏହି ସୂର୍ଯ୍ୟପରାଗ କୌଣସି ଚମତ୍କାରଠାରୁ କମ୍ ପ୍ରମାଣିତ ହେବ ନାହିଁ। ଏହି ସମୟରେ ଗ୍ରହ ଏବଂ ନକ୍ଷତ୍ରର ସ୍ଥିତି ଆପଣଙ୍କ ସପକ୍ଷରେ ରହିବ। ଆୟ ବୃଦ୍ଧି ପାଇପାରେ। ହଠାତ୍ ଆର୍ଥିକ ଲାଭ ହେବାର ଯଥେଷ୍ଟ ସମ୍ଭାବନା ଅଛି। ନୂତନ ଚାକିରି ଆରମ୍ଭ କରିପାରନ୍ତି। ବ୍ୟବସାୟରେ ମଧ୍ୟ ଆପଣଙ୍କୁ ପ୍ରଚଣ୍ଡ ସଫଳତା ମିଳିବାର ସମ୍ଭାବନା ରହିଛି। ଯାନବାହାନ କିମ୍ବା ଘର କିଣିବା ପାଇଁ ଶୁଭ ଯୋଗ ରହିବ। ଆପଣ ବିଦେଶ ଯାତ୍ରାରେ ମଧ୍ୟ ଯାଇପାରନ୍ତି।
