ନୂଆଦିଲ୍ଲୀ: ଦୀର୍ଘ ବର୍ଷର ପ୍ରତୀକ୍ଷାର ଅନ୍ତ ଘଟିଛି। ୧୪୪ ବର୍ଷ ପରେ ଗ୍ରହଯୋଗ ଯୋଗୁଁ ଫୁଣି ଆରମ୍ଭ ହୋଇଛି ମହାକୁମ୍ଭ ମେଳା। ଉତ୍ତରପ୍ରଦେଶର ପ୍ରୟାଗରାଜରେ ୧୩ ଜାନୁଆରୀରୁ ୨୬ ଫ୍ରେବୃୟାରି ୨୦୨୫ ଯାଏ ଚାଲିବ ଏହି ମହାକୁମ୍ଭ ମେଳା । ଏହି ମେଳାରେ ଲକ୍ଷାଧିକ ନାଗା ସାଧୁ ଯୋଗ ଦେଇ ପ୍ରୟାଗରାଜର ତ୍ରିବେଣି ଘାଟରେ ସ୍ୟାହି ବୁଡ ପକେଇବେ। ନାଗା ସାଧୁ ମାନଙ୍କ ମଧ୍ୟରେ ଅନେକ ମହିଳା ନାଗା ସାଧୁ ମାନେ ବି ଏହି ସ୍ୟାହି ବୁଡରେ ରହିଥାନ୍ତି। ତେବେ ଆପମଙ୍କ ମନରେ ପ୍ରଶ୍ନ ତ ନିହାତି ଆସୁଥିବ ଏ ମହିଳା ନାଗା ସାଧୁ କେଉଁଠୁ ଆସିଛନ୍ତି ? ଜଣେ ମହିଳା କିପରି ନାଗା ସାଧୁ ବନିପାରିବେ ? ତେବେ ଆସନ୍ତୁ ଜାଣିବା ଏହିଭଳି ଅନେକ ପ୍ରଶ୍ନର ଉତ୍ତର।  

ମହିଳା ନାଗା ସାଧୁମାନଙ୍କ ଜୀବନ;

ସନାତନ ଧର୍ମ ପ୍ରତିଷ୍ଠା ପାଇଁ ଆଦିଗୁରୁ ଶଙ୍କରାଚାର୍ଯ୍ୟ ଅନେକ ପଦକ୍ଷେପ ନେଇଥିଲେ।  ଏଥି ମଧ୍ୟରୁ ଗୋଟିଏ ହେଲା ଦେଶର ଚାରି କୋଣରେ ୪ ଟି ଗୋବର୍ଦ୍ଧନ ମଠର ନିର୍ମାଣ କରିଥିଲେ| ଶଙ୍କରାଚାର୍ଯ୍ୟଙ୍କ ଅନ୍ୟ ପଦକ୍ଷେପ ଭିତରେ ସେ ହିଁ ପ୍ରଥମେ ଆଖଡା ନିର୍ମାଣ କରିଥିଲେ।  ବର୍ତ୍ତମାନ ଅଖଡାର ସଂଖ୍ୟା କୁ ଦେଖିଲେ ଏହା ୧୪କୁ ବୃଦ୍ଧି ପାଇଛି। ପ୍ରତ୍ୟେକ ନାଗା ସାଧୁ କୈଣସି ନା କୈଣସି ଆଖଡା ସହିତ ଜଡିତ| ସେମାନଙ୍କ ମଧ୍ୟରେ ଅନେକ ମହିଳା ନାଗା ସାଧୁ ମଧ୍ୟ ଅଛନ୍ତି| ମହିଳା ନାଗା ସାଧୁଙ୍କ ଜୀବନ ଅତ୍ୟନ୍ତ କଷ୍ଟକର| ସେମାନଙ୍କୁ ବହୁ ବର୍ଷ ପର୍ଯ୍ୟନ୍ତ କଠିନ ତପସ୍ୟା କରିବାକୁ ପଡିଥାଏ|

ବ୍ରହ୍ମଚର୍ଯ୍ୟର ପାଳନ;

ନାଗା ସାଧୁ ହେବା ପାଇଁ, ଯେକୈଣସି ମହିଳାଙ୍କୁ ପ୍ରଥମେ ୧୦ ବର୍ଷ ପର୍ଯ୍ୟନ୍ତ ବ୍ରହ୍ମଚର୍ଯ୍ୟର ପାଳନ କରିବାକୁ ପଡିବ| ଏହା କରିବା ପରେ ହିଁ ନାଗା ଗୁରୁମାନେ ନିଷ୍ପତ୍ତି ନେଇ ସେହି ମହିଳାଙ୍କୁ ନାଗା ସାଧୁ ଭାବେ ଦୀକ୍ଷିତ କରିଥାନ୍ତି|  ନାଗା ମହିଳା ସାଧୁମାନେ ମୋହ ମାୟାରୁ ନିଜକୁ ସମ୍ପୂର୍ଣ୍ଣ ମୁକ୍ତ କରିବାକୁ ପଡ଼ିଥାଏ। ଏନେଇ ଅନୁସନ୍ଧାନ କରିବା ପାଇଁ ଅଖଡାର ସାଧୁ ମହିଳାଙ୍କ ଘର ଏବଂ ପରିବାରକୁ ପୁଙ୍ଖାନୁପୁଙ୍ଖ ଭାବେ ଯାଞ୍ଚ କରିଥାନ୍ତି।  ଆଖଡାର ସମସ୍ତ ସାଧୁମାନେ ମହିଳା ନାଗା ସାଧୁଙ୍କୁ ମାଆ ବୋଲି ଡାକିବା ସହ ପୂର୍ଣ୍ଣ ସମ୍ମାନ ଦେଇଥାନ୍ତି|

ଜୀବିତ ଥିବା ଅବସ୍ଥାରେ ନିଜେ କରନ୍ତି ନିଜର ପିଣ୍ଡ ଦାନ;

କୈଣସି ମହିଳା ନାଗା ସାଧୁ ହେବାକୁ ପ୍ରଥମେ ନଣ୍ଡା ହେବାକୁ ପଡିବ| କେବଳ ଏତିକି ନୁହେଁ, ଜୀବିତ ଥିବାବେଳେ ନିଜେ ନିଜର ପିଣ୍ଡ ଦାନ କରିବାକୁ ପଡିବ|  ଏହା ପରେ ମହିଳା ନାଗା ସାଧୁ ନିଜକୁ ମୃତ ବୋଲି ଭାବନ୍ତି| ଏହାପରେ ସେ ସ୍ବୀକାର କରିନାହାନ୍ତି ଯେ ସେ ବର୍ତ୍ତମାନ ଏକ ଆଧ୍ୟାତ୍ମିକ ଯାତ୍ରା ଆରମ୍ଭ କରିଛନ୍ତି। ବର୍ତ୍ତମାନ ତାଙ୍କର ସମ୍ପୂର୍ଣ୍ଣ ଜୀବନ ଭଗବାନଙ୍କ ପାଇଁ ଉତ୍ସର୍ଗୀକୃତ |  ମହିଳା ନାଗା ସାଧୁ ଜଙ୍ଗଲ, ଗୁମ୍ଫା ଏବଂ ପର୍ବତରେ ବାସ କରନ୍ତି ଏବଂ ଭଗବାନ ଶିବଙ୍କୁ ପୂଜା କରନ୍ତି |  ସେମାନେ କେବଳ କୁମ୍ଭ କିମ୍ବା ମହା କୁମ୍ବ ପରି ବିଶେଷ ମୁହୁର୍ତ୍ତରେ ଦୁନିଆ ଆଗକୁ ଆସନ୍ତି|

ଗେରୁଆ ବସ୍ତ୍ର ଧାରଣ;

ପୁରୁଷ ନାଗା ସାଧୁଙ୍କ ପରି ମହିଳା ନାଗା ସାଧୁ ଉଲଗ୍ନ ରୁହନ୍ତି ନାହିଁ। ସେମାନେ ଗେରୁଆ ବସ୍ତ୍ର ଧାରଣ କରିଥାନ୍ତି| ଏହି ବସ୍ତ୍ର କୈଣସି ସ୍ଥାନରେ ସିଲେଇ ହୋଇନଥାଏ| ଏହି ବସ୍ତ୍ରକୁ ସେମାନେ ନିଜ ଶରୀରକୁ ଘୋଡେ଼ଇ ରଖିବା ପାଇଁଁ ବ୍ୟବହାର କରିଥାନ୍ତି|  ତାଙ୍କର ବସ୍ତ୍ର ତାଙ୍କ ଆଧ୍ୟାତ୍ମିକ ଅଭ୍ୟାସ ଏବଂ ସାଧୁ ଜୀବନର ପ୍ରତୀକ ଭାବରେ ଦେଖାଯାଇଥାଏ| ମହିଳା ନାଗା ସାଧୁଙ୍କ କପାଳରେ ତିଳକ ରହିଥାଏ| ପୁରୁଷ ନାଗା ସାଧୁଙ୍କ ପରି ମହିଳା ସାଧ୍ୱୀ ମାନେ ମଧ୍ୟ ନିଜ ଶରୀରରେ ପାଉଁଶ ଲଗାନ୍ତି| ମହିଳା ନାଗା ସାଧୁ ମାନେ ଏକ ସରଳ ଜୀବନଯାପନ କରିଥାନ୍ତି |

ମହିଳା ନାଗା ସାଧୁ ମାନଙ୍କ ସ୍ୟାହି ସ୍ନାନରେ ଅଂଶଗ୍ରହଣ;

କୁମ୍ଭ ମେଳାରେ ବିଭିନ୍ନ ଅଖଡାର ନାଗା ସାଧୁସନ୍ଥ ପରସ୍ପରକୁ ଭେଟି ସେମାନଙ୍କ ମଧ୍ୟରେ ଭାବ ବିନିମୟ କରିଥାନ୍ତି|  କୁମ୍ଭ ମେଳା ସମୟରେ ନାଗା ସାଧୁମାନେ ସେମାନଙ୍କର ପରମ୍ପରା, ଜ୍ଞାନ ଏବଂ ସାଧନା ପ୍ରଦର୍ଶନ କରିବାର ସୁଯୋଗ ପାଆନ୍ତି|  କୁମ୍ଭ ମେଳାରେ ଗଙ୍ଗା, ଯମୁନା ଏବଂ ସରସ୍ୱତୀଙ୍କ ମିଳନ ସ୍ଥଳରେ ସ୍ୟାହି ସ୍ନାନର ବିଶେଷ ମହତ୍ତ୍ଵ ରହିଛି| ଏହି ବିଶେଷ ଅବସରରେ ନାଗା ସାଧୁ ୧୨ ବର୍ଷ ପରେ ସ୍ନାନ କରି ନିଜ ସାଧନାର ସିଦ୍ଧି କରିଥାନ୍ତି| ମହିଳା ନାଗା ସାଧୁ ମଧ୍ୟ ସ୍ୟାହି ସ୍ନାନରେ ଅଂଶଗ୍ରହଣ କରିଥାନ୍ତି| ମହିଳା ନାଗା ସାଧୁ ମାନେ ପୁରୁଷ ନାଗା ସାଧୁ ସ୍ନାନ କରିବା ପରେ ସ୍ୟାହି ସ୍ନାନ କରିଥାନ୍ତି| ସେମାନେ ଅନ୍ୟ ଏକ ଘାଟରେ ସ୍ୟାହି ସ୍ନାନ କରିଥାନ୍ତି|  ମହିଳା ନାଗା ସାଧୁ କୁମ୍ଭ କିମ୍ବା ମହାକୁମ୍ଭ ମେଳା ସମୟରେ ପବିତ୍ର ନଦୀରେ ଗାଧୋଇବା ପରେ ତୁରନ୍ତ ଜଙ୍ଗଲକୁ ଯାଇ ତପସ୍ୟା କରିଥାନ୍ତି| ଏହି କାରଣରୁ ବହୁତ କମ୍ ଲୋକ ମହିଳା ନାଗା ସାଧୁଙ୍କୁ ଦେଖିବାରେ ସକ୍ଷମ ହୋଇଥାନ୍ତି| ଜଣେ ମହିଳା ନାଗା ସାଧୁଙ୍କ ଦୃଶ୍ୟ ଅତ୍ୟନ୍ତ ଶୁଭ ବୋଲି ବିବେଚନା କରାଯାଏ |

ସ୍ୟାହି ସ୍ନାନର ତିଥି:

୧. ୧୩ ଜାନୁଆରୀ ୨୦୨୫: ପୈସ ପୂର୍ଣ୍ଣିମା ଦିନ ପ୍ରଥମ ସ୍ୟାହି ସ୍ନାନ

୨. ୧୪ ଜାନୁୟାରୀ ୨୦୨୫: ମାକର ସଙ୍କ୍ରାନ୍ତୀ ଦିନ ଦ୍ୱିତୀୟ ସ୍ୟାହି ସ୍ନାନ

୩. ୨୯ ଜାନୁୟାରୀ ୨୦୨୫: ମୈନି ଅମାବାସ୍ୟା ଦିନ ତୃତୀୟ ସ୍ୟାହି ସ୍ନାନ

୪. ୩ ଫେବୃଆରୀ ୨୦୨୫: ବସନ୍ତ ପଞ୍ଚମି ଦିନ ଚତୁର୍ଥ ସ୍ୟାହି ସ୍ନାନ

୫. ୧୨ ଫେବୃଆରୀ ୨୦୨୫: ମାଘ ପୂର୍ଣ୍ଣିମା ଦିନ ପଞ୍ଚମ ସ୍ୟାହି ସ୍ନାନ

୬. ୨୬ ଫେବୃଆରୀ ୨୦୨୫: ମହାଶିବରାତ୍ରୀ ଦିନ ଶେଷ ସ୍ୟାହି ସ୍ନାନ