ନୂଆଦିଲ୍ଲୀ ୧୪/୦୧: କଫିର ସ୍ୱାଦ ଉପକାରିତାକୁ ନେଇ ପୂର୍ବରୁ ଏକାଧିକ ଅଧ୍ୟୟନ କରାଯାଇଛି। ଏବେ ଏକ ନୂତନ ଅଧ୍ୟୟନରୁ କଫି ପିଇବାର ସମୟ ଏବଂ ଏହାର ଉପକାରିତା ସମ୍ପର୍କରେ କୁହାଯାଇଛି। ନ୍ୟୁ ଅରଲିୟନ୍ସର ତୁଲାନେ ବିଶ୍ୱବାଦ୍ୟାଳୟର ଗବେଷକଙ୍କ ଦ୍ୱାରା ଉକ୍ତ ଗବେଷଣା କରାଯାଇଛି। ଅଧ୍ୟୟନରୁ ଜଣାପଡିଛି ଯେ, ସକାଳେ କଫି ପିଇବା ଦ୍ୱାରା ମୃତ୍ୟୁ ଆସଙ୍କା ହ୍ରାସ ପାଏ। ସେହିପରି ଦିନରେ ଅନ୍ୟ ସମୟରେ କଫି ପିଇବାରେ ଏଭଳି ପ୍ରଭବା ଦେଖିବାକୁ ମିଳି ନଥାଏ। ଏନେଇ ୪୨ ହଜାରରୁ ଅଧିକ ବୟସ୍କଙ୍କ ଡାଟାକୁ ବିଶ୍ଳେଷଣ କରାଯାଇଥିଲା।
ସେହିପରି ମଧ୍ୟମ ମାତ୍ରାରେ କଫି ପିଇବାରେ ସ୍ୱାସ୍ଥ୍ୟ ଉପକାରିତା ସାମିଲ ଥିବା ଜଣାପଡିଛି। ଅନ୍ୟପଟେ ଏହି ଗବେଷଣାରୁ ପ୍ରଥମ ଥର ଏକଥା ସାମ୍ନାକୁ ଆସିଛି ଯେ, କଫି ପିଇବାର ସମୟ ମଧ୍ୟ ବେଶ୍ ଗୁରୁତ୍ୱ ବହନ କରିଥାଏ। ଏହା ଅନୁସାରେ, ସକାଳେ କଫି ପିଇବାରେ ସ୍ୱାସ୍ଥ୍ୟ ଲାଭ ଅଧିକ ବୋଲି ଅଧ୍ୟୟନରେ ଦର୍ଶାଯାଇଛି। ଗବେଷକଙ୍କ ଅନୁସାରେ, ଏହା ହୃଦୟ ପାଇଁ ଉତ୍ତମ ହୋଇପାରେ। ସେହିପରି ଦିନ ତମାମ କଫି ପିଇବାରେ ଏତେଟା ଶରୀରକୁ ଲାଭ ମିଳି ନଥାଏ। ସେହିପରି ଅଧ୍ୟୟନରେ ଏ କଥା ବି କୁହାଯାଇଛି, କଫି ବ୍ୟବହାରର ପରିମାଣ ଏବଂ ପିଇବାର ସମୟ ବ୍ୟକ୍ତିର ଜୈବିକ ପରିବର୍ତ୍ତନ ଉପରେ ନିର୍ଭର କରେ।
କିଛି ଲୋକ କଫିକୁ ଭଲ ଭାବରେ ହଜମ କରୁଥିବା ବେଳେ ଆଉ କେତେକଙ୍କଠାରେ ଏହା ହୃଦଘାତ ଏବଂ ସେଥିରେ ଉଚ୍ଚ ରକ୍ତଚାପ ଭଳି ସମସ୍ୟା ସୃଷ୍ଟି କରିଥାଏ। କେବଳ ସେତିକି ନୁହେଁ, କଫିକୁ କିଭଳି ପ୍ରସ୍ତୁତ କରିବା ଦରକାର, ଏବଂ ସେଥିରେ କେଉଁ ସବୁ ସାମଗ୍ରୀ ସାମିଲ କରାଯାଏ, ତା’ ଉପରେ ବି ଗୁରୁତ୍ୱ ଦିଆଯାଇଥିଲା। କଫିରେ ଚିନି, କ୍ରିମ୍ ଆଦି ମିଶାଇବା ଦ୍ୱାରା ଏହାର ସ୍ୱାସ୍ଥ୍ୟ ଉପକାରିତା ହ୍ରାସ ପାଇଥାଏ ବୋଲି ଏଥିରେ କୁହାଯାଇଛି।
