ନୂଆଦିଲ୍ଲୀ,୧୨/୧୨: ଦିଲ୍ଲୀର ଜବାହାର ଲାଲ୍ ନେହେରୁ (ଜେଏନ୍ୟୁ)ରେ 'ଦ ସାବରମତି ରିପୋର୍ଟ' ସିନେମା ସ୍କ୍ରିନିଂକୁ ମଧ୍ୟରେ ପ୍ରବଳ ହାଇଡ୍ରାମା ହୋଇଛି। ସିନେମା ସ୍କ୍ରିନିଂ ସମୟରେ ପଥରମାଡ଼ ହୋଇଛି। ଅବିଭିପି ଅଭିଯୋଗ କରିଛି ଯେ, ବାମପନ୍ଥୀ ଛାତ୍ରମାନେ ସବୁବେଳେ ଏବିଭିପିର କାର୍ଯ୍ୟକ୍ରମରେ ବାଧା ସୃଷ୍ଟି କରୁଛନ୍ତି। ଏବଂ ଆଜି ମଧ୍ୟ ବାମପନ୍ଥୀ ଛାତ୍ରମାନେ ପଥରମାଡ଼ କରିଥିଲେ। ବିଶ୍ୱବିଦ୍ୟାଳୟରେ ଚଳଚ୍ଚିତ୍ର ପୋଷ୍ଟର ଚିରିଦେବାର ଅଭିଯୋଗ ମଧ୍ୟ ହୋଇଛି।
ଜଣେ ଏବିଭିପି ଛାତ୍ର ଅଭିଯୋଗ କରିଛନ୍ତି ଯେ ବାମପନ୍ଥୀ ଛାତ୍ରମାନେ ବାରମ୍ବାର ସମାନ କାମ କରୁଛନ୍ତି। ଏହାପୂର୍ବରୁ, ଯେତେବେଳେ ଆମେ ଏକ ଚଳଚ୍ଚିତ୍ରର ସ୍କ୍ରିନିଂ ଆୟୋଜନ କରିଥିଲୁ, ସେତେବେଳେ ମଧ୍ୟ ସେମାନଙ୍କ ଦ୍ୱାରା ସମାନ କାର୍ଯ୍ୟ କରାଯାଇଥିଲା। ଏଥିରେ ଜଣେ ସିକ୍ୟୁରିଟି ଗାର୍ଡଙ୍କ ଗୋଡ଼ରେ ଆଘାତ ଲାଗିଥିଲା। ଆଜି ବି ବାମପନ୍ଥୀ ଛାତ୍ରଙ୍କ ଦ୍ୱାରା ପଥର ଫିଙ୍ଗିବା କାରଣରୁ ଅନେକ ଛାତ୍ର ଆହତ ହୋଇଥିଲେ।
ଏବିଭିପି ଛାତ୍ର ଅଭିଯୋଗ କରିଛନ୍ତି, "ଏହା ହେଉଛି ବାମପନ୍ଥୀଙ୍କର ସେଟ୍ ପଦ୍ଧତି। ବାହାରେ, ଏହି ଲୋକମାନେ ବିତର୍କ ବିଷୟରେ କଥାବାର୍ତ୍ତା କରନ୍ତି, କିନ୍ତୁ ଯେତେବେଳେ ବି ଏବିଭିପି ଏଭଳି କାର୍ଯ୍ୟକ୍ରମ ଆୟୋଜନ କରେ, ସେତେବେଳେ ଏମାନେ ହଙ୍ଗାମା ସୃଷ୍ଟି କରନ୍ତି। ୨୦୧୬, ୨୦୧୭ ଏବଂ ୨୦୧୮ ରେ ମଧ୍ୟ ଆମେ ଯେତେବେଳେ ଏପରି ଚଳଚ୍ଚିତ୍ର ସ୍କ୍ରିନିଂ କରୁଥିଲୁ, ବାମପନ୍ଥୀମାନେ କେବଳ ତାର କାଟି ନଥିଲେ ବରଂ ଏବିଭିପି ଛାତ୍ରମାନଙ୍କୁ ମଧ୍ୟ ମାଡ଼ ମାରିଥିଲେ। "
ସୂଚନାଥାଉକି, ବିକ୍ରାନ୍ତ ମେସିଙ୍କ ଫିଲ୍ମ ' ଦ ସାବରମତି ରିପୋର୍ଟ'କୁ ନେଇ ଏବେ ଦେଶରେ ବେଶ୍ ଚର୍ଚ୍ଚା ଲାଗିରହିଛି। ୨୦୦୨ ର ଗୁଜୁରାଟ ଦଙ୍ଗା ଉପରେ ଆଧାରିତ ଏହି ଚଳଚ୍ଚିତ୍ରଟି ଅନେକ ହେଡଲାଇନ ସୃଷ୍ଟି କରିଥିଲା। ପିଏମ ମୋଦୀ ମଧ୍ୟ ଏହି ଫିଲ୍ମ ଦେଖିଛନ୍ତି। ଏହା ବ୍ୟତୀତ ବିକ୍ରାନ୍ତ ମେସିଙ୍କ ଏହି ଚଳଚ୍ଚିତ୍ରକୁ ଅନେକ ବିଜେପି ଶାସିତ ରାଜ୍ୟରେ ମଧ୍ୟ ଟିକସ ମୁକ୍ତ କରାଯାଇଥିଲା।
