ନୂଆପଡା,୧୯।୧୧: ବାରହା ପାଇଁ ବିଛାଯାଇଥିଲା ଜାଲ, ସେଥିରେ ପଡିଗଲା କଲରାପତରିଆ ବାଘ। ଏହା ପରେ ବାଘ ମାଂସକୁ ଖାଇଥିଲେ ମଣିଷ। ବାଘ ଖାଇଥିବା ସନ୍ଦେହରେ ୨ ଜଣଙ୍କୁ ବନବିଭାଗ ଗିରଫ କରିଛି। କୋମନା ରେଞ୍ଜ ଦେଓଦର୍ହା ଗାଁର ଘଟଣା।
ଦେଓଦର୍ହା ଗାଁରେ ବାରହା ପାଇଁ ବିଛାଯାଇଥିବା ଜାଲରେ ଏକ କଲରାପତରିଆ ବାଘ ପଡିଥିଲା। ଏହି ବାଘକୁ ମାରି ତାର ମାଂସ ଖାଇଥିଲେ।ଖବର ପାଇ ନୂଆପଡା ବନ ବିଭାଗ ପକ୍ଷରୁ ଚାରିଟି ଟିମ ଗଠନ କରିବା ସହ ସୁନାବେଡା ଅଭୟାରଣ୍ୟର ପାଦ ଦେଶରେ ଥିବା ଦେଓଦର୍ହା ଗାଁରେ ଚଢ଼ାଉ କରିଥିଲେ। ବାଘର ମୁଣ୍ଡ ସହ ଖଣ୍ଡ ବିଖଣ୍ଡିତ ମୃତଦେହ ଉଦ୍ଧାର ହୋଇଥିବା ବେଳେ କିଛି ଅଂଶ ନଥିବା ସୂଚନା ମିଳିଛି। ବାଘକୁ ମାରି ମାଂସ ଖାଇଥିବା ବନବିଭାଗ ପକ୍ଷରୁ ଅନୁମାନ କରାଯାଉଛି। ଏ ବାବଦରେ ଦୁଇ ଜଣକୁ ଗିରଫ କରିଛି କୋମନା ବନ ବିଭାଗ।
