ଭୁବନେଶ୍ବର, ୨୪/୭ : ୩୦ଟି ବ୍ଲକ ହେର୍ଡ଼କ୍ୱାଟରରେ ୫୦ମିଲିମିଟର ଅଧିକ ବର୍ଷା ହୋଇଛି । ତାର ରେକର୍ଡ କରାଯାଇଛି । ନବରଙ୍ଗପୁର, ଅନୁଗୁଳ, ଦେବଗଡ଼, କଟକ, କନ୍ଧମାଳ, ଗଞ୍ଜାମ, ସମ୍ବଲପୁର, ସୁନ୍ଦରଗଡ଼, ଢେଙ୍କାନାଳ, ନୂଆପଡା, ଗଜପତି, ବରଗଡ଼, ରାୟଗଡା ଓ ବଲାଙ୍ଗୀରରେ ବର୍ଷା ହୋଇଛି । ଝରିଗାଓଁରେ ୧୩୧ମିମି ବର୍ଷା ହୋଇଛି । ଅନ୍ୟ ସ୍ଥାନରେ ବିକ୍ଷିପ୍ତ ବର୍ଷା ହୋଇଛି। ଉପର ବ୍ରାହ୍ମଣୀ ବେସିନରେ ୪୦ମିମି, ଉପର ମହାନଦୀ ୩୫ମିମି, ଋଷିକୂଲ୍ୟା ୩୧ମିମି ଓ ଇନ୍ଦ୍ରାବତୀ ବେସିନିରେ ୩୦ମିମି ବର୍ଷା ହୋଇଛି ।
ଏହି ବର୍ଷା ଦ୍ୱାରା ବିଭିନ୍ନ ନଦୀରେ ଜଳସ୍ତର ବୃଦ୍ଧି ପାଇବାରେ ସମ୍ଭାବନା ଅଛି । ବର୍ତ୍ତମାନ କୌଣସି ସ୍ଥାନରେ ବନ୍ୟା ପରିସ୍ଥିତି ନାହିଁ । ସବୁ ଜାଗାରେ ବିପଦ ସଂକୁଳର ଯଥେଷ୍ଟ ତଳେ ରହିଛି । ଗତକାଲିର ବର୍ଷାକୁ ନେଇ ସମୀକ୍ଷା କରାଯାଇଛି । ବ୍ରାହ୍ମଣୀ ନଦୀରେ ରେଙ୍ଗାଲୀ ଡ୍ୟାମ୍ ଥିବାବେଳେ ଉପର ମହାନଦୀରେ ହୀରାକୁଦ ଡ୍ୟାମ୍ ରହିଛି । ଯାହା ପାଣି ଆସିବ ଗେଟ୍ ଅପରେସନ କରାଯିବ। ପାଣିପାଗ ବିଭାଗର ପୂର୍ବାନୁମାନ ଅନୁସାରେ ଯଦି ବନ୍ୟା ହୁଏ, ସେହି ଅନୁସାରେ ଗେଟ ଖୋଲାଯିବ। ବ୍ରାହ୍ମଣୀ ଓ ହୀରାକୁଦ ଡ୍ୟାମର ଗେଟ୍ ଖୋଲା ଅଛି । ସତର୍କତା ଦୃଷ୍ଟିରୁ ଜଳସେଚନ ବିଭାଗ ଅଛି । ଲଘୁଚାପ ବର୍ଷା ପାଇଁ ଜଳସେଚନ ବିଭାଗ ନଜର ରଖିଛି । ଅନ୍ୟ ବିଭାଗ ସହ ଯୋଗାଯୋଗରେ ଅଛି ବୋଲି ଜଳ ସେଚନର ସର୍ବୋଚ୍ଚ ଯନ୍ତ୍ରୀ ଚନ୍ଦ୍ରଶେଖର ପାଢ଼ୀ କହିଛନ୍ତି।
