ମସ୍କୋ : ରୁଷୀୟ ରାଷ୍ଟ୍ରପତି କାର୍ଯ୍ୟାଳୟ କ୍ରେମଲିନ୍ ସୋମବାର ସେହି ରିପୋର୍ଟ ଗୁଡ଼ିକୁ ଖଣ୍ଡନ କରିଛି, ଯେଉଁଥିରେ ଦାବି କରାଯାଉ ଥିଲା ଯେ , ଆମେରିକାର ନବନିର୍ବାଚିତ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ନିକଟରେ ରୁଷୀୟ ରାଷ୍ଟ୍ରପତି ଭ୍ଲାଦିମୀର ପୁଟିନଙ୍କ ସହ କଥାବାର୍ତ୍ତା ହୋଇଛନ୍ତି। ୱାଶିଂଟନ ପୋଷ୍ଟ ଓ ରୟଟର୍ସ ଉଭୟ ଅଜ୍ଞାତ ସୂତ୍ରାନୁସାରେ କହି ଥିଲେ ଯେ, ଗୋଟିଏ ଫୋନ୍ କଲ୍ରେ ଟ୍ରମ୍ପ କଥିତ ଭାବେ ପୁଟିନଙ୍କୁ ୟୁକ୍ରେନ ଯୁଦ୍ଧକୁ ଆଗକୁ ନବଢାଇବାକୁ ଅନୁରୋଧ କରିଥିଲେ।
କ୍ରେମଲିନ୍ ପ୍ରବକ୍ତା ଦିମିତ୍ରୀ ପେସକୋଭ୍ ରିପୋର୍ଟ ଗୁଡ଼ିକର ଖଣ୍ଡନ କରିବା ସହ ଏହା ସଂପୂର୍ଣ୍ଣ ରୂପେ ମିଥ୍ୟା ଓ କାଳ୍ପନିକର ଆଖ୍ୟା ଦେଇଥିଲେ ଏବଂ ସ୍ପଷ୍ଟ କରିଥିଲେ ଯେ, କୌଣସି କଥାବାର୍ତ୍ତା ହୋଇ ନଥିଲା। ପେସକୋଭ୍ ମିଡ଼ଆ ଆଉଟଲେଟ୍ସ ସୂଚନାର ଆଲୋଚନା କରି କହିଛନ୍ତି କି, ପ୍ରତିଷ୍ଠିତ ପ୍ରତିଷ୍ଠାନ ମଧ୍ୟ କେବେ କେବେ ଅନଭେରିଫାଏଡ୍ ରିପୋର୍ଟ ସବୁ ପ୍ରକାଶିତ କରିଥାଏ।
ପୁଟିନ ଓ ଟ୍ରମ୍ପଙ୍କ ମଧ୍ୟରେ ଭବିଷ୍ୟତରେ କୌଣସି ପ୍ରକାରର ସଂପର୍କର କୌଣସି ଯୋଜନା ଅଛି କି ପ୍ରଶ୍ନରେ , ପେସକୋଭ କହିଛନ୍ତି ଯେ, ଏବେସୁଦ୍ଧା କୌଣସି ସଠିକ୍ ପ୍ଲାନ ନାହିଁ। ୟୁକ୍ରେନ୍ରେ ୨ବର୍ଷରୁ ଜାରି ରହିଥିବା ଯୁଦ୍ଧ ଏବେ ଏକ ପ୍ରମୁଖ ପର୍ଯ୍ୟାୟରେ ପହଞ୍ଚି ସାରିଛି। ରୁଷୀୟ ସେନାଙ୍କୁ ଲଗାତାର ସଫଳତା ମିଳୁଛି କି, ଯିଏ ପଶ୍ଚିମୀ ଦେଶ ଗୁଡ଼ିକୁ ସଂଘର୍ଷ ସମାପ୍ତ କରିବାର ତରିକା ଉପରେ କଥା ହେବା ପାଇଁ ବାଧ୍ୟ କରି ଦେଇଛନ୍ତି।
ଉଲ୍ଲେଖନୀୟ ଯେ, ନିର୍ବାଚନ ପ୍ରଚାର ବେଳେ , ଟ୍ରମ୍ପ ଦାବି କରିଥିଲେ କି, ଯଦି ସେ ବିଜୟୀ ହୁଅନ୍ତି ତ ସେ ୨୪ ଘଣ୍ଟା ଭିତରେ ୟୁକ୍ରେନ୍ରେ ଶାନ୍ତି ଆଣି ପାରିବେ। ହେଲେ ସେ ଏହା କହି ନଥିଲେ କି, ଏଥିପାଇଁ ସେ କଣ କରିବାକୁ ଯାଉଛନ୍ତି। ଗୁରୁବାର ରାଷ୍ଟ୍ରପତି ପୁଟିନ ସାର୍ବଜନିକ ଭାବେ ଟ୍ରମ୍ପଙ୍କୁ ତାଙ୍କର ବିଜୟରେ ଶୁଭେଚ୍ଛା ଦେଇଛନ୍ତି ଏବଂ ପେନସିଲଭେନିଆରେ ହତ୍ୟାକାଣ୍ଡର ପ୍ରୟାସ ସତ୍ତ୍ୱେ ମୈଦାନରେ ତିଷ୍ଠି ରହିବାରେ ତାଙ୍କୁ ବାହାଦୂର ମଧ୍ୟ କହିଛନ୍ତି।
ପୁଟିନ କହିଥିଲେ, ମୁଁ ଭାବିନି କି ଟ୍ରମ୍ପଙ୍କ ସହ କଥାବାର୍ତ୍ତା କରିବା ଭୁଲ୍। ଯଦି ବିଶ୍ୱର କିଛି ନେତା ସଂପର୍କ ରଖିବାକୁ ଚାହୁଁଛନ୍ତି ତ ମୁଁ ଏହାର ବିରୋଧରେ ନାହିଁ। ଆମେ ଟ୍ରମ୍ପଙ୍କ ସହ କଥାବାର୍ତ୍ତା ହେବାକୁ ପ୍ରସ୍ତୁତ।
କହି ରଖୁଛୁ କି, ରୁଷ୍ ନିକଟରେ ୟୁକ୍ରେନର ସାହାଯ୍ୟ ଓ ରୁଷୀୟ କ୍ଷେତ୍ରରେ ହମଲା ପାଇଁ ଆମେରିକା ଓ ଏହାର ସହଯୋଗୀଙ୍କୁ ଚେତାବନୀ ଦେଇ ଥିଲା। ଏହା ପୂର୍ବରୁ ପୁଟିନ କହିଥିଲେ କି, ହମଲାରେ ନାଟୋର ସଦସ୍ୟତାର ଅର୍ଥ ହେବ ୟୁକ୍ରେନ ଯୁଦ୍ଧରେ ନାଟୋ ଦେଶ ଗୁଡ଼ିକ, ଆମେରିକା ଓ ୟୁରୋପୀୟ ଦେଶ ଗୁଡ଼ିକର ସିଧା ସଂପର୍କ ।
