ନୂଆଦିଲ୍ଲୀ,୧୯।୭: ଟୁଭାଲୁ ପ୍ରଶାନ୍ତ ମହାସାଗରରେ ଅବସ୍ଥିତ ଏକ ଛୋଟ ଦ୍ୱୀପ ରାଷ୍ଟ୍ର। ଏହା ଏବେ ଜଳବାୟୁ ପରିବର୍ତ୍ତନର ଭୟଙ୍କର ସ୍ଥିତିର ସମ୍ମୁଖୀନ ହୋଇଛି। ଏହାର ସମଗ୍ର ଜନସଂଖ୍ୟା ବୁଡ଼ିଯିବାର ଆଶଙ୍କାର ରହିଛି। ଏବେ ବିଶ୍ୱର ପ୍ରଥମ ଯୋଜନାବଦ୍ଧ ଜାତୀୟ ପ୍ରବାସ ଆରମ୍ଭ ହେଉଛି। ଜୁନ୍ ୧୬ ତାରିଖରେ ଆରମ୍ଭ ହୋଇଥିବା ଭିସା ଆବେଦନରେ, ୫,୧୫୭ ଜଣ (ପ୍ରାୟ ଜନସଂଖ୍ୟାର ଅଧା) ଅଷ୍ଟ୍ରେଲିଆରେ ଶରଣ ପାଇଁ ପଞ୍ଜୀକରଣ କରିଛନ୍ତି।
୧୮ ଜୁଲାଇରେ ଆବେଦନ ବନ୍ଦ ହୋଇଗଲା। ପ୍ରତିବର୍ଷ ୨୮୦ ଜଣ ଟୁଭାଲୁଆନ୍ ଅଷ୍ଟ୍ରେଲିଆକୁ ଯାଇପାରିବେ। ଜଳବାୟୁ ପରିବର୍ତ୍ତନର ଭୟଙ୍କର ପ୍ରଭାବ ଯୋଗୁଁ ଏସବୁ ଘଟୁଛି। ଟୁଭାଲୁ ଯାହାକି ଅଷ୍ଟ୍ରେଲିଆ ଓ ହଓ୍ବାଇ ମଧ୍ୟରେ ଅବସ୍ଥିତ। ଟୁଭାଲୁ ଦକ୍ଷିଣ ମହାସାଗରର ଏକ ଦେଶ ଯାହା ଅଷ୍ଟ୍ରେଲିଆ ଓ ହାୱାଇ ମଧ୍ୟରେ ଅବସ୍ଥିତ । ଏହା ବିଶ୍ୱର ଚତୁର୍ଥ କ୍ଷୁଦ୍ର ଦେଶ ଭାବରେ ବେଶ ଜଣା । ଏହା ୯ଟି ଦ୍ୱୀପପୁଞ୍ଜରେ ଗଠିତ ଦେଶର ଏକ ସଦସ୍ୟ । ଉଚ୍ଚତା ମାତ୍ର ୬ ଫୁଟ। ସବୁଠାରୁ ଉଚ୍ଚ ପଏଣ୍ଟ ମଧ୍ୟ ମାତ୍ର ୧୫ ଫୁଟ।
ଗତ ୩୦ ବର୍ଷରେ ସମୁଦ୍ରର ସ୍ତର ୬ ଇଞ୍ଚ(୧୫ ସେଣ୍ଟିମିଟର) ବଢିସାରିଛି। ବୈଜ୍ଞାନିକଙ୍କ ମତରେ ୨୦୫୦ ପର୍ଯ୍ୟନ୍ତ ଟୁଭାଲୁର ଅଧା ଜନସଂଖ୍ୟା ପାଣିରେ ବୁଡିଯିବ। ୨୧୦୦ ପର୍ଯ୍ୟନ୍ତ ୯୦%ରୁ ଅଧିକ ସ୍ଥଳଭାଗ ଗାଏବ ହୋଇଯିବ। ଏହାସହ ଝଡ,ବାତ୍ୟା ଓ ବନ୍ୟାରେ ଟୁଭାଲୁକୁ ନଷ୍ଟ କରୁଛି। ସମୁଦ୍ରର ପାଣି ପଶି ଆସୁଥିବାରୁ ପିଇବା ପାଣି ଏବଂ ଫସଲ ପାଇଁ ପାଣି ମିଳୁନି।
