କୋଲକାତା,୨୫।୧୧: ମହାରାଷ୍ଟ୍ର ବିଧାନସଭା ନିର୍ବାଚନରେ କଂଗ୍ରେସର ସ୍ଥିତି ଖୁବ୍ ଖରାପ ହେବାପରେ ଏହାର ନେତୃତ୍ବ ଉପରେ ପ୍ରଶ୍ନ ଉଠିଛି। ଟିଏମ୍ସି ପଶ୍ଚିମବଙ୍ଗରେ ସମସ୍ତ ୬ଟି ବିଧାନସଭା ଆସନରେ ଉପ-ନିର୍ବାଚନ ଜିତିଛି। ଏଥିପାଇଁ ଟିଏମ୍ସିର ନେତା ମଧ୍ୟ ଉତ୍ସାହିତ ଅଛନ୍ତି। ସେଭଳି ମହାରାଷ୍ଟ୍ରରେ କଂଗ୍ରେସର ପରାଜୟକୁ ନେଇ ଇଣ୍ଡିଆ ଆଲାୟନ୍ସର ନେତୃତ୍ବ ପରିବର୍ତ୍ତନର ଦାବି ମଧ୍ୟ ଉଠାଇଛି। ଦଳର ବରିଷ୍ଠ ନେତା ଓ ସାଂସଦ କଲ୍ୟାଣ ବାନାର୍ଜୀ କହିଛନ୍ତି, କଂଗ୍ରେସକୁ ଅହଂକାର ନିଜ ପାଖରେ ରଖିବା ଦରକାର ଓ ମମନା ବାନାର୍ଜୀଙ୍କୁ ଇଣ୍ଡିଆ ବ୍ଲକର ଲିଡର ଘୋଷିତ କରାଯାଉ। ସେ କହିଛନ୍ତି, ମଜବୁତ ଓ ନିର୍ଣ୍ଣାୟକ ନେତୃତ୍ବଙ୍କ ଦରକାର ରହିଛି।
ଟିଏମ୍ସି ସାଂସଦ ଦାବି କହିଛନ୍ତି, ମମତା ବାନାର୍ଜୀଙ୍କ ପାଖରେ ମଜବୁତ ନେତୃତ୍ବ ରହିଛି। ଏହା ସହ ତୃଣମୂଳ ସ୍ତରରେ ତାଙ୍କୁ ବିରୋଧି ମେଣ୍ଟ ପାଇଁ ସବୁଠାରୁ ଆଗରେ ରହିବା ଦରକାର। କଂଗ୍ରେସ ଓ ଅନ୍ୟ ବିରୋଧି ଦଳକୁ ନିକଟରେ ନିର୍ବାଚନରେ ମିଳୁଥିବା ବିଫଳତାକୁ ସ୍ବୀକାର କରିବାକୁ ହେବ। ଏବେ ବ୍ୟକ୍ତିଗତ ମହତ୍ବକାଂକ୍ଷାକୁ ଛାଡି ଏକତାକୁ ପ୍ରାଥମିକତା ଦେବା ଦରକାର। ଟିଏମ୍ସି ସାଂସଦ କଲ୍ୟାଣ ବାନାର୍ଜୀ ମୁଖ୍ୟମନ୍ତ୍ରୀ ମମତାଙ୍କ ବିଜେପି ସହ ଲଢିବାର ଟ୍ରାକ୍ ରେକର୍ଡ ବିଷୟରେ କହିଛନ୍ତି। ସେ ମମତା ବାନାର୍ଜୀଙ୍କୁ ଜଣେ ସଫଳ ନେତ୍ରୀ ବୋଲି କହିଛନ୍ତି। ସେ ନିଜର ନେତୃତ୍ବ ଓ କ୍ଷମତା ଦ୍ବାରା ଏକ ଆଦର୍ଶ ଚେହେରା ତିଆରି କରିଛନ୍ତି।
