ବାରିପଦା,୧୭/୦୧: ଶିମିଳିପାଳକୁ ଶିକାରୀ ମୁକ୍ତ କରିବାର ପ୍ରୟାସ ସତ୍ତେ୍ୱ ଶିମିଳିପାଳ ଅଭୟାରଣ୍ୟରେ ଶିକାରୀଙ୍କ ଉତ୍ପାତରେ ରୋକ ଲାଗୁନାହିଁ । ଶିମିଳିପାଳରେ ଦେଢ଼ ବର୍ଷର କଳା ବାଘ ଶିକାର ପରେ ସରକାର ଆକ୍ସନ ମୋଡ଼କୁ ଆସିଛନ୍ତି ସରକାର । ଏଣିକି ଶିମିଳିପାଳର ଶିକାରୀ ପ୍ରବଣ ଅଂଚଳରେ ପୁଲିସ ପାଟ୍ରୋଲିଂ ଜାରି ରହିବ । ଶୁକ୍ରବାରଠାରୁ ଶିମିଳିପାଳ ଜଗିବେ ପୁଲିସ ଫୋର୍ସ ।
ଶିମିଳିପାଳରେ ପ୍ରାଥମିକ ପର୍ଯ୍ୟାୟରେ ୧ ପ୍ଲାଟୁନ ପୁଲିସ ଫୋର୍ସ ମୁତୟନ ହେବେ । ଜଏଣ୍ଟ ଟାସ୍କଫୋର୍ସ ସହ ମିଶି ପାଟ୍ରୋଲିଂ ସହ ଫ୍ଲାଗମାର୍ଚ୍ଚ କରି ରେଡ୍ କରିବେ ବୋଲି ମୟୂରଭଞ୍ଜ ଏସ୍ପି ବରୁଣ ଗୁଣ୍ଟୁପଲ୍ଲୀ ସୂଚନା ଦେଇଛନ୍ତି । ଏଥିସହ ଶିମିଳିପାଳ ସୁରକ୍ଷା ପାଇଁ ଆଉ ୧୫୦ କ୍ୟାମେରା ଲାଗିବ ବୋଲି ପିସିସିଏଫ୍ ପ୍ରେମ କୁମାର ଝା ସୂଚନା ଦେଇଛନ୍ତି । ଶିମିଳିପାଳକୁ ଶିକାରୀ ମୁକ୍ତ କରିବାକୁ ରାଜ୍ୟ ସରକାର ବଡ଼ ପଦକ୍ଷେପ ନେବାକୁ ଯାଉଛନ୍ତି । ବାରମ୍ବାର ଶିକାରୀଙ୍କ ଅନୁପ୍ରବେଶରୁ ଅଭୟାରଣ୍ୟରେ ବନ୍ୟଜନ୍ତୁଙ୍କ ସୁରକ୍ଷା ବିପନ୍ନ ହେଉଛି । ଏହାକୁ ଦୃଷ୍ଟିରେ ରଖି ଏଭଳି ପଦକ୍ଷେପ ନିଆଯାଇଛି ।
