ଲମତାପୁଟ, ୧୦/୧୧: ଆଲଙ୍ଗପଡା ଘାଟିରେ ଭାରସାମ୍ୟ ହରାଇ ଓଲଟିଲା ବିଦ୍ୟୁତ ପୋଲ ବଝେଇ ଟ୍ରାକ୍ଟର । ଚାଲିଗଲା ହେଲ୍ପରଙ୍କ ଜୀବନ । ମୃତକ ଜୟପୁର ଅଞ୍ଚଳର ଗଙ୍ଗା ମାଳି ବୋଲି ଜଣା ପଡିଛି । କୋରାପୁଟ ଜିଲ୍ଲା ଲମତାପୁଟ ଆଲଙ୍ଗପଡା ଘାଟିରେ ଏଭଳି ଘଟଣା ଘଟିଛି ।
ସୂଚନା ମୁତାବକ, ଟ୍ରାକ୍ଟରଟି ଜୟପୁରରୁ ବିଦ୍ୟୁତ ପୋଲ ନେଇ ଗୁନେଇପଡା ଅଭିମୁଖେ ଯାଉଥିଲା । ଏହି ସମୟରେ ଆଲଙ୍ଗପଡା ଘାଟିରେ ଦୁର୍ଘଟଣା ଘଟିଛି । ଘାଟିରେ ଭାରସାମ୍ୟ ହରାଇ ଟ୍ରାକ୍ଟରଟି ଓଲଟି ପଡ଼ିଥିଲା । ଏହି ଦୁର୍ଘଟଣାରେ ହେଲ୍ପରଙ୍କ ମୃତ୍ୟୁ ହୋଇଥିବା ବେଳେ ଡ୍ରାଇଭର ଅଳ୍ପକେ ବର୍ତ୍ତିଗଲେ । ଏହା ଦେଖି ସ୍ଥାନୀୟଲୋକେ ତୁରନ୍ତ ପୋଲିସକୁ ଖବର ଦେଇଥିଲେ । ଖବରପାଇ ଘଟଣାସ୍ଥଳରେ ଲମତାପୁଟ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।
