ପ୍ରମୂଖ ଖବର
  • ପୁରୀ : ଦୀଘା ମନ୍ଦିର ପ୍ରତିଷ୍ଠାର ମୁଖ୍ୟ କାରଣ ଅର୍ଥ ପ୍ରଲୋଭନ: ଜଗତଗୁରୁ ଶଙ୍କରାଚାର୍ଯ୍ୟ
  • ||
  • Operation Sindoor: ଅର୍ଦ୍ଧ ସାମରିକ ବାହିନୀର ଛୁଟି ରଦ୍ଦ, ଆଲର୍ଟରେ ଗୃହ ମନ୍ତ୍ରାଳୟ
  • ||
  • ଭୁବନେଶ୍ୱର : ଯୁଦ୍ଧ ଛାନିଆରେ ପରିବା ଦୋକାନରେ ଖଚାଖଚ୍ ଭିଡ଼, ଅତ୍ୟାବଶ୍ୟକ ସାମଗ୍ରୀ କିଣି ନେଉଛନ୍ତି ଲୋକେ
  • ||
  • Operation Sindoor: ପାକିସ୍ତାନ ଛାତିରେ ଏୟାରଷ୍ଟ୍ରାଇକ୍, ଦେଖନ୍ତୁ ୯ ଆତଙ୍କୀ ଆଡ୍ଡାର ଲିଷ୍ଟ
  • ||
  • Operation Sindoor: ଭାରତୀୟ ସେନାର ତିନି ମୁଖ୍ୟଙ୍କ ସହ କଥା ହେଲେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ, ଆଜି ଦିନ ୧୦ଟାରେ ହେବ ପ୍ରେସ କନଫରେନ୍ସ
  • ||
  • ଆଇସିଏଆର୍‌ରେ ପିଜି ଏବଂ ପିଏଚ୍‌ଡି ନାମଲେଖା ପ୍ରକ୍ରିୟା ଆରମ୍ଭ, ଜୁନ୍‌ ୫ ଯାଏ ଆବେଦନ
  • ||
  • ସମ୍ଭାବ୍ୟ ଯୁଦ୍ଧ ପରିସ୍ଥିତିର ମୁକାବିଲା ପାଇଁ BMC ପକ୍ଷରୁ ୨୪ ଘଣ୍ଟିଆ କଣ୍ଟ୍ରୋଲ ରୁମ୍‌, ତଦାରଖ କଲେ ଖୋର୍ଦ୍ଧା ଜିଲ୍ଲାପାଳ
  • ||
  • ବୌଦ୍ଧ : ନଦୀକୁ ଶୌଚ ହେବାକୁ ଯାଇ ନିଖୋଜ ହୋଇଥିଲେ ଯୁବକ, ଉଦ୍ଧାର ହେଲା ମୃତଦେହ
  • ||

ପରିବେଶ ସୁରକ୍ଷା ପାଇଁ ପଦକ୍ଷେପ ନେଉଛନ୍ତି ରାଜ୍ୟପାଳ, ସେପଟେ ନଷ୍ଟ ହେଉଛି ରାଜଭବନର ସବୁଜିମା

Published By : Prameya | May 7, 2025 8:53 AM

ଭୁବନେଶ୍ୱର, ୦୭/୦୫ : ରାଜଭବନ ପରିସରରୁ ଚାଲିଛି ଗଛ କଟା । ଗୋପବନ୍ଧୁ ଛକ ପଟ ପାଚେରି କଡ଼ରୁ ଅନେକ ଗଛ କଟା ଚାଲିଛି । ଛୋଟ, ବଡ଼ ଗଛ ସବୁକିଛି ବଳି ପଡ଼ୁଛି । କଟର୍‌ ଦ୍ୱାରା ଗଛକୁ ଛୋଟ ଛୋଟ ଖଣ୍ଡ କରି ବୁହାଚାଲିଛି । ଏସ୍କାଭେଟର ଗଛର ଚେର ମୂଳକୁ ତାଡ଼ି ଦେଉଛି । ଗତ କିଛିଦିନ ଧରି ରାଜଭବନର ହରିଣ ପାର୍କକୁ ନିକଟରୁ ଏଭଳି ବେଧଡ଼କ ଗଛ କଟା ଚାଲିଛି । ପାଚେରିକୁ ଲାଗି ଯେଉଁଠି ଘଞ୍ଚ ଜଙ୍ଗଲ ଥିଲା ତାହା ଏବେ ଫାଙ୍କା ପାଲଟିଗଲାଣି । 

ନିକଟରେ ରାଜଭବନକୁ ସୌର ଶକ୍ତିରେ ଚଲାଇବାକୁ ଯୋଜନା ହୋଇଛି । ପରିବେଶ ଚିନ୍ତାରେ ବିଦ୍ୟୁତ୍‌ ଶକ୍ତି ବଦଳରେ ଅକ୍ଷୟ ଶକ୍ତି ଉପଯୋଗ ପାଇଁ ପଦକ୍ଷେପ ନିଆଯାଉଛି । ପେଟ୍ରୋଲ ବା ଡିଜେଲ ଗାଡ଼ି ବଦଳରେ ଇଭି ଗାଡ଼ି କିଣାଯାଇଛି । ଗୋଟେ ପଟେ ପରିବେଶ ସୁରକ୍ଷା ପାଇଁ ରାଜ୍ୟପାଳ ଏଭଳି ପଦକ୍ଷେପ ନେଇଛନ୍ତି । କିନ୍ତୁ ସେପଟେ ରାଜଭବନ କର୍ମଚାରୀଙ୍କ ଦ୍ୱାରା ଗଛ କଟାକୁ ନେଇ ଉଦ୍‌ବେଗ ପ୍ରକାଶ ପାଇଲାଣି । କେଉଁ କାରଣ ପାଇଁ ସବୁଜିମା ନଷ୍ଟ ହେଉଛି ଓ ଏଥିପାଇଁ ରାଜ୍ୟପାଳଙ୍କ ଅନୁମତି ନିଆଯାଇଛି କି ନା ତାହା ସ୍ପଷ୍ଟ କରାଯାଉ ବୋଲି ପରିବେଶବିତ୍‌ମାନେ ପ୍ରଶ୍ନ କରିଛନ୍ତି । 

ରାଜଭବନର ଉଦ୍ୟାନ ଦାୟିତ୍ୱରେ ଥିବା ଅଧିକାରୀ କହିଛନ୍ତି, ରାଜଭବନ ଭିତରେ ଥିବା ହରିଣ ପାର୍କ ବାହାରେ ଆଉ ଏକ ପାଚେରି ହେବ । ରାଜଭବନ ଛକରୁ ଗୋପବନ୍ଧୁ ଛକ ଆଡ଼କୁ ଯାଇଥିବା ପାଚେରିକୁ ବି ଆଉ ଥରେ ତିଆରି ହେବ । ଏହାକୁ ଉଚ୍ଚା କରାଯିବ । କୌଣସି ନୂଆ ଗଛ କଟାଯାଇନି । କେବଳ ଶୁଖିଯାଇଥିବା ବଣବୁଦା ସଫା କରାଯାଇଛି ବୋଲି କହିଛନ୍ତି । ଯଦି ଗଛ କଟାଯାଇନି ତେବେ ସେଠାରେ ବଡ଼ ବଡ଼ ଗଣ୍ଡି କୁଆଡୁ ଆସିଲା? ନୂଆ ପାଚେରି ପାଇଁ କାହିଁକି ଗଛ କାଟିବା ଆବଶ୍ୟକ ପଡ଼ିଲା? ଏଭଳି ପ୍ରଶ୍ନର ସେ ଉତ୍ତର ଦେଇ ପାରିନାହାନ୍ତି ।

ଏହି ଖବରଟିକୁ ପଢନ୍ତୁ-ସାଇରନ୍‌ ବାଜିଲେ, ପଦାକୁ ବାହାରିବେନି

Prameya Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.