ନୂଆଦିଲ୍ଲୀ- ଗ୍ଲୋବାଲ ମାର୍କେଟ୍ରେ ଖୁବ୍ ଅସ୍ଥିରତା ମଧ୍ୟରେ ଆମେରିକୀୟ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ସୋସିଆଲ ମିଡ଼ିଆରେ ଏକ ନୂଆ ପୋଷ୍ଟ କରିଛନ୍ତି। ସୋସିଆଲ ମିଡ଼ିଆରେ ସେ ଏହି ପୋଷ୍ଟ ନ୍ୟୁୟର୍କରେ ସକାଳ ୯.୩୫ ସମୟରେ କରି ଥିଲେ। ନିଜ ପୋଷ୍ଟରେ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଲେଖିଥିଲେ, ଷ୍ଟକ୍ ବଜାରରେ କିଣିବା ପାଇଁ ଏହା ଉତ୍ତମ ସମୟ।
କହି ରଖୁଛି କି, ଟ୍ରମ୍ପଙ୍କ ଟାରିଫ୍ର ଘୋଷଣାରେ ସାରା ବିଶ୍ୱର ବଜାରରେ ହଇଚଇ ସୃଷ୍ଟି କରିଛି ଏବଂ ଆମେରିକୀୟ ମାର୍କେଟ୍ ଗତ ୪ଦିନରେ ୬ଟ୍ରିଲିୟନ ଡଲାରରୁ ଅଧିକ ଖସି ଯାଇଛି। ଏଥିରେ ଏସଆଣ୍ଡପି ୫୦୦କୁ ଖୁବ୍ କ୍ଷତି ସହିବାକୁ ପଡ଼ିଛି। ଖାଲି ଏତିକି ନୁହେଁ , ଟ୍ରମ୍ପ ଟାରିଫ୍ରେ ଭାରତୀୟ ଷ୍ଟକ୍ ବଜାରରେ ସେୟାର ମଧ୍ୟ ଗତ ସୋମବାର ପାଖାପାଖି ୪୦୦୦ ପଏଣ୍ଟ ପର୍ଯ୍ୟନ୍ତ ଖସି ଯାଇଥିଲା।
୯୦ ଦିନ ପାଇଁ ସ୍ଥଗିତ କରାଯାଇଛି ପ୍ଲାନ୍-
କହି ରଖୁଛୁ କି, ବୈଶ୍ୱିକ ବଜାରରେ ମାନ୍ଦାସ୍ଥିତିର ଆଶଙ୍କା ମଧ୍ୟରେ ବୁଧବାର ଆମେରିକୀୟ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଅଧିକାଂଶ ଦେଶରେ ଲଗାଯାଇ ଥିବା ଶୁଳ୍କକୁ ହଠାତ୍ ୯୦ ଦିନ ପାଇଁ ସ୍ଥଗିତ ରଖିବାକୁ ନିଷ୍ପତ୍ତି ନେଇଛନ୍ତି, ହେଲେ ସେ ଚୀନ୍ରୁ ଆମଦାନୀ ଉପରେ ଶୁଳ୍କର ଦରକୁ ବଢାଇ ୧୨୫ ପ୍ରତିଶତ କରି ଦେଇଛନ୍ତି। ଏହି ଖବର ପରେ କିଛି ମିନିଟ୍ରେ ସେୟାର ବଜାରରେ ବୃଦ୍ଧି ଆସିଥିଲା। ଏସଆଣ୍ଡପି ୫୦୦ରେ ୭ ପ୍ରତିଶତରୁ ଅଧିକ ବୃଦ୍ଧି ହୋଇଛି, ଏଥିରେ ୩ ଟ୍ରିଲିୟନ ଡଲାରର ଲାଭ ହୋଇଛି। ଏହାର ପ୍ରଭାବ ଭାରତୀୟ ଷ୍ଟକ୍ ବଜାର ଉପରେ ମଧ୍ୟ ପଡ଼ିଛି ଏବଂ ସେନସେକ୍ସ-ନିଫ୍ଟିରେ କିଛି ରିକଭରି ଦେଖା ଯାଇଛି। ଏହା ସତ୍ତ୍ୱେ ଭାରତ ସମେତ ସାରା ବିଶ୍ୱର ନିବେଶକଙ୍କ ମଧ୍ୟରେ ଷ୍ଟକ୍ ବଜାରକୁ ନେଇ ଏକ ଭୟର ମାହୋଲ ଘେରି ରହିଛି।
ଜିଦିରେ ଅଟଳ ଥିଲେ ଟ୍ରମ୍ପ –
କହି ରଖୁଛି କି, ଗତ ସପ୍ତାହରେ ଟ୍ରମ୍ପ ପୋଷ୍ଟ କରିଥିଲେ,ମୋ ପଲିସି (ନୀତି) ଗୁଡ଼ିକ କେବେ ବଦଳିବ ନାହିଁ। ସୋମବାର ଓ ମଙ୍ଗଳବାର ଯେତେବେଳେ ଏସଆଣ୍ଡପି ୫୦୦ରେ ହ୍ରାସ ଘଟିଛି, ତ ଟ୍ରମ୍ପ ପୁଣି ଥରେ କହିଛନ୍ତି, ସେ ବଜାର ଉପରେ ନଜର ରଖି ନାହାନ୍ତି, ଅର୍ଥ ବ୍ୟବସ୍ଥାକୁ ଦୃଢ କରିବାକୁ ଔଷଧ ନେବା ଆବଶ୍ୟକ। ଟ୍ରେଜରୀ ସେକ୍ରେଟାରୀ ସ୍କଟ୍ ବେସେଣ୍ଟ ଜୋର ଦେଇ କହିଛନ୍ତି ଯେ, ୱାଲ୍ ଷ୍ଟ୍ରିଟ୍ରେ ଧ୍ୟାନ ଦିଆ ଯାଉ ନାହିଁ। ସେ କହିଛନ୍ତି ଯେ, ଏବେ ମେନ୍ ଷ୍ଟ୍ରିଟ୍ର ପାଳି।
