ନୂଆଦିଲ୍ଲୀ,୧୯/୦୧: ଏତେ ଦିନ ଅପେକ୍ଷାର ହେଲା ଅନ୍ତ । ଆମେରିକାର ୪୭ ତମ ରାଷ୍ଟ୍ରପତି ଭାବରେ ଶପଥ ନେବେ ଡୋନାଲ୍ଡ ଟ୍ରମ୍ପ । ଏଥିଲାଗି ପ୍ରସ୍ତୁତି ବି ସରିଥିବା ବେଳେ ବିଭିନ୍ନ ରାଷ୍ଟ୍ରର ମୁଖ୍ୟଙ୍କୁ ନିମନ୍ତ୍ରଣ ହୋଇଛି। ତେବେ ନିମନ୍ତ୍ରଣରେ ଚୀନ ବି ରହିଛି। ଏହାପରେ ବି ଜୀନପିଙ୍ଗଙ୍କୁ ନିମନ୍ତ୍ରଣ ମିଳିଛି । ତେବେ ଜୀନପିଙ୍ଗ ଆମେରିକା ଗସ୍ତ କରିବା ନେଇ କୌଣସି ସମ୍ଭାବନା ନ ଥିବା ବେଳେ ବରଂ ଚୀନ ପକ୍ଷରୁ ଉପରାଷ୍ଟ୍ରପତି ଆମେରିକା ଗସ୍ତର ସୂଚନା ରହିଛି । କିନ୍ତୁ ଶପଥ ସମାରୋହ ପରେ ଟ୍ରମ୍ପ ଚୀନ ଗସ୍ତରେ ଯିବାକୁ ଚାହୁଁଥିବା ନେଇ ସେ ନିଜର ସହଯୋଗୀଙ୍କୁ କହିଛନ୍ତି।
ତେବେ ପୂର୍ବରୁ ଆମେରିକାର ରାଷ୍ଟ୍ରପତି ଟ୍ରମ୍ପ ଥିବା ବେଳେ ଚୀନ ଉପରେ ବ୍ୟବସାୟିତ ଶୁଳ୍କ ବୃଦ୍ଧି କରିଥିଲେ । ଏଥିସହ ଚୀନ ଲାଗି ପୁରା ବିଶ୍ବରେ କରୋନା ବ୍ୟାପିଥିବା ଅଭିଯୋଗ କରିଥିଲେ ଟ୍ରମ୍ପ । ଯାହାକୁ ନେଇ ଉଭୟ ଦେଶର ସମ୍ପର୍କରେ ତିକ୍ତତା ଆସିଥିଲା । ହେଲେ ଟ୍ରମ୍ପ ଏବେ ଚୀନ ପ୍ରତି ସମ୍ପର୍କ ଭଲ କରିବାକୁ ଚାହୁଁଥିବାରୁ ଜୋର ଧରିଛି ଚର୍ଚ୍ଚା ।ଅନ୍ତର୍ଜାତୀୟ ଗଣମାଧ୍ୟମ ରିପୋର୍ଟ ଅନୁଯାୟୀରେ, ଜିନପିଙ୍ଗ ସହ ଟ୍ରମ୍ପ ଫୋନ୍ରେ କଥା ହୋଇଛନ୍ତି । ଏବଂ ଟ୍ରମ୍ପଙ୍କ ନିମନ୍ତ୍ରଣକୁ ସ୍ବୀକାର କରିଛନ୍ତି ଜିନପିଙ୍ଗ । କୌଣସି ରାଷ୍ଟ୍ରୀୟ ନେତା ଆମେରିକା ରାଷ୍ଟ୍ରପତିଙ୍କ ଶପଥ ସମାରୋହକୁ ଗସ୍ତ କରିବା ନେଇ ଜଣାପଡ଼ିଛି ।
ଆମେରିକାର ରାଷ୍ଟ୍ରପତି ହେବା ପରେ ଟ୍ରମ୍ପ ଭାରତ ସହ ସମ୍ପର୍କ ନିବିଡ କରିଥିଲେ । ମୋଦିଙ୍କ ଆମେରିକା ଗସ୍ତ ବେଳେ ଟ୍ରମ୍ପ ସରକାର ତାଙ୍କୁ ଜୋରଦାର ସ୍ବାଗତ କରିଥିଲେ । ଖାଲି ଏତିକି ନୁହେଁ ହାଉଡି ମୋଦି କାର୍ଯ୍ୟକ୍ରମରେ ଯୋଗ ଦେବା ସହିତ ଭାରତ ଗସ୍ତରେ ଆସିଥିଲେ ଟ୍ରମ୍ପ । ଏହାପରେ ଦ୍ବିତୀୟ ଥର ରାଷ୍ଟ୍ରପତି ପଦ ଲାଗି ନିର୍ବାଚନ ଲଢିବା ପୂର୍ବରୁ ମୋଦିଙ୍କ ସମ୍ପର୍କରେ ସେ କହିଥିଲେ, ମୋଦି ମୋର ଜଣେ ଭଲବନ୍ଧୁ । ତାଙ୍କର ଚିନ୍ତାଧାରା ଅଭୂତପୂର୍ବ । ତାଙ୍କ ଭାଷଣ ଶୁଣିବାକୁ ଯେଉଁପରି ଭାବରେ ଲୋକ ହେଉଛନ୍ତି ବୋଧହୁଏ ମୋ ରାଜନୈତିକ କାର୍ଯ୍ୟକ୍ରମରେ ଏତେ ସଂଖ୍ୟାରେ ଜନସମାଗନ ହେବ ନାହିଁ । ଭାରତ ସହ ତାଙ୍କର ସମ୍ପର୍କ କେମିତି । ତେଣୁ ରାଷ୍ଟ୍ରପତି ହେବା ପରେ ଭାରତ ଆସୁଥିବା କଥା କିଛି ଆଶ୍ଚର୍ଯ୍ୟ ନୁହେଁ ।
