ଚନ୍ଦନେଶ୍ଵର,୩୦/୦୫: ଲଘୁଚାପ ପ୍ରଭାବରେ ଅଶାନ୍ତ ରହିଛି ସମୁଦ୍ର । ସୁ ସୁ ଗର୍ଜନ କରୁଛି ମାଡିଆସୁଛି ସମୁଦ୍ର ପାଣି । ଏଥିପାଇଁ ମତ୍ସଜୀବୀଙ୍କୁ ସମୁଦ୍ରକୁ ନ ଯିବାକୁ ନିର୍ଦ୍ଦେଶ ଦେଇଥିଲେ ପାଣିପାଗ ବିଭାଗ ଓ ମତ୍ସ୍ୟ ବିଭାଗ । ୩୧ ତାରିଖ ପର୍ଯ୍ୟନ୍ତ ସମୁଦ୍ରକୁ ନଯିବା ପାଇଁ ନିର୍ଦ୍ଦେଶ ଦେଇଥିଲେ । ମାତ୍ର ସରକାରଙ୍କ ଏହି ନିର୍ଦ୍ଦେଶକୁ ବେଖାତିର କରି କିଛି ମତ୍ସ୍ୟଜୀବୀ ସମୁଦ୍ରରୁ ମାଛ ଧରିବାକୁ ଯାଉଥିଲେ। ନିୟମ ନମାନିବା ସେମାନଙ୍କୁ ମହଙ୍ଗା ପଡିଛି।
ବାଲେଶ୍ୱର ଜିଲ୍ଲା ବାଲିଆପାଳ ବ୍ଲକ ସିଂଲା ଥାନା ସାର୍ଥା ଗାଁର ୨ଟି ମାଛଧରା ବୋଟକୁ ଧରିଛନ୍ତି ତାଳସାରୀ ସାମୁଦ୍ରିକ ଥାନା ପୁଲିସ । ବାପା ଓ ପୁଅଙ୍କ ସହ ୨ଟି ବୋଟରେ ମୋଟ୍ ୧୨ଜଣ ସମୁଦ୍ରରୁ ମାଛ ଧରି ବିକ୍ରି କରିବା ପାଇଁ ତାଳସାରୀ ମତ୍ସ୍ଯ ଅବତରଣ କେନ୍ଦ୍ରକୁ ଆସିଥିଲେ। ସେଠାରୁ ତଟରକ୍ଷୀ ବିଭାଗର ପୁଲିସ ସେମାନଙ୍କୁ ଧରି ଥାନାକୁ ଆଣିଛନ୍ତି । ବୋଟ ମାଲିକ ୨ଜଣ ହେଲେ ବିଭୁତି ମଣ୍ଡଳ ଓ ତାଙ୍କ ପୁଅ ଗୋବିନ୍ଦ ମଣ୍ଡଳ । ସାମୁଦ୍ରିକ ଥାନା ଅଧିକାରିଣୀ ଚମ୍ପାବତୀ ସୋରେନ ପ୍ରକାଶ ଏ ନେଇ ସୂଚନା ଦେଇଛନ୍ତି । ଏନେଇ ତଦନ୍ତ ଜାରି ରହିଛି । ଜୀବନକୁ ପାଣି ଛଡ଼ାଇ କାହିଁକି ମତ୍ସ୍ୟଜୀବୀ ସମୁଦ୍ରକୁ ଯାଇଥିଲେ ସେ ନେଇ ପଚରାଉଚରା ଜାରି ରହିଛି ।
