ନୀଳଗିରି,୨୯/୦୬: ବାଲେଶ୍ଵର ଜିଲ୍ଲା ନୀଳଗିରି ବିଜେଡିକୁ ଲାଗିଲା ଝଟକା। ବିଜେଡି ଛାଡିଲେ ବିଜେପିରେ ସାମିଲ ହେଲେ ଦୁଇ ଜିଲ୍ଲା ପରିଷଦ ସଭ୍ୟ ଓ ଶତାଧିକ ବିଜେଡି କର୍ମୀ । ନୀଳଗିରି ୧୩ ନମ୍ବର ଜୋନ୍ ଜିଲ୍ଲା ପରିଷଦ ସଭ୍ୟ ଗତିକୃଷ୍ଣ ନନ୍ଦ ଓ ୧୧ ନମ୍ବର ଜୋନ୍ ଜିଲ୍ଲା ପରିଷଦ ସଭ୍ୟା ସୁବର୍ଣ୍ଣ ମଞ୍ଜରୀ ସିଂ ବିଜେଡିର ପ୍ରାଥମିକ ସଦସ୍ୟ ପଦରୁ ଇସ୍ତଫା ଦେଇଛନ୍ତି । ସେ ନିଜର ଇସ୍ତଫା ପତ୍ରକୁ ରାଜ୍ୟ ସଭାପତିଙ୍କୁ ପ୍ରଦାନ କରିଥଲେ।
ତେବେ ଦଳରେ ମାନସ ମନ୍ଥନ ଚାଲିଥିବା ବେଳେ ନୀଳଗିରିରେ ଏହି ଦୁଇ ଜିଲ୍ଲାପରିଷଦଙ୍କ ସମେତ ମଛୁଆ ପଞ୍ଚାୟତର ସରପଞ୍ଚ ବାବୁଲା ସିଂ ଓ ୪ଜଣ ୱାର୍ଡ ସଭ୍ୟ,ଶତାଧିକ ବିଜେଡି ନେତା ଓ କର୍ମୀ ଆଜି ବିଜେଡି ଛାଡି ବିଜେପିରେ ଆନୁଷ୍ଠାନିକ ଭାବେ ମିଶିଛନ୍ତି। ଆଜି ନୀଳଗିରିଠାରେ ଆୟୋଜିତ ଏକ ମହା ମିଶ୍ରଣ ପର୍ବରେ କ୍ରୀଡା ଓ ଶିକ୍ଷାମନ୍ତ୍ରୀ ସୂର୍ଯ୍ୟବଂଶୀ ସୁରଜ ମୁଖ୍ୟ ଅତିଥି ଭାବେ ଯୋଗ ଦେଇଥିଲେ। ସ୍ଥାନୀୟ ବିଧାୟକ ସନ୍ତୋଷ ଖଟୁଆ ,ଜିଲ୍ଲା ସଭାପତି ଈଶ୍ୱର ବେହେରା ଓ ଆଗଧାଡ଼ିର ବିଜେପି ନେତା ଉପସ୍ଥିତ ଥିଲେ। ଦୁଇ ଜିଲ୍ଲାପରିଷଦ ତଥା ମଛୁଆ ପଞ୍ଚାୟତର ସରପଞ୍ଚ,୪ଜଣ ୱାର୍ଡସଭ୍ୟଙ୍କୁ ଦଳୀୟ ଉତ୍ତରୀୟ ଦେଇ ସ୍ୱାଗତ କରାଯାଇଥିଲା। ତେବେ ବିଜେଡିରେ ଅଣଦେଖା ଓ ବିଜେପି ଦଳରେ ନୀତି ଆଦର୍ଶ ପାଇଁ ମିଶିବା ପରେ ଦୁଇ ଜିଲ୍ଲା ପରିଷଦ କହିଛନ୍ତି। ସେପଟେ ନୀଳଗିରିରେ ବିଜେପି ଦଳ ଆଜି ଆହୁରି ଶକ୍ତିଶାଳୀ ହେଲା ବୋଲି ମନ୍ତ୍ରୀ ଓ ବିଧାୟକ ଉଭୟ କହିଛନ୍ତି।
