ଭଦ୍ରକ, ୨୭/୧୧: କାଦବରାଙ୍ଗ ନିକଟରୁ ଏକ ମଦ ବୋଝେଇ ବୋଲେରୋ ପିକଅପ୍ ଗାଡ଼ି ଜବତ କରାଯାଇଛି । ଉକ୍ତ ଗାଡ଼ିରୁ ୨୦୦୦ ଲିଟର ଦେଶୀ ରନ୍ଧା ମଦ ଜବତ କରାଯାଇଛି । ଏହା ସହ ପୁରୁଣାବଜାର ଥାନା ଅନ୍ତର୍ଗତ ଗରଦପୁର ଗ୍ରାମର ରିଆଜ୍ ଅହମଦ କାଦ୍ରୀ ଓ ମିର୍ଜାପୁର ପଠାଣ ସାହିର ସେହବାଜ୍ କାଦ୍ରୀଙ୍କୁ ଗିରଫ କରି କୋର୍ଟ ଚାଲାଣ କରାଯାଇଛି । ଏଭଳି ଘଟଣା ଘଟିଛି ଭଦ୍ରକ ଗ୍ରାମାଞ୍ଚଳ ଥାନା ଅନ୍ତର୍ଗତ ବରପଦା ନିକଟରେ ଏଭଳି ଘଟଣା ଘଟିଛି ।

ସୂଚନା ମୁତାବକ, ବରପଦା ନିକଟରେ ପାଟ୍ରୋଲିଂ କରୁଥିବା ସମୟରେ ଏକ ବିଶେଷ ସୂତ୍ରରୁ ଦେଶୀ ମଦ ତିଆରି ହେଉଥିବା ନେଇ ଖବର ପାଇଥିଲା ପୋଲିସ । ଖବର ପାଇ ଆଗରପଡା ଥାନା ଅନ୍ତର୍ଗତ କାଦବରାଙ୍ଗ ନିକଟରୁ ଏକ ମଦ ବୋଝେଇ ବୋଲେରୋ ପିକଅପ୍ ଜବତ କରିଥିଲା ପୋଲିସ । ଉକ୍ତ ଗାଡିରୁ ୨୦୦୦ ଲିଟର ଦେଶୀ ରନ୍ଧା ମଦ ଜବତ କରିବା ସହିତ ଘଟଣାରେ ସମ୍ପୃକ୍ତ ଥିବା ୨ ଜଣ ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରାଯାଇଛି । ଜବତ ହୋଇଥିବା ମଦ ଓ ଗାଡ଼ିର ଆନୁମାନିକ ମୂଲ୍ୟ ଦଶ ଲକ୍ଷ ଟଙ୍କାରୁ ଉର୍ଦ୍ଧ୍ବ ହେବ ବୋଲି ଅବକାରୀ ବିଭାଗ ସୂଚନା ଦେଇଛି । ଏନେଇ ଭଦ୍ରକ ଭ୍ରାମ୍ୟମାଣ ୟୁନିଟ୍ ପକ୍ଷରୁ କେସ ନମ୍ୱର ମୂଳେ ଏକ ମାମଲା ରୁଜୁ କରାଯାଇଛି l