ନୂଆଦିଲ୍ଲୀ : କେନ୍ଦ୍ର ବେସାମରିକ ବିମାନ ଚଳାଚଳ ମନ୍ତ୍ରୀ ରାମ ମୋହନ ନାଇଡୁ ରବିବାର ଦିନ, ଚୌଧୁରୀ ଚରଣ ସିଂହ ଅନ୍ତର୍ଜାତୀୟ ବିମାନ ବନ୍ଦରରେ 'ଉଡ଼ାନ ଯାତ୍ରୀ' କାଫେର ଇ-ଉଦ୍ଘାଟନ କରିଛନ୍ତି। ଟର୍ମିନାଲ-୩ ର ଚେକ-ଇନ୍ ହୋଲ୍ ସ୍ଥିତ ଏହି କାଫେରୁ ଯାତ୍ରୀଙ୍କୁ ମାତ୍ର ୧୦ଟଙ୍କାରେ ସ୍ନାକ୍ସ ଓ ପାନୀୟ ପଦାର୍ଥ ମିଳିବ। ବିମାନ ଚଳାଚଳ କ୍ଷେତ୍ରରେ ସୁଲଭତା ବୃଦ୍ଧି କରିବା ପାଇଁ ସରକାରଙ୍କ ଦ୍ୱାରା ଏହି ପଦକ୍ଷେପ ଆରମ୍ଭ କରାଯାଇଛି।
ଉକ୍ତ ଅବସରରେ ବେସାମରିକ ବିମାନ ଚଳାଚଳ ମନ୍ତ୍ରୀ କହିଛନ୍ତି – ଆଜି ଉଡାନ ଯାତ୍ରୀ କାଫେର ଉଦଘାଟନ ସହ ଆମ ଯାତ୍ରୀଙ୍କ ପ୍ରତିଦିନର ଯାତ୍ରା ଅନୁଭବକୁ ଉତ୍ତମ କରିବା ଦିଗରେ ଏତ ପ୍ରମୁଖ ପଦକ୍ଷେପ ଉଠାଉଛନ୍ତି। ଉଡାଣ ଯାତ୍ରୀ କାଫେ ବିମାନ ଯାତ୍ରାକୁ ସମସ୍ତଙ୍କ ପାଇଁ ସହଜ , ସୁଲଭ ଓ ଆଧୁନିକ ଭାରତର ଆବଶ୍ୟକତାର ଅନୁରୂପ କରିବା ପାଇଁ ଆମର ବିଚାରକୁ ଦର୍ଶାଇ ଥାଏ।
ସୁଲଭ ମୂଲ୍ୟରେ ପାଣି, ପାନୀୟ ପଦାର୍ଥ, ଜଳଖିଆ ଓ ମିଠେଇ ଭଳି ଆବଶ୍ୟକ ବସ୍ତୁ ଉପଲବ୍ଧ କରାଇବାର ଏହି ପ୍ରୟାସ, ଯାତ୍ରୀଙ୍କ ଭିତ୍ତିଭୂମି ଆବଶ୍ୟକତାକୁ ପୂରଣ କରିଥାଏ। ଆମର ବିଶ୍ୱାସ ଯେ, ଉଡ଼ାଣ ଯାତ୍ରୀ କାଫେ ପ୍ରତି ଯାତ୍ରୀକୁ ସୁବିଧା ଓ ସୁଲଭ ପ୍ରଦାନ କରିବ।
ଲକ୍ଷ୍ନୌ ବିମାନ ବନ୍ଦରର ମୁଖପାତ୍ର କହିଛନ୍ତି , ଚୌଧୁରୀ ଚରଣ ସିଂହ ଅନ୍ତର୍ଜାତୀୟ ବିମାନବନ୍ଦରରେ ଉଡ଼ାଣ ଯାତ୍ରୀ କାଫେର ଆରମ୍ଭ ଯାତ୍ରୀ ସୁବିଧାକୁ ବୃଦ୍ଧି କରିବା ଦିଗରେ ଏକ ପ୍ରମୁଖ ପଦକ୍ଷେପ। ଏହି ପ୍ରୟାସ ଯାତ୍ରୀଙ୍କ ପାଇଁ ବିମାନ ବନ୍ଦରରେ ଉପଲବ୍ଧ ସେବା ଗୁଡ଼ିକୁ ଆହୁରି ଅଧିକ ସୁଲଭ ଓ ଶସ୍ତା କରିବାର ଉଦ୍ଦେଶ୍ୟରେ ଆରମ୍ଭ କରାଯାଇଛି। ଉଡ଼ାଣ ଯାତ୍ରୀ କାଫେର ଆରମ୍ଭ ସହ , ଯାତ୍ରୀ ଏବେ ସେହି ଦାମରେ ଉଚ୍ଚ ଗୁଣବତ୍ତାର ସ୍ୱଳ୍ପ ଆହାରର ଆନନ୍ଦ ନେଇ ପାରିବେ। ଯାହା ଉଡ଼ାଣକୁ ଆହୁରି ଅଧିକ ସୁଲଭ କରିବାରେ ସରକାରଙ୍କ ମିଶନର ଅନୁରୂପ।
