ଷ୍ଟଟଗାର୍ଟ, ୦୭/୦୬: ନେସନ୍ସ ଲିଗର ଦ୍ୱିତୀୟ ସେମି ଫାଇନାଲରେ ଦୁଇ ପୂର୍ବତନ ବିଶ୍ୱ ଚାମ୍ପିଅନ ଫ୍ରାନ୍ସ ଓ ସ୍ପେନ ନିଜ ନିଜର ପୂର୍ଣ୍ଣ ସାମର୍ଥ୍ୟ ସହ ମୁହାଁମୁହିଁ ହୋଇଥିଲେ । ଲଢ଼େଇ ବେଶ ସଂଘର୍ଷପୂର୍ଣ୍ଣ ଥିଲା । କିନ୍ତୁ ଶେଷରେ ୧୭ ବର୍ଷୀୟ ଯୁବ ତାରକା ଲାମିନ ୟାମାଲଙ୍କ ଡବଲ ଗୋଲ୍ ସହାୟତାରେ ସ୍ପେନ ୫-୪ ଗୋଲରେ ବିଜୟୀ ହୋଇ ଫାଇନାଲରେ ପ୍ରବେଶ କରିଥିଲା । ପ୍ରଥମେ ସେମିରେ ପର୍ତ୍ତୁଗାଲ ୨-୧ ଗୋଲରେ ଜର୍ମାନୀକୁ ହରାଇଥିଲା । ଆସନ୍ତା ୮ ତାରିଖରେ ପର୍ତ୍ତୁଗାଲ ଓ ସ୍ପେନ ଫାଇନାଲ ଖେଳିବେ ।
ଫ୍ରାନ୍ସ-ସ୍ପେନ ମ୍ୟାଚ ବେଶ ଚିତାକର୍ଷକ ହୋଇଥିଲା । ଫ୍ରାନ୍ସ ଖେଳର ପରିସଂଖ୍ୟାନ ଦୃଷ୍ଟିରୁ (ସଟ୍, ସଟ୍ ଟାର୍ଗେଟ, ପୋଜେସନ, ପାସ, ପାସ୍ ଆକ୍ୟୁରେସୀ ଓ କର୍ଣ୍ଣର) ସବୁଥିରେ ଅଗ୍ରଣୀ ରହିବି ମ୍ୟାଚ୍ ଜିତି ପାରିନଥିଲା । ପ୍ରଥମ ଭାଗରେ ସ୍ପେନ ୨୨ (ନିକୋ ୱିଲିୟମ୍ସ ) ଓ ୨୫ ମିନିଟରେ (ମିକେଲ ମେରିନୋ) ଗୋଲ୍ ଦେଇ ଦଳକୁ ଅଗ୍ରଣୀ କରାଇଥିଲେ । ଦ୍ୱିତୀୟ ଭାଗରେ ବି ସ୍ପେନ ପ୍ରଭାବ ବିସ୍ତାର କରି ଖେଳିଥିଲା । ୟାମାଲ ୫୪ ମିନିଟରେ ଏକ ପେନାଲ୍ଟିକୁ ଗୋଲ ରୂପ ଦେଇଥିଲେ । ସେମିତି ୬୭ ମିନିଟରେ ବ୍ୟକ୍ତିଗତ ଦ୍ୱିତୀୟ ଗୋଲ୍ ସ୍କୋର କରିଥିଲେ । ୫୫ ମିନିଟରେ ପେଡ୍ରି ଦଳ ପାଇଁ ପଞ୍ଚମ ଗୋଲ୍ ଦେଇଥିଲେ ।
ଫ୍ରାନ୍ସ ୫୯ ମିନିଟରେ ପେନାଲ୍ଟିରୁ ପ୍ରଥମ ଗୋଲ ପରିଶୋଧ କରିଥିଲା । କିଲିଆନ ଏମ୍ବାପେ ଏହି ଗୋଲ୍ ଦେଇଥିଲେ । ୭୯ ମିନିଟରେ ରାୟାନ ଚେର୍କି ଦ୍ୱିତୀୟ ଗୋଲ୍ ଦେବା ପରେ ଦଳ ମନୋବଳ ଦୃଢ଼ ହୋଇଥିଲା । ୮୪ ମିନିଟରେ ସ୍ପେନ ପକ୍ଷରୁ ଏକ ଆତ୍ମଘାତୀ ଗୋଲ ହେବା ପରେ ମ୍ୟାଚ୍ ସ୍ଥିତି ୫-୩ ହୋଇଥିଲା । ଶେଷରେ ଇନ୍ଜ୍ୟୁରୀ ଟାଇମରେ (୯୦୍ମ୩) ଫ୍ରାନ୍ସ ତୃତୀୟ ଗୋଲ୍ ଦେବା ପରେ ମ୍ୟାଚକୁ ଅମୀମାଂସିତ ରଖିବା ନେଇ ତତ୍ପର ହୋଇ ଉଠିଥିଲା । ମାତ୍ର ସ୍ପେନ ରକ୍ଷଣଭାଗ ଆଉ ସୁଯୋଗ ଦେଇ ନଥିଲେ । ଶେଷରେ ଫ୍ରାନ୍ସ ୫-୪ ଗୋଲରେ ପରାଜିତ ହୋଇ ବିଦାୟ ନେଇଥିଲା ।
