ଉତ୍ତରପ୍ରଦେଶ, ୨।: ଯୁଜିସି ବିଲ୍-୨୦୨୬କୁ ନେଇ ଉତ୍ତରପ୍ରଦେଶରେ ବିରୋଧ ପ୍ରଦର୍ଶନ । ଉତ୍ତରପ୍ରଦେଶ ବର୍ରା ସଚାନ ସ୍କୋୟାରରେ ସ୍ୱର୍ଣ୍ଣ ସମାଜ ସଂଘର୍ଷ ସମିତି ରବିବାର ୟୁଜିସି ବିଲ୍ ବିରୋଧରେ ସାର୍ବଜନୀନ ପ୍ରତିବାଦ ପ୍ରଦର୍ଶନ କରିଥିଲା । ରାଜ୍ୟ ସଭାପତି ପ୍ରଦୀପ ପାଣ୍ଡେଙ୍କ ନେତୃତ୍ୱରେ ବିକ୍ଷୋଭକାରୀମାନେ କେନ୍ଦ୍ର ସରକାରଙ୍କୁ ତୁରନ୍ତ ବିଲ୍ ପ୍ରତ୍ୟାହାର କରିବାକୁ ଦାବି କରିଥିଲେ । ୟୁଜିସି ଆଇନ ବିରୋଧରେ ସ୍ଲୋଗାନ ଦିଆଯାଇଥିଲା । ପଟେଲ ଚଉକ (ବର୍ରା)ରେ ସଂଗଠିତ ହୋଇ ପ୍ରଦର୍ଶନ କରିଥିଲେ ଓ ଏହି ୟୁଜିସି ଆକ୍ଟ ଛାତ୍ରଛାତ୍ରୀମାନଙ୍କ ଭବିଷ୍ୟତକୁ ବଡ଼ କ୍ଷତି ପହଞ୍ଚାଇବ ବୋଲି ଦାବି କରିଥିଲେ ।
ବିପଦରେ ଛାତ୍ରଛାତ୍ରୀଙ୍କ ଭବିଷ୍ୟତ:
ପ୍ରଦର୍ଶନରେ ଲୋକମାନେ ୟୁଜିସି ଆକ୍ଟ-୨୦୨୬ ବିରୋଧରେ ପ୍ଲାକାର୍ଡ ଧରି ଓ ନାରାବାଜି କରି ଏହାକୁ ଶିକ୍ଷା ବ୍ୟବସ୍ଥା ପାଇଁ ଗମ୍ଭୀର ଚ୍ୟାଲେଞ୍ଜ ବୋଲି କହିଛନ୍ତି । ସେମାନେ କହିଛନ୍ତି ଯେ, ଏହି ଆଇନ ଛାତ୍ରଛାତ୍ରୀମାନଙ୍କ ଶିକ୍ଷା ଓ ବୃତ୍ତିଗତ ଭବିଷ୍ୟତକୁ ପ୍ରଭାବିତ କରିବ । ପ୍ରଦର୍ଶନ କରି ସମାଜିକ ଓ ସାମୁଦାୟିକ ଆନ୍ଦୋଳନର ଏକ ସଙ୍କେତରୂପେ ସ୍ୱର୍ଣ୍ଣ ସମାଜ ସଂଘର୍ଷ ସମିତି ୟୁଜିସି ଆକ୍ଟ-୨୦୨୬ର ନକଲ କପିକୁ ପୋଡ଼ି ଦେଇଥିଲେ । ଅନେକ ନେତା ଓ ଯୁବ କାର୍ଯ୍ୟକର୍ତ୍ତା ଡ଼ା. ପ୍ରଦୀପ କୁମାର ପାଣ୍ଡେୟ, ପ୍ରକାଶ ବୀର ଆର୍ୟ, ଅନୁରାଗ ସିଂହ ସେଙ୍ଗର, ପ୍ରକାଶ ଚନ୍ଦ୍ର ତ୍ରିପାଠୀ, ରାଜେଶ ସୁନେଜା, ସୁରେଶ ରତ୍ନାନୀ, ଅଭିଷେକ ପାଠକ, ଅଭିନବ ମିଶ୍ର, ସନ୍ତୋଷ ଦିକ୍ଷିତ, ସଂଜୀବ ଅବସ୍ଥୀ, ଏବଂ ଅନେକ ଅନ୍ୟ ଜଣ ପ୍ରମୁଖ ବ୍ୟକ୍ତି ପ୍ରଦର୍ଶନ କରିଥିଲେ । ସାଧାରଣ ବର୍ଗ ଉପରେ ଏହି ଆକ୍ଟର ବଡ଼ ପ୍ରଭାବ ପଡ଼ିବ । ତେଣୁ ଏହି ଆନ୍ଦୋଳନ ଆଗାମୀ ଦିନରେ ଜାରି ରହିବ ବୋଲି ସ୍ୱର୍ଣ୍ଣ ସମାଜ ସଂଘର୍ଷ ସମିତି ସ୍ପଷ୍ଟ କରିଛି ।
ଆହୁରି ପଢ଼ନ୍ତୁ... ଭାରତ ହେବ IT ହବ୍ : ବଢିବ ନିବେଶ, ବିଦେଶୀ କମ୍ପାନିଙ୍କୁ ୨୦ ବର୍ଷିଆ ଟିକସ ରିହାତି
