ନୂଆଦିଲ୍ଲୀ,୩୦/୧୧: ୧୯ ବର୍ଷରୁ କମ୍ ପୁରୁଷ ଏସିଆ କପ୍ ଟୁର୍ଣ୍ଣାମେଣ୍ଟରେ ଆଜି ଭାରତ ଓ ପାକିସ୍ତାନ ମଧ୍ୟରେ ହାଇଭୋଲ୍ଟଜ ମ୍ୟାଚ ଥିଲା । ଟସ୍ ଜିତି ପ୍ରଥମେ ବ୍ୟାଟିଂ କରିଥିଲା ପାକିସ୍ତାନ । ୭ ୱିକେଟ ହରାଇ ପାକିସ୍ତାନ ୨୮୧ ରନ କରିଛି । ଭାରତକୁ ୨୮୨ ରନର ବିଜୟ  ଲକ୍ଷ୍ୟ ଦେଇଛି ପାକିସ୍ତାନ । ଶାହଜିବ ଖାନ୍ ଶତକ ହାସଲ କରିଛନ୍ତି । ୧୪୨ ବଲରେ ୧୫୦ ରନ କରିଛନ୍ତି । ଭାରତ ପକ୍ଷରୁ ଆୟୁଷ ମହାତ୍ରେ ଓ ସମର୍ଥ ନାଗରାଜ ୨ଟି ଲେଖାଏଁ ୱିକେଟ ଅକ୍ତିଆର କରିଛନ୍ତି । କିରନ କୋରମାଲଙ୍କୁ ଗୋଟିଏ ସଫଳତା ମିଳିଛି ।

ଟସ୍ ଜିତି ପ୍ରଥମେ ବ୍ୟାଟିଂ ନିଷ୍ପତ୍ତି ନେଇଥିଲା ପାକିସ୍ତାନ । ଶାହଜିବ ଖାନ୍ ଓ ଉସମାନ ପାକିସ୍ତାନକୁ ଏକ ଭଲ ଆରମ୍ଭ ଦେଇଥିଲେ । ଉଭୟ ୧୬୦ରନ ଭାଗୀଦାରି ଗଠନ କରିଥିଲେ । ଏହି ଯୋଡିକୁ ଭାଙ୍ଗିବା ଭାରତୀୟ ବୋଲକଙ୍କ ପାଇଁ କାଠିକର ପାଠ  ହୋଇଥିଲା । ୨୫ ଓଭର ଖେଳ ସୁଦ୍ଧା ପାକିସ୍ତାନର ଗୋଟିଏ ବି ୱିକେଟ ପତନ ହୋଇନଥିଲା । ଆୟୁଷ ମହାତ୍ରେ ଭାରତକୁ ପ୍ରଥମ ସଫଳତା ଦେଇଥିଲେ । ୩୧ତମ ଓଭରରେ ଉସମାନ ଖାନଙ୍କୁ ଆଉଟ କରିଥିଲେ । ୯୪ ବଲରେ ୬୦କରି ଆଉଟ  ହୋଇଥିଲେ ଉସମାନ । ଶାହଜିବ ଖାନ୍ କ୍ରିଜରେ ଫିଟ ହୋଇଯାଇଥିଲେ । ୩୩ତମ ଓଭରରେ ପାକିସ୍ତାନର ଆଉ ଏକ ୱିକେଟ ପଡିଥିଲା । ଅରଶଦ ୩ ରନ କରି ପାଭିଲିୟନ ଫେରିଥିଲେ । ଦଳୀୟ ସ୍କୋର ୧୮୭ରେ ପାକିସ୍ତାନର ମାତ୍ର ୨ଟି  ୱିକେଟ ପତନ ହୋଇଥିଲା  ।

୪୧ତମ ଓଭରରେ ପାକିସ୍ତାନ ୨୦୦ ରନ ପାର୍ କରିଥିଲା । ଫରହାନ ୟୁସୁଫ ଖାତା ଖୋଲି ନପାରି ଆଉଟ ହୋଇଥିଲେ । ୫୦ ଓଭରରେ ପାକିସ୍ତାନ ୭ଟି ୱିକେଟ ହରାଇ ୨୮୧ ରନ କରି କରିଛି । ପାକିସ୍ତାନ ପକ୍ଷରୁ ଶାହଜିବ ଖାନ୍ ଦମଦାର ଇନିଂସ ଖେଳିଛନ୍ତି । ୧୪୦ବଲରେ ୧୫୦ ରନ କରିଛନ୍ତି । ଏହି ମ୍ୟାଚ ଜିତିବାକୁ ହେଲେ ଭାରତକୁ ୨୮୨ରନ ସ୍କୋର କରିବାକୁ ହେବ । ଭାରତ ପକ୍ଷରୁ ଆୟୁଷ ମହାତ୍ରେ ଓ ସମର୍ଥ ନାଗରାଜ ୨ଟି ଲେଖାଏଁ ୱିକେଟ ଅକ୍ତିଆର କରିଛନ୍ତି ।