ଭୁବନେଶ୍ୱର, ୦୮/୦୭: ଆଜିଠୁୁ କଳିଙ୍ଗ ଷ୍ଟାଡିୟମ ଗୋପୀଚାନ୍ଦ ବ୍ୟାଡମିଣ୍ଟନ ଉଚ୍ଚ ପ୍ରଦର୍ଶନ କେନ୍ଦ୍ର ଏବଂ ବହୁମଖୀ ଇନଡୋର ଷ୍ଟାଡିୟମ ପୋଖରୀପୁଟରେ ଆରମ୍ଭ ହେବାକୁ ଯାଉଛି ୟୁନେକ୍ସ ସନରାଇଜ ସିନିୟର ର୍ୟାଙ୍କିଙ୍ଗ୍ ବ୍ୟାଡମିଣ୍ଟନ ଚାମ୍ପିଅନସିପ୍ । ଏହା ପ୍ରଥମ ଥର ଓଡ଼ିଶାରେ ଆୟୋଜିତ ହେଉଛି ।
ମଙ୍ଗଳବାରଠୁ ପ୍ରତିଯୋଗିତା ଆରମ୍ଭ ହୋଇ ୧୫ ତାରିଖରେ ଶେଷ ହେବ । ଓଡ଼ିଶା ବ୍ୟାଡମିଣ୍ଟନ ସଂଘ ଏବଂ ରାଜ୍ୟ କ୍ରୀଡ଼ା ବିଭାଗର ସହଯୋଗରେ ପ୍ରତିଯୋଗିତା ଆୟୋଜିତ ହେଉଛି । ପୁରୁଷ ସିଙ୍ଗଲ୍ସ, ମହିଳା ସିଙ୍ଗଲ୍ସ, ପୁରୁଷ ଡବଲ୍ସ, ମହିଳା ଡବଲ୍ସ ଏବଂ ମିକ୍ସ ଡବଲ୍ସ ଏପରି ୫ଟି ବିଭାଗରେ ପ୍ରତିଦ୍ୱନ୍ଦ୍ୱିତା ହେବ । ପୁରୁଷ ଓ ମହିଳା ବର୍ଗରେ ୧୫୦୦ରୁ ଊଦ୍ଧ୍ୱର୍ ଖେଳାଳି ଏଥିରେ ଭାଗ ନେବେ ।
ପ୍ରତିଯୋଗିତାର ପ୍ରଥମ ୪ ଦିନରେ ଯୋଗ୍ୟତା ରାଉଣ୍ଡ ଏବଂ ଶେଷ ୪ ଦିନ ମୁଖ୍ୟ ଡ୍ର ଖେଳାଯିବ । ଖେଳ ସୁପରିଚାଳନା ପାଇଁ ପ୍ରଦୀପ କୁମାର ପଟ୍ଟନାୟକ, ପ୍ରଦୀପ କୁମାର ମହାନ୍ତି, ଶୈଳେନ୍ଦ୍ର ଚୌଧୁରୀ, ମନୋରଞ୍ଜନ ପଣ୍ଡା, ସୁରେଶ ପଣ୍ଡା, ଅଜିତ ମହାନ୍ତି, କମଳ ଦାସ, ସନ୍ଦୀପ ମିଶ୍ର ଓ ସୁରୁଲାଲ ମଟାରି ପ୍ରମୁଖ ବିଭିନ୍ନ କମିଟିର ଦାୟିତ୍ୱ ତୁଳାଇବେ ।
